This topic contains 18 replies, has 1 voice, and was last updated by 
-
Topic
-
Jæja, þá á nú að vera komið skipulag á dreifingu og sölu á litaðri og ólitaðri dieselolíu. Það á því að vera orðið nokkuð ljóst hvernig hlutirnir eru framkvæmdir og hvaða reglur gilda. Nú nýlega gerði ég mér erindi til náunga sem ég er nokkuð kunnugur og hefur unnið hátt í tuttugu ár við að keyra út olíu og bensíni og gerir enn. Ég spurði hann gagngert hvort sömu tankbílarnir væru notaðir fyrir litaða og ólitaða olíu og hvernig þeir væru þrifnir á milli. Svarið var, að þeir væru EKKI þrifnir; ef bíllinn væri að fara úr flutningi á litaðri olíu í ólitaða væri fyrstu 15 lítrunum dælt úr slöngunni í geymi með litaðri olíu, en síðan væri bara tæmt í söludælugeyminn fyrir ólitaða olíu. Nú hefur komið fram í fjölmiðlum, að í þeim tilfellum sem lituð olía er af einhverjum ástæðum sett á geymi bíls eða tækis, sem á að nota ólitaða olíu, megi finna leifar af litarefninu mánuðum og jafnvel árum síðar. Þá spyr fáfróður sveitamaður, hvort ekki sé hætta á uppsöfnun á leifum af litarefni í söludælugeymum, sem svo flytjist áfram í eldsneytisgeyma og eldsneytiskerfi þeirra ökutækja, sem dælt er á af þessum geymum. Það hefur líka komið fram, að þungar sektir verða við því þegar litarefni finnast í eldsneytiskerfum bifreiða, sem eiga að nota ólitaða olíu. Jafnframt er ábyrgðin fortakslaust á þeim sem ekur viðkomandi ökutæki, burtséð frá því hver á tækið eða hefur átt og hver hefur drýgt þann „glæp“ að setja litaða olíu á tankinn. Þér er ekki einu sinni gefinn kostur á að afsanna sök þína. (Bendi ykkur á að lesa reglugerðina um þetta efni). Nú er mín næsta spurning, hvort þarna sé verið að efna í nýja tekjulind fyrir fjármálaráðuneytið, þ.e. mögulegt verði að sekta nánast alla, sem taka olíu af söludælum, a.m.k. úti á landi. Þar sem verulega stór hluti félagsmanna notar dieselvélar, finnst mér að hér hljóti að vera brýnt hagsmunamál að kanna og leysa á sameiginlegum grunni. Ég veit fyrir víst, að það eru áhrifaaðilar í tekjudeild ráðuneytisins, sem eru á móti því að almenningur eigi og noti dieselknúnar bifreiðar og þeim er það ekki leitt ef nýtt fyrirkomulag á innheimtu þungaskatts verður til að draga mjög úr notkun dieselvéla. Forystumönnum FÍB er einnig af einhverjum óútskýranlegum ástæðum í nöp við dieseljeppa og þeim finnst ástæðulaust að hafa afskipti af þessu. Ég trúi því ekki fyrr en ég tek á, að stjórn 4×4 vilji ekki skoða þetta mál. Mig grunar reyndar, að á höfuðborgarsvæðinu séu notaðir sérstakir tankbílar til að dreifa ólitaðri olíu, og því sé þessi hætta miklu minni þar og það er út af fyrir sig ágætt. En félagar í 4×4, sem eru flestir búsettir syðra eins og landsmenn yfirleitt, fara stundum út á land og taka þar einstaka sinnum olíu, þannig að þetta gæti brunnið á þeim líka. kv. Ólsarinn
-
Replies
-
Ég hef greinilega farið línuvillt þegar ég færði þetta í "categoríu", ætlaði að fara í innanfélagsmál. EF einhver gæti hjálpað mér að flytja þetta í milli yrði ég afar þakklátur.
kv.
Vegagerðin hlýtur?? að taka reglulega sýni úr tönkum sölustöðva. Varla verða menn hengdir fyrir þetta ef þeir geta sýnt fram á að litur er í tönkum sölustöðva þar sem þeir sannanlega taka olíu. Trúi ekki öðru en að dómari tæki upp hanskann fyrir þann sem í þessu lenti.
Jónas
Það er nú það. Svo virðist sem ekki sé gert ráð fyrir þessu og mér skilst að Vegagerðin, sem eins og Jónas bendir á hefur með eftirlitið að gera, telji það ekki vera í sínum verkahring að skoða þetta atriði. Mér dettur nú í hug að fyrir um það bil ári, þegar verið var að ræða fyrirhugaða breytingu yfir í olíugjald frá gamla þungaskattskerfinu, þá bentum við nokkrir á að þarna myndi verða um aukna skattheimtu að ræða, því nú yrði innheimtur virðisaukaskattur af þungaskattinum, sem ekki hafði verið. Mig minnir að menn hafi þá blásið á þá ábendingu sem tóma vitleysu. Nú hefur hitt sumsé komið í ljós, að virðisaukaskatturinn er það síðasta sem lagt er á eldsneytisverð eins og allar aðrar vörur, og er í sjálfu sér í samræmi við lög um virðisaukaskatt. Því finnst mér enn og aftur fyllsta ástæða til að stjórn okkar ágæta hagsmunafélags athugi þetta mál, því svo virðist sem enginn annar hafi áhuga. Ég er búinn að benda FÍB á þetta en þar hefur enginn áhuga.
Þar sem þú sagðir okkur að lesa reglugerðina, þá er alveg ljóst að þú hefur ekki lesið allt í kringum þetta til hlítar sjálfur.
Ég hef lesið öll lög og allar reglugerðir í sambandi við litaða olíu og m.a. kemur fra að "lituð olía telst ekki lituð enda innihaldi hún minna en 3% af litaðri olíu"
Sem þýðir að það má alveg greynast leifar af litarefni í tanknum hjá þér bara svo framarelga sem að það sé nægilega lítið (sem ég geri ráð fyrir að sé)
Einnig þetta með þungu sektirnar þá skil ég það þannig að þetta sé frá 5-100 þús nema að það þykist sannað að þú hafir ekið þeim mun meira á litaðri olíu.
einhverstaðar heyrði ég að það væri ekki til tæki hér á land til að mæla þetta !!!!!!
Var ekki bara verið að hóta þessu í fjölmiðlum til þess að hræða okkur? Ég tel það mjög heimskulegt og mjög ólíklegt ef liturinn festist í tankinum! Kostnaðarsamt að þurfa alltaf að þrífa tankbílana í hvert skipti sem þeir taka litaða olíu í sig, og sérstaklega ef hún festist svona rosalega í tankinum!
Svo er annað…hefur einhver verið stöðvaður af vegagerðinni og kíkt ofaní tankinn? Ég hef ekki heyrt um neitt slíkt.
kv, Geirinn
Hvar er lituð olía seld í dag. Þarf að ná mér í nokkra brúsa fyrir olíuofn.
kveðja
eie
Eins og sagt er þegar verið er að auglýsa hitt og þetta er lituð olía "seld á öllum betri bensínstöðvum"
Annars svona til að gera þetta auðveldara þá er það á þeim bensínstöðvum þar sem stutt er í einhvern iðnað eða höfn, þar sem von er á tækjum sem nota litaða olíu.
D.
Esso ártúni, amk BM vallá meginn
Esso Stórahjalla Kópavogi
Orkuni sundargörðum
Atlantsolíu kópavogi
Og á flestum bensínstöðum utan höfuðborgarsvæðisins.Hvað varðar litarefni í tönkum þá er um að ræða.
Þetta er samk. 3 gr laga nr 283 samþykkt 2005:Litunarefnið samanstendur af einu litarefni og einu merkingarefni.
Sem merkiefni skal nota N-Ethyl-N[2(1-isobutoxyethoxy)ethyl]-4-(phenylazo)anilin (Solvent Yellow 124), og sem litarefni skal nota sérstaka útgáfu af 1,4-bis-N-dialkylamino¬athraquinon blöndunarefni með alkylhópunum 2-ethylhexyl, 3-(2-ethylhexyloxy) propyl og 3-menthoxypropyl (sérstök útgáfa af C.I. Solvent Blue 79 með CAS 90170-70-0). Merkiefnið og litarefnið kallast hér eftir litunarefni. Ekki má bæta öðrum litar- eða merkingarvörum í olíuvörur.
Það er sitthvor bíllinn sem fyllir á lituðu og ólituðu olíuna hér á selfossi. Þeir sem fylla á lituðu olíuna eru eingöngu með litaða olíu á sínum bílum.
Kveðja
Þengill
Sárvantar að vita hvernig eftirlitinu er háttað á því að sjá hvort ökutæki er með litaða olíu eða ekki ef maður skildi þurfa að fá leka af litaðri olíu á næsta sveitabæ til að komast heim.
kv. SÁ
Ef manni er ekki einu sinni gefin séns á að útskýra mál sitt með það að það finnist litarefni í olíuni þá má passa sig ef maður fær lánaðan brúsa af olíu á fjöllum. Er einhver leið að sjá það á olíuni sjálfri hvort hún er lituð eða ekki þegar maður hellir henni á.
Til þess er nú litarefnið, að það sjáist á olíunni! Samkvæmt reglugerðinni telst olían ekki lituð ef hún inniheldur innan við 3% af því magni merkiefnis sem sett er í lituðu olíana. Með öðrum orðum, mönnum verður ekki refsað ef tankurinn inniheldur innan við 2 lítra af litaðri olíu. Annars á ég eftir að sjá að það verði farið að kíkja ofan í tankana hjá mönnum í eitthverjum mæli.
-Einar
Heimsverð á olíu er það sama í dag og það var 1.7. Mig langar að benda fólki á að þann 1.7 þegar olíugjaldið kom á kostaði líterinn 102,7 ef ég man rétt og hækkaði svo nokkrum dögum seinna í 103,7
Í dag kostar olían svo 104,7! Það merkilega við þetta allt er að USD er 4,7% lægri í dag miðað við 1.7.Atlantsolía, Esso, Shell og Olís eru öll saman í einni sæng að halda h%$#% olíuverðinu uppi!
Samkeppnin er álíka mikil og milli 2 tyggjópakka frá sama fyrirtæki
Verðum að fara að skrifa um þetta í blöðin
Já, ég er alveg sammála þér. Gott framtak að skoða olíuverðið svona aftur í tímann.
Ég er líka viss um að ef við skoðum þetta lengar aftur í tímann þá kemur enn meiri munur í ljós
hvar er hægt að fá upplýsingar um olíuverð svona langt aftur í tímann ?
kv
AB
Anonymous- Umræður: 0
- Svör: 16404
Málið með lituðu olíuna er þetta…
Það er bætt tveim litum í olíuna, bláum og gulum.
Að bæta gulum þykir sumum kannski undarlegt, þar sem díselolían er í raun gul, en það er ástæða fyrir því.Blái liturinn er settur í til að hægt sé að sjá samstundis hvort þú sért að nota litaða olíu, en guli er þeim eiginleikum gæddur að ef hann er blandaður með hydrocloric acid og hristur þá verður vökvinn rauður,
þetta gerir ríkið til að sjá hvort það hafi einhverntíman verið notuð lituð olía á tækið, og þessi aðferð, þe. að blanda sýrunni í olíuna er mjög einföld, fljótleg og ódýr, og það þarf ekki að vera nema 2-3% af litaðri olíu í tanknum til að hún verði rauð..
ég tel að það sé útliokað að nokkur geti séð ef einhverntíman hafi verið notuð lituð olía á bílinn, þá á ég við að það hafi verið sett venjuleg olía á bílinn í 4-5 skipti eftir notkun á lituðu olíunni, ég hef verið að skoða fyrirtæki sem framleiða búnað sem yfirvöld nota til að mæla þetta og þau eru öll með tæki sem mæla aðeins vökva, þ.e. aldrei er talað um tæki sem geta mælt innviði olíutanks eða þess háttar, og þar að auki eru margir sem setja reglulega spíssahreinsi á tankana hjá sér, og ef eitthvað er til í fullyrðingum framleiðenda þeirra efna þá er ekki ólíklegt að þu efni hjálpi til við að hreinsa litina úr kerfinu…
Já, mér finnst það merkilegur andskoti að um leið og það fréttist að hækkun erlendisfrá, að þá eru allir um leið búnir að hækka verðið hérna á klakanum, þótt þeir eiga mörg þúsund tonna byrgðir sem þeir keyptu á mikið minni pening.
Og svo að sjálfsögðu þegar fréttist af lækkunum, þá er ekki lækkað verðið fyrr en seit og síðar meir.
Persónulega að þá varð ég fyrir miklum vonbrigðum með Atlandsolíu, þeir lofuðu mikið lægra verði sem varð að engu.
Ég hef verslað við AO síðan þeir komu með sína stöð til Keflavíkur og mun halda áfram, einfaldlega vegna þess að ef ég borga þeim ekki til að vera til að þá mun verðið hækka enn meira.
Sælir félagar.
Langar að forvitnast um hvort að einhver ykkar eða einhver sem þið þekkið hefur lent í því að vera stoppaður og það sé tekið sýnishorn af olíunni á tanknum. Hef ekki heyrt um nokkurn kjaft sem hefur lent í þessu. Þetta var nú einn aðal hræðsluáróðurinn áður en gjaldið breyttist að menn ættu þetta yfir höfði sér að vera stoppaðir hvar og hvernær sem er og málin athuguð.
Ágætt svosem á meðan að maður fær frið.Kv
Peve
You must be logged in to reply to this topic.