Er lægsta eldsneytisverðið fundið ?

Fyrir helgina fékk ég bréf frá Ferðafélagi Íslands. Þar kom fram að félagar í FÍ fá 3 krónu afslátt á EGO stöðvum. Þegar ég bar síðan saman almennt verð verð á næstu EGO stöð við verðið hjá Orkunni þar sem ég er vanaur að kaupa eldsneyti, þá var munurinn óverulegur.

Eftir þessu að dæma, þá geta félagar í FÍ ferngið eldsneyti á svipuðu verði á EGO stöðvum, og félagar í 4×4 greiða hjá Orkunni.

-Einar

Sælir félagar.

Ég hef verið að spá í þessum afslætti. Fór í gær og fyllti, 12.383 kr takk fyrir. Þetta voru rétt um 72 lítrar. Reiddi fram greiðslukort og 4×4 kortið góða. Fékk svo afrifuna til að kvitta á og sá þá að enginn afsláttur var á henni og kortið komið í gegn. Benti pent á þetta og ekkert mál hann borgaði mér til baka en bara 7 kr pr líter, svo ég fékk um 500 kall til baka. Ég hafði áður reiknað afsláttinn og þá var það líka 7 kr miðað við hvað munaði á dælunni og því sem ég greiddi.
Er þetta málið að við erum að fá 7 kr af líter frá fullu verði? sem í raun þýðir ca 2 kr lægra en t.d Atlantsolía með lykli.
Mér tekst enganvegin að fá þessar 12 kr út í afslátt hvernig sem ég reikna þetta. Er þetta kannski bara tómur misskilningur í mér varðandi afsláttinn.

Annað sem ég er að spá líka í. Hef keypt dísil hjá AO þar til ég fékk kortið. Tek eftir að olían hjá þeim og reyndar Olís líka (sem keypt er á vinnubílinn) freyðir töluvert en gerir það ekki hjá Shell. Finnst líka eins og olían hjá Shell sé að skila meiri kraft en AO gerir. Getur verið að freyðiolía sé verri en hin, hafiði tekið eftir þessu???

Kv
Peve

Ég hef einmitt átt mjög erfitt með að fylgjast með raun-verði á eldsneyti vegna þess að þetta er sífellt að breytast og það er eins og olíufélögin reyni að hafa þetta sem ógegnsæjast fyrir fólk.

Er það þá til dæmis þannig að ég greiði sama verð fyrir lítrann hjá Shell á 4×4 afslætti hvort sem ég dæli sjálfur eða ekki ?

Snorri

Það er ljótt að horfa á þessar tölur frá í desember en myndin segir ýmislegt:
[img:1pbvs10x]http://www.f4x4.is/new/files/photoalbums/5508/46560.jpg[/img:1pbvs10x]

S.s. ef maður fær eldsneyti úr "Þjónustudælu" hjá Skeljungi er afsláttur frá fullu verði eingöngu 10kr, ef dælt er af sjálfsafgreiðsludælu eða hjá Orkunni er hann 12kr frá fullu verði.
Það er því eðlilegt að viðbótarafsláttur við kassa vegna F4x4 sé 7kr þar sem þegar er búið að draga 5kr frá á dælunni. Það átti að koma nýtt kortakerfi hjá Skeljungi sem átti að auðvelda þetta eitthvað ef ég man rétt, held að þeir hafi haft orð á því á fundinum í des þegar samningurinn var kynntur.

Jú mér sýnist þetta vera rétt skilið hjá þér. Afslátturinn er orðinn mjög "magur" þegar það er búið að reikna inn alla aðra afslætti, t.d. viðbótarafslátturinn sem maður er að fá ef maður notar t.d. viðskiptakortið hjá Orkunni er sáralítill ef maður miðar við "Bensínfrelsi". Munurinn er hins vegar sá að Bensínfrelsi er fyrirframgreitt en maður er að fá hitt reikningsfært allt að mánuði eftir notkun. Því kemur maður notið hinna háu innlánsvaxta sem íslensku bankarnir eru að bjóða okkur upp á
Á móti kemur að maður er að fá lægra verð á fleiri dælum (t.d. þar sem Orkan er ekki fær maður sama verð í sjálfsafgreiðslu á Skeljungsstöð með F4x4 afslætti).
Eins og ég best fæ skilið þá er þetta svona núna:
176,8 þjónustuverð Skeljungs (samkv. verðlista)
170,2 Egó (samkv. heimasíðu)
167,2 FÍ hjá egó (Egó – 3kr, samkv. EIK)
166,2 bensínfrelsi hjá Orkunni (samkv. heimasíðu)
164,8 f4x4 verð (þjónustuverð Skeljungs – 12kr)

Munar samt 1,2kr á fyrirframgreiddu hjá Orkunni og F4x4 verðinu. Endilega leiðréttið ef það er eitthvað rangt í þessu hjá mér, þetta er m.v. verðin eins og þau standa í dag.

Reyndar eru aðeins tvær Orkustöðvar á höfuðborgarsvæðinu með þetta verð á Bensínfrelsi.

Algengasta verðið er 167,1 kr.

nei þetta er ekki alveg rétt hjá þér, eins og ég skil þetta þá er verð með fullri þjónustu einskonar "listaverð", það er það sama alls staðar á landinu, svo er bara gefinn mismikill afsláttur í sjálfsafgreiðslu.
Mér finnst ekki verið að slá ryki í augun á okkur með því að gefa 12 kr í afslátt af listaverði því það er eina verðið sem er eins alls staðar.
Það segir sig sjálft að það er ekki hægt að gefa afslátt til félagsmanna af stgr.verði þar sem það er breytilegt á milli stöðva.
kv
Agnar
p.s. hér nýjasti [url=http://www.shell.is/Pages/370:1of44pmb][b:1of44pmb]Verðlistinn[/b:1of44pmb][/url:1of44pmb] hjá Shell.

Það sem ég skil ekki alveg er að í Danmörku er Díselinn 8-9 kr Ísl. ódýrari en Bensín, en hér er hann orðinn 15 kr. dýrari ?????

Ég er ekki viss, ég hef verið að fá 4-7 kr af sjálfsafgreiðsluverði, því það er jú misjafnt á milli söðva. Mér finnst eins og talað hafi verið um að við fáum 12 kr af viðmiðunnarverði, hvað og hvar sem það svo er…….
Kveðja Lella

Ég er sammála því að gagnsæi þessarra viðskipta séu ekki nógu góð. Yfirlit eru sein að berast og hefur það komið fyrir að þau komi ekki. Orkan reiknar ekki út afslátt samstundis á strimilinn.
–
Ég versla yfirleitt með viðskiptakoti, dæli alltaf sjálfur, og er yfirleitt 7 kr. afláttur veittur. Það hefur þó komið fyrir, að ég borgi með debetkorti og sýni félagskíteinið mitt og þá var afslátturinn 6 kr.
–
Aftur á móti fékk ég góðann afslátt þegar ég fór með bílinn í allsherjarsmurningu í Bolholtinu hjá Skeljungi.
–
En hvað sem þessu líður fram þá mæli ég með því að allir mæti á Austurvöll í fyrramálið kl. 10.30 og mótmæli allri þessari óráðsíu og strútsaðferðum stjórnarinnar.

Bkv. Magnús G.