This topic contains 4 replies, has 1 voice, and was last updated by 
-
Topic
-
Endurvarpi á Strút er nú kominn í gagnið eins og fram kemur á upphafssíðu þessa ágæta vefs. Sjálfsagt kemur ekki almennileg reynsla á hann fyrr en í vetur en allavega virðist hann lofa góðu.
Undirritaður hefur ekki haft tök á að fara um Kaldadal eftir að endurvarpinn var settur upp svo gaman væri að fá af því fréttir hvernig hann næst þar. Eins væri gaman að fá komment á það hvort menn telji að endurvarpi á þessum stað nýtist þeim.
Eiríkur
E-1362
-
Replies
-
Anonymous- Umræður: 0
- Svör: 16404
Sælir félagar,
ég vil fagna þeirri uppbyggingu sem orðin hefur á vhf-kerfinu. Án endurvarpanna væri þetta aðeins þokkalegt kerfi milli bíla, en er orðið öflugt samskiptakerfi. Þetta (held ég) megi þakka miklu og óeigingjörnu starfi fárra félaga.
Fróðlegt væri jú að vita hvað Strúturinn dekkar stórt svæði, í öllu falli þá er mikil umferð um svæðið,-Langjökull-Kaldidalur-Arnarvatnsheiði-Borgarfjörður.
-Hvað er óhætt að nota þessa endurvarpa mikið (stanslaust),
hver er orkuuppspretta þeirra og ending,-og á hvaða rás endurvarpar Strúturinn?
Með kveðju,
Ingi
Það hefur nú ekki verið útbúið kort af útbreiðslu endurvarpans á Strút, líkt og hefur verið gert við flesta aðra endurvarpa í eigu klúbbsins, og hægt er að skoða á VHF síðunni. Eddi ætlar að ég held að skoða þau mál.
Á þessum stutta tíma hef ég þó vissu fyrir því að hann næst vel um allan Borgarfjörð, út á Snæfellsnes (Fróðarheiði og víðar), á Þorskafjarðarheiði, Arnarvatnsheiði og að Vestur-Hópsvatni. Hann næst af Akranesi og einnig af Seltjarnarnesi, allavega ef farið er út undir golfvöll, eða út að Gróttu. Síðan ætti hann að nást vel á Kaldadal og um allan vestanverðan Langjökul, en hef engar fréttir ennþá af útbreiðslu þar.
Ég held að menn eigi að nota endurvarpana eins og þeir þurfa. Orkuuppsprettan eru rafgeymar, samtals um 460 amperstundir. Sendirinn er held ég að taka 1,2 amper í útsendingu. Við þá er tengd sólarsella.
Endurvarpinn á Strút er á rás 44.
Kveðja,
Eiríkur Þór Eiríksson
Vesturlandsdeild 4×4
Sælir félagar.
Ég verð nú að játa að ég hef ekki komist í að prófa endurvarpann víða á höfuðborgarsvæðinu, þó get ég sagt ykkur að hann næst með sjávarsíðunni á Sæbrautinni vestan frá Reykjavíkurhöfn og austur að Kringlumýrarbraut (orðið slitrótt þar). Þá finnst mér líklegt að hann náist einnig ofarlega í miðbænum, t.d. á Skólavörðuholti, (við Hallgrímskirkju) en það á ég eftir að prófa. Þetta er með ólíkindum flott að vera kominn í samband við þau svæði sem Eiríkur lýsir (sennilega líka efstu hluta Drangajökuls!) beint (um endurvarpa) héðan af vestur-höfuðborgarsvæðinu.
Til hamingju með það góðir félagar og nú enn ríkari ástæða til að fjárfesta í VHF stöð!
Þökkum Skagamönnum "Strútsframtakið" og Edda fyrir óbilandi áhuga á uppbyggingu þessa kerfis!
Ferðakveðja,
BÞV
Siggi Harðar hefur skrifað frétt um upps. á endurvarpa á Strút og Gagnheiði.
{http://www.rsh.is/frett-end-strut.html}
You must be logged in to reply to this topic.