Einstök Börn

Æðislegt og þakkir fyrir það Agnes. en hvernig er staða hjá fólki finnst ykkur að ég ætti að plana aðra ferð??? þá er ég að spurja alla ekki stjórn!!! ég hef áhuga á því en vill vita hvað ykkur finnst og hvað þá sama hóp??? annan hóp??? endilega látið skoðanir ykkar í ljós

Kveðja Davíð Karl

Ég er alveg til í aðra ferð, þetta var rosalega gaman síðast.
Það er einmitt spurning hvort að ekki megi bjóða fleirum með og þá jafnvel frá öðrum samtökum t.d. skjólstæðingum Sjálfsbjargar. Kannski á það ekki saman, bara svona pæling. Ég er allavega til í svona ferð og get jafnvel tekið þá í undirbúningi fyrir þá ferð. Í vor var ég því miður upptekinn vegna við annað síðastliði vor.

Hvernig væri það ?

Þórsmörk, Landmannalaugar, Kerlingafjöll, Setur, Hveravellir, Fjallabak, Reykjanesið.
Hvernig eru jöklanir svona á haustin, væri hægt að fara einhverja jöklaferð þá?

Sælir.
Ég er til í að bjóða fram byrgðabíl ef ferðin verður ekki bara fyrir mikið breytta bíla. Gæti jafnvel tekið einn púka í framsætið.

Kv.
Ásgeir

Hellingur af rými fyrir slatta af krökkum hjá mér, þar sem ég ferðast yfirleitt einn í bíl. Gaman af svona ferðum. Hressandi fyrir börnin og að ekki sé nú talað um gott orð í vasa okkar jeppamanna og 4×4 klúbbsins.

Haffi og Toppurinn

Þessi síðasta ferð var virkilega vel heppnuð og vel til að skoða það að fara aðra slíka.

En eins og bent hefur verið á þá eru fjöldin allur af öðrum samtökum og fjölmargt annað sem hægt er að gera.

Persónulega finnst mér þó vera svolítið stutt frá síðustu ferð og að auki tel ég að ferðir inn á hálendið á sumrin séu orðnar það algengar að slíkt sé í sjálfu sér ekkert endilega nýtt og spennandi fyrir þessa aðila.

Því held ég að kröftum okkar væri betur varið í að skipuleggja eina til tvær góðar ferðir á jökla þegar komið ser fram á seinnihluta vetrar. Ferð sem þessi á jökla á þessum árstíma er ekki inni í myndinni.

Svo til að fyrirbyggja allan misskilning þá eru í gildi ferðareglur hjá 4×4 klúbbnum. Þar er eitt af frumskilyrðunum er að bera undir stjórn ef fara á ferðir í nafni 4×4 og skipuleggja þær í samvinnu við stjórn og/eða ferðanefnd. Síðasta ferð var upphaflega sett af stað sem einstaklingsframtak en þó komu fjölmargir að skipulagningu – en á endanum héldu þó allir, bæði þeir sem studdu við þetta og þeir sem fóru að ferðin væri í nafni Ferðaklúbbsins 4×4.

Þannig að endilega skipuleggjum aðra svona ferð, og þá formlega í nafni 4×4 – en að mínu mati ætti hún að vera um vetur og í snjó og því ekki tímabært að setja slíkt á fyrr en eftir áramót.

Benni

Já mér líst vel á að fara í aðra ferð mér fanst ferðinn sem var farinn nýverði hreint út sagt mögnuð í alla staði og ég er til í að lega fram minn bíll aftur í þetta
Kv: Haukur á patta

Það er ekki að því að spyrja ,þessi formaður hann er bara gleðispillir og alltof varkár sem félagsleiðtogi,svona er þetta með þessa forystusauði ekkert nema fyrirhyggjan og afturhald,greyið hann er líka á Ford,verður að ákveða allar stefnubreytingar með fyrirvara,það er svo langt frá stýri niður að dekkjum.
En maður lifandi hvort ég er ekki til í að hjálpa til við næstu ferð,við leyfum formaninum að koma með svo hann verði góður,hann er eitthvað svo hátt uppi þessa dagana.
Klakinn

Ég má til með að reka niður penna vegna umræðunnar um ferðir með ‘Einstök börn’ og aðra sem minna mega sín. Ég vill taka það fram að ég er alveg sammála því að það er einstök upplifun að fara í vetrarferðir á jökla og styð heilshugar að farin verði slík ferð eða ferðir næsta vetur.

Ég verð hinsvegar að vera ósammála formanninum um að ferðir um hálendi Íslands að sumri séu ekki eitthvað nýtt og spennandi fyrir þessa aðila. Við sem eigum jeppa, frí og heilbrigð börn njótum þess að ferðast um landið að sumri og vetri. En það má ekki gleymast að aðstandendur barna sem eiga við langvinn veikindi að stríða, hafa ekki endilega tök á að ferðast um landið. Frí er oft ekki mikið, aðstæður bjóða oft ekki upp á ferðalög og efni eru kannski þannig að ekki er hægt að halda úti jeppa. Það eru meira að segja til fjölmargar fjölskyldur með algjörlega heilbrigð börn sem hafa ekki komið út af þjóðvegi númer eitt og varla um hann allan. Þess vegna held ég að ferðir um hálendið að sumri séu einmitt eitthvað nýtt og spennandi. Við þetta má bæta að við sem höfum verið að ferðast um hálendið að sumri erum alltaf að upplifa eitthvað nýtt og spennandi í hverri ferð, jafnvel um slóðir sem við höfum farið um oft áður.

Með þessu er ég ekki endilega að stinga upp á því að farin verði sumarferð með langveik börn. Ég er einfaldlega að benda á að það sem við teljum kannski sjálfsagt og sjáum sem sjálfsagðan hlut í okkar nánasta umhverfi, er ekki endilega raunveruleikinn hjá öllum.

Svo verð ég að segja það að framtak Davíðs fyrir síðustu ferð var algjörlega einstakt. Það varð til stemming sem var mjög jákvæð og góð og allir skemmtu sér hið besta. Hvort sem það telst hafa verið í nafni klúbbsins, klúbbfélaga eða einstaklinga, þá lögðust allir á eitt og úr varð frábær ferð. Og það sem mikilvægast er, börnin fengu góða ferð út úr þessu.

Með sumarkveðju,
Ólafur M.