Er eitthvað?

Já rétt er það.

Klúbburinn og Shell hafa gert samning þess efnis að félagsmenn fái 10 kr afslátt frá listaverði.

Það þýðir um 5 – 5,5 kr frá sjálfsafgreiðsluverði.

Til að fá afsláttinn þurfa félagsmenn að hafa greitt félagsgjaldið og framvísa skýrteini við kaup á eldsneyti. Það er líka hægt að fá viðskiptakort hjá shell sem að tengist við kredit kort og þá verður það félagsskýrteini í 4×4 og um leið hægt að nota það beint til að greiða fyrir vörur á shell stöðvum.

Samningurinn veitir líka afslátt af smurþjónustu hjá shell í Skógarhlíð og við Laugaveg.

Annars er samningurinn kynntur í nýjasta Sertrinu og var einnig kynntur á félagsfundi í gær. Nánari kynning verður sett hér á netið á næstu dögum.

Benni

Þetta er samsæri gagnvart okkur sem erum hluti af íhaldinu (ESSO), mér líst ekkert á þetta. ;p

Samsæriskveðjur, Úlfr Undanfari (loksins kominn á 38"!!!!11)

Það er rétt að Skeljungur er ekki allstaðar á landinu, ekki frekar en önnur olíufélög. En það eru skeljungsstöðvar á eftirtöldum stöðum á landsbyggðinni skv. heimasíðu þeirra:

Akranes
Borgarnes
Húsafell
Ólafsvík
Hvammstangi
Bíldudalur
Bolungarvík
Sauðárkrókur
Sleitustaðir v/Hofsós
Árskógasandur
Akureyri
Húsavík
Mývatn
Skjöldólfsstaðir
Egilsstaðir
Hallormsstaður
Reyðarfjörður
Seyðisfjörður
Eskifjörður
Fáskrúðsfjörður
Freysnes
Hvolsvöllur
Vestmannaeyjar
Úthlíð
Stokkseyri
Þorlákshöfn
Hveragerði
Grindavík
Sandgerði

Síðan eru einhverjar sjálfsafgreiðsludælur sem hægt er að fá aðgang að ef menn eru með viðskiptakortið og óska eftir opnun hjá Shell – t.d við Búrfell og á Klaustri og víðar.

Á höfuðborgarsvæðinu eru svo 13 stöðvar.
Benni

Nú geng ég í klúbbinn…

Til hamingju með þetta félagsmenn, þetta vonandi skilar klúbbnum einhverjum aurum í vasann líka en sjálfur er ég ekki búinn að gleyma olíusamráðinu og mun sennilega aldrei gera og kem því aldrei til með að kaupa olíu af þessum þjófum ótilneyddur, alveg sama hvaða ávinningur er af því.

Axel minn, samráð hér og samráð þar. Og nú erum við líka kominn í samráð. Sem er hið besta mál. Ef við ættu að elta ólarnar við allt samráð og ekki versla við nokkurn sem ekki er tengdur samráði. Þá ættum við t,d ekki að vera tryggðir nema í gegnum FÍB, en einsog þú veist þá gátu tryggingarfélögin ekki svara spurningum okkar um utanvegatryggingu. Enda félöginn að hafa okkur að fíflum. Við ættum heldur ekki að eiga viðskipti við bankanna því þeir ætla greinilega ekki að láta okkur hafa hlutdeild í hagnaði sínum, þrátt fyrir að eigendur þeirra hafi fengið ríkisbankann á tombollu verði. Svona mætti sennilega lengi telja. En ég ætla að styðja við fyrirtæki sem styðja okkur, í hverju svo sem þau hafi verið áður, eða fyrri eigendur þess.

með désk,,,gíroseðilinn.
Klakinn

Já ég get ekki sagt annað en að þetta sé ein hrein snilld. Þar sem ég er ábúandi á RVK svæðinu er mér nokk sama hvar þessi afsláttur er.

Til hamingju og takk fyrir.

Listaverð hjá olíufélögunum er útreiknað kostnaðarverð og álagning miðað við fyrirframgefnar forsendur þeirra. Almennt eru lágverðsstöðvarnar (orkan, ób, egó) og einnig allmargar almennar stöðvar nokkuð lægri en þetta listaverð. Þess vegna mega menn ekki halda að þeir fái bara 10 krónu afslátt af auglýstu verði á hverri stöð, það er ekki þannig. Sumar stöðvar selja eldsneytið með minna en 10 króna álagningu pr. líter og verður afslátturinn því minni á þeim stöðvum. Á Orkustöðvunum fengjum við því tæpast meira en 1-2 króna afslátt sem væri því um 1-2 krónur undir verði Atlantsolíu (minna ef menn eru með dælulykil).
Gott væri að fá að vita hjá þeim í Skejungi hvar hægt er að sjá hvert listaverðið er á hverjum tíma.
Til hamingju með samninginn félagar.

Klemmi.

Hins vegar eru svona samningar víða hér í þjóðfélaginu. All nokkur starfsmannafélög hafa gert samskonar samninga við olíufélögin síðustu ár og fengið sama afslátt.
Tryggvi, góð hugmynd að koma þessu inn í klúbbinn.

Kveðja,
Klemmi.