Eitthvað nýtt fyrir okkur Toyota kallana

Sæll.

Þetta er við fyrstu sýn það foráttuljótasta sem ég hef séð nokkrum manni detta í hug að líma Toy merki á…

Það er engu líkara en að þetta sé einhverskonar samsuða af Korando og Hummer, sem seint verða jú taldir fegurstu bílar í flórunni. Ég tel langsótt að það verði markaður hér fyrir þetta skrípi, jafnvel þótt menn setji í það díeselvél, þar sem þetta er jú bara 2ja dyra bíll og hentar því fáum.

Ef þú nærð því í gegn, þá legg ég til að Óli Grís sæmi þig fálkaorðu með stórriddarakrossi með stjörnu eða hvaðþettanúheitir…

Ferðakveðja,

BÞV

Verð að gleðja formanninn fyrrverandi á því að þetta er víst bara "Concept car" ennþá.
En það væri ekki ónýtt ef BÞV sendi Embætti forseta Íslands tilnefningu þó ég geti varla haft áhrif á framleiðslulínu Toyota. En það blundar greinilega einhver öfund í formanninum fyrrverandi að hafa ekki verið tilnefndur sjálfur, þið munið það fyrir næstu veitingu félagar F4x4.

Kv ÓA

Sælir

Concept bílar fara í framleiðslu!!!!!!!!
Þessir bílar eru einmitt smíðaðir til þess að kalla fram viðbrögð markaðarins og átta sig á hugsanlegum kaupendum. Ef viðbrögðin eru sterk, þá fer bíllinn í framleiðslu, ef viðbrögðin eru veik þá fellur þetta um sjálft sig. Oftast eru þó miklar breytingar gerðar á bílunum frá því að þeir eru kynntir sem consept og þangað til að þeir koma á almennan markað. En ég verð að segja að þessi bíll í 4 dyra útgáfu, breyttur á íslenskan máta, með góðri Toy diselvél hlýtur að koma vel út. Brilliant bíll, sem vonandi fer í framleiðslu áður en langt um líður.

Kveðja
Púff