Er Barbí barnaleikfang?

Það munar um þyngdina. Þú munurinn sé ekki nema 200-300 kg,
það getur það skipt sköpum. Ég var nýlega í ferð með svona bílum, túrbínulausum dísel hilux DC og nýjum sjálskiptum barbí
:
Hiluxinn fór oftast á undan þó hann væri kraftlítill, einfaldlega vegna þess að hann flaut betur.

Góður 27 og litlu við þetta að bæta.

Sæll Atli, ert þú að hugsa um að kaupa breittan bíl eða óbreyttan og breyta honum sjálfur ?? Það er til önnur tegund sem hentar ágætlega til breytinga, en það er MMC Pajero 2800 disel með 4,88 orginal drifhlutföllum. Ég á einn slíkan og hann hefur komið mjög vel út í bæði krafti og drifgetu.

Þetta líst mér á hjá þér Atli, það eru þessi litlu smáatriði sem gera gæfumuninn.

Hér með að það á hreinu að Benidikt hefur verið rekinn úr Datsunvinafélaginu með skömm og það fyrir lífstíð fyrir guðlast af grófustu gerð sem ekki er nokkur leið að bæta fyrir með nokkru móti.

Núna verður hann bara að halda við Barbí og vona að Ken komist ekki að því svo þau endi ekki í skilnaði því í Datsunfélagið ertu ekki velkominn aftur eftir svona guðalast og að bjóða Patrol falann hæstbjóðanda…… ég græt söltum tárum við að lesa þetta.

Ég vil líka benda þér á að brefaskólinn Mímir er námskeið fyrir konur í jeppamensku sem byrjar fljótlega og tel ég að þú ættir að drífa þig á það til að læra undurstöðuatriði í jeppamensku því ekki virðist vera vanþörf á.

Svo að lokum að vil ég vitna í þann merka mann (Gunnar í Krossinum) en hann segir að Patrol sé eini jeppinn sem sé á guðsvegum….

Þetta fór sko alveg með mig… Hlynur 2208

(ps ég bíð 10000kall og þú borgar umskráningargjaldið)

Smá fróðleikur í sambandi við LC90. Hann er tiltölulega léttur miðað við stærð, álíka þungur og gamli Patrol-inn meðan að nýi Patrol-inn er töluvert þyngri sem útskýrir hvers vegna hann er töluvert oftar fastur líka en sá gamli. Hins vegar er nýi LC90, þ.e. 2003 árgerðin, mun þyngri en sá gamli, munar einhverjum 300 kg, svo hann verður eitthvað meira í spotta í framtíðinni.

Nokkrar upplýsingar um eigin þynd breyttra bíla skv. ökutækjaskrá:

Nissan Patrol GR, árg. 2002, 38" breyttur: 2.480 kg.
Nissan Patrol GR, árg. 1991, 38" breyttur: 2.160 kg.
Toyota Landcruiser GX90, árg. 1998, 38" breyttur: 2.080 kg.

Þessar upplýsingar eru allar úr ökutækjaskrá yfir jeppaskoðaða og vigtaða bíla, allir 38" breyttir. Það er síðan umfjöllun í síðasta bílablaði DV á laugardaginn þar sem niðurstaðan er sú að megin ókostur nýja LC90 bílsins væri sá að hann hefði þyngst verulega frá fyrri árgerð, eitthvað á 3ja hundrað kíló ef ég man rétt. Þyngdirnar geta að sjálfsögðu verið mismunandi eftir breytingu en þetta ætti að gefa ákveðnar vísbendingar. Hvar nákvæmlega fór ég með rangt mál, BÞV???

Sælir
Mér finnst þessi nýi "Diet Krúser" ekkert sérstakur svona orginal, en þessi 38" bíll sem er í Mogganum í dag er alveg helvíti vel heppnaður.
Þið verðið að passa ykkur að skrifa ekki neitt sem ekki er hægt að staðfesta um þennan nýja "Diet krúser", því annars verður Björn Þorri fúll. hehehehehe

Það er alltaf eins og það séu fjögra og fimm ára gömul börn að rífast á þessum þráðum. Það er nú ekki hægt annað en að brosa. "Pabbi minn er sterkari en pabbi þinn" Já, en pabbi minn er bróðir hans supermans….. Það er nú einu sinni þannig að þessar jeppatíkur eru allar á fjórum hjólum og komast 97% jafn mikið þegar þær eru komnar á fjöll. Hitt er bara bílstjórinn. Já BARA BÍLSTJÓRINN. Það er búið að sýna sig svo oft. Að fá góða kennslu í að keyra í snjó og kunna að hleypa úr dekkjum er það sem þarf til að kunna að ferðast og skemta sér á fjöllum. Að kunna að keyra eftir GPS og tölvu er líka stórt atriði. Að vera fyrstur í hópnum eða ferðast einn er besti skólinn sem þú getur fengið. Að lenda í því að þurfa að keyra "blindflug" á jökli eftir GPS tæki er mjög góður skóli. Að vera með sjálfum sér og læra á bílinn. Hleypa úr, keyra svona hratt í skaflinn, eða bara svona hægt er það besta sem þú gerir til að læra að keyra. Að lenda í óvenjulegum aðstæðum og leysa þær eru ómetanlegur sigur sem gerir þetta svo gaman. Svo öðlast maður reynslu til að ferðast og lesa landið og leiðirnar sem maður er að fara. Það eru margir reynslu boltar í þessu félagi sem menn ættu að leita til og spyra og fá jafnvel að sitja í hjá þeim. Þetta er ekki neitt sem er meðfætt. Heldur er þetta margra ára þjálfun sem gerir okkur betri. Í erfiðum aðstæðum er ekki allt að vera með vélarafl og stór dekk. Heldur hitt að vera með REYNSLU.

Það eru margir hér sem gorta sig og er kokhraustir í skrifum sínum, en hafa aldrei farið á fjöll nema í rasgatinu á eftir einhverjum örðum jeppa.

kv,
heijo

Meiri Snjó!!!

Sæll Haukur.

Hurðu, þetta átti nú bara að vera smá leiðrétting á fullyrðingar þínar, engin leiðindi sko…

Það var einkum tvennt sem mér fannst/finnst ekki ganga upp í fyrri pósti þínum. Í fyrsta lagi að LC 90 og gamli Patrol séu álíka þungir og í öðru lagi að LC 120 sé 300 kg. þyngri en LC 90.

Eftir minni bestu vitund er hvorttveggja rangt. Það skýrir kannski hið fyrra að þú miðar við upplýsingar úr ökutækjaskrá. Ég miða við vigt, þ.e. raunverulega vigtun. Eins og allir vita, þá er lítið að marka opinberar upplýsingar um þyngd breyttra Patrol bíla úr ökutækjaskrá, enda er "feik" í þeim efnum grundvöllur þess að þessir blessaðir Datsun kallar megi yfir höfuð taka með sér farþega í bílana, þar sem verksmiðjurnar gúddera ekki heildarþyngd þeirra í samræmi við raunverulega heildarþyngd breytts bíls. Ótrúlegt að þeir skuli ekki vera búnir að leysa þetta mál, sérstaklega í ljósi þess að þessir bílar eru næstum einráðir í túristaakstri hér á landi og því auðvelt skotmark ef eitthvað kemur uppá… Hins vegar vita allir að þessir bílar geta vel borið miklu meira en skráningin segir til um, en það er bara ekki nóg í heimi þar sem "reglur eru reglur". Ef mínar uppl. eru réttar, er gamli "38 patrol (þ.e. 89-00 boddýið) að vigta a.m.k. 250-350 kg. meira en LC 90, fer eftir gerðum (ef þú ert að tala um eldri Patrol en 89 þá þekki ég lítið til hans, nema að ég veit að öruggast er að hafa hann á "44 ef menn vilja drífa í snjó).

Upplýsingar mínar um mismun á þyngd á LC 90 og LC 120 hef ég svo bara munnlega frá fulltrúa Arctic Trucs, en þar var mér sagt að um væri að ræða 100-150 kg. mun, fer eftir gerðum og búnaði.

Þyngd skiptir verulegu máli. Ég hef átt tvo LC 90 og báðir eru rétt um 2000 kg. á "38 (slefa yfir það með aukatönkum, spilgrind og drullutjakk). Gera menn sér almennt grein fyrir því að 50-100 kg. til eða frá geta skipt sköpum um það hvort menn komast leiðar sinnar í þungu færi eða ekki? Þetta hef ég margsinnis staðreynt!

Með ferðakveðju,

BÞV