Engar Árshátíðar fréttir ?

er nú árshátíðin yfirstaðin og maður man ekki einu sinni eftir því.

Þetta var frábær árshátíð og vill á Þakka Benna á Akureyri fyrir góðan undirbúning og svo verð ég bara að mæla með KEA það er flott hótel

Benni Ak er LANGflottastur
Árshátíðin var LANGflottust
Akureyri er LANGflottust
Danssveit Ofsans… LANGflottust

Bíddu við, já hún búin… ja ég sko maður bara veit ekki neitt. Jæja ég man ekkert eftir henni og þá hlýtur að hafa verið gaman. Já alveg rétt, það var bara mjög gaman. Eða, eða… var það ekki??? annars…!!

Kveðja:
Erlingur Harðar

Það er nú nánast útilokað að hjálpa fólki sem hefur ekki hugmynd um hvar það er statt. Flytja heilu dalina milli sýslna……
Hjálp Lella

Ég man reyndar ekkert eftir þessum Ella þarna, rámar í einhvern annan Ella, en það gæti auðvitað verið allt önnur Ella.. nema Ella sé.
Ég man hins vegar ekki eftir neinum vandræðum enda allt sem gerðist eftir klukkan hálf níu um kvöldið mér algerlega hulið.

Af skrifum kannast ég við mann sem hér á landi býr
Hann Magnús Hallur Norðdahl heitir, skemmtilegur fír
og margra spyr hann spurninga það eru hans kýr og ær
ég gaman hef af gátum hans og í þeim er hann fær.

Um daginn kom svo spurning ein og allir hrukku við
af árshátíð hann sprunir vildi hafa af góðum sið
og ekki stóð á svörunum frá félaganna fjöld
það svei mér hafði verið mikið gaman þetta kvöld

Til máls þar fyrstur Ofsinn tók og mæltist honum vel
því mælskur maður þar á ferð ég vissulega tel
og víst hann hafði verið þar og gaman var og flott
en rykugur í hausnum dáldið, minnið ekki gott

Ólafur til máls þá tók og minnti Ofsann á
Að ógeðslega gaman hlyti að hafa verið þá
Og ekki var hans minnið gott því ekki mundi hann neitt
En vissi þó að hann og Ofsinn skemmt sér höfðu feitt

Og Dolli nokkur tók til máls og um sig tjáði þá
Að skemmt sér hefði konunglega balli þessu á
Í mat og drykk var allt svo gott það næstum var um megn
Og danshljómsveitin Ofsans hefði slegið vel í gegn

Í Tryggva augum gengið hafði allt sem áformað
Því allt var þarna langflottast og ekkert minna en það
En önnur Ella var það svo, það sagði sig víst sjálft
Að minnið víst hann missti skömmu eftir átta og hálft

Erlingur út alla sló svo ekki villst um var
Hjá honum var allt úr og í um það sem skeði þar
Hvort árshátíðin búin væri eða ekki var nú eitt
og maðurinn, hann hreinlega mundi fjandann ekki neitt

Hjá Halldóri þá skyndilega rifjaðist það upp
Að Erlingur og hann þeir hefðu þambað sama drukk
Og áhyggjurnar þeirra voru helst sú arðmæða
Að kannski hefðu báðir verið nett til vandræða

Nú fram á ritvöll ruddist Dúkka ein og tók öll völd
Og bláedrú hún sagðist hafa verið allt það kvöld
En minni hennar rykugt eins og allra hinna var
því ólyfjan í vatnið hefði laumað verið þar

Hér lærdóm nokkurn draga má þó ekki sé það kvöð
Að alla heimsins hluti þarf að taka í tímaröð
Og M.H.N. má gæta þess sem víst er auðvitað
Að spyrja ekki spurninga sem ekki er komið að

Með góðum kveðjum, Logi

Það er ljóst að 4×4 hefur eignast hirðskáld við hæfi. Að ólöstuðum öðrum misgóðum kveðskap sem hér hefur birst, þá bera drápur Loga af. Fyst var það Jariss drápan sem var nú bara eins og sjálfur Egill Skalla hefði ort hana og svo núna þessi snilld.
Kv – Skúli

það er greinilegt að klúbburinn hefur á að skipa einvala liði meðal félagsmanna.
Logi stóð sig einnig frábærlega eins og margir aðrir í stikuferðinni í haust og lét ekki rok eða rigningu aftra sér.