This topic contains 3 replies, has 1 voice, and was last updated by 
-
Topic
-
AnonymousJæja nú er sjálfsagt búið að hengja og flá drullumallarana ofan af velli fyrir að eyðileggja slóða, grasbrekkur, lautir omfl, bæta svo gráu ofan á svart og ræna eigin bílum úr skítnum þannig að almúginn sem ekur um á 2×4 lágvöxnum bílgreyum álítur okkur jeppamennina fávita sem eru að slátra landinu sínu.
Nú í vikunni var ég að horfa á þátt sem ég held að heiti Vélhjólasport eða eitthvað svoleiðis, þessum þætti var sjónvarpað frá okkar ágæta Ríkissjónvarpi, þarna voru menn að spóla upp öllu, hvort sem það hét gras,mold,möl eða bara eitthvað annað.
Er þetta bara gott og gaman?
Eða keppast þessir menn hálft sumarið og eyða svo hinum helmingnum í að laga og bæta það sem búið var að spóla og spæna????Kv Finnsi
-
Replies
-
Anonymous- Umræður: 0
- Svör: 16404
Ágæti Finnsi.
Aðeins um skrif þín varðandi vélhjólakstur. Þar sem ég er fyrrverandi vélhjólamaður og þekki aðeins til í þessum efnum þá langar mig aðeins að bæta við skrif þín. Þannig er að cross og endurokeppnir eru haldnar á til þess gerðum lokuðum svæðum (brautum) þar sem búið er að afla allra tilskilinna leyfa frá landeigendum og yfirvöldum. Hér er því alls ekki um að ræða akstur í leyfisleysi utan vega. Þessu má líkja við torfærukeppnir á jeppum sem að flestra mati eiga fullan rétt á sér. Við verðum að passa okkur að gera greinarmun á skipulögðum keppnum annars vegar og hins vegar akstur utan vega sem að sjálfssögðu á að fordæma og reyna að koma í veg fyrir með öllum tiltækum ráðum.
Hvar heldurþú að þessir utanvegahjólamenn æfi sig ?
Mér finnst líklegast að þeir æfi nefnilega úti um hvippinn og hvappinn.
Sælir drengir.
Vinsamlegast farið nú varlega í það að dæma alla vélhjólamenn fyrir að spóla allt landið okkar upp.
Við jeppamenn höfum nebblega aðeins verið í basli út af svipuðum orðrómi og þið virðist vera að skapa.
Ég persónulega hef ekki nokkra trú á því að allir krossaramenn og konur séu einhverjir hálfvitar sem finnist ekkert meira spennandi en að rústa öllum gróðri sem þeir sjái þó að eflaust séu skemmd epli inn á milli,(eins og hjá okkur sjálfum).Kv: Kátur.
You must be logged in to reply to this topic.