Einhverjir í sprungu á Langjökli.

Þessi umræða er fáránleg! Hvernig í ósköpunum getur einhver fundið því eitthvað tilforáttu að birta þessi hnit. Hér hafa engar upplýsingar birst sem talist geta brot á trúnaði, fjölmiðlar eru búnir að birta það að búið sé að bjarga fólkinu og verið sé að flytja annað þeirra á slysadeild – er það brot á trúnaði? Það er enginn að fara á jökulinn í trausti þess að vegna þess að hann hafi þessi hnit sé öruggt að vera þarna. Það vita allir sem fara um jökla að þeir geta aldrei gefið sér að hnit eða trökk séu "garanteruð" af einhverju eða einhverjum!

það er mjög skiljanlegt að þeir sem stunda vetrarferðir/jöklaferðir sýni þessu máli áhuga og það á að hrósa fólki sem nennir að deila upplýsingum með öðrum. Séu hnitin röng koma örugglega rétt hnit fram síðar – gleymum því samt ekki að hnit, hvaðan sem þau eru gefa engum tryggingu fyrir því að einhver leið verði alltaf örugg. (svo er bara að biðja almættið um meira af þessu hvíta drasli

-G

Eins og ég sagði áðan þá á sá sem aðgang hefur að upplýsingum um aðgerðir björgunarsveita sem í gangi eru ekki að birta hvorki eitt né neitt sem hann eða hún heyrir eða sér algjörlega burtséð frá því hvort upplýsingarnar gagnast hugsanlega öðrum, það er einfaldlega ekki þeirra að meta það. Í svona tilfellum er nánast örugglega fjölmiðlabann á þeim sem að aðgerðum koma og aðeins skipaður fjölmiðlafulltrúi sem leyfi hefur til að birta þær. Ég ætla ekki að verja þetta neitt meira þess er einfaldlega ekki þörf.

Nei.

þrefa?? alrey séð menn gera svoleiðis hér!!!!
þetta er allt gott og blessað fólkið er komið upp og eru heil á húfi og menn og konur reynsluni ríkari
björgunarsveitirnar komnar með meiri reynslu sem er gott mál

Gott fólk. Hér er viða farið með rangar upplýsingar og í jafnviðkvæmum málum og hér er um að ræða er það aldrei gott mál. Ég held að öllum sé hollt að bíða bara rólegir þar til svona málum/aðgerðum hefur verið lokið áður en umræða sem þessi hefst á "opinberum" vef. Þetta eiga félagar 4×4 sérstaklega að skilja því maður þekkir mann og misskilningur, sögusagnir og rangar staðreyndir um hver eigi í hlut geta sært og það illa. Sýnum því þá kurteisi og nærgætni að bíða þar til málin eru skýr og setjum ekki svona umræðu í loftið. Það að menn taki trúnaðaruppýsingar á þessu stigi úr Sitewatch þ.e. staðsetningu og setji á vefinn er eitthvað sem dæmir sig sjálft.
Með ljufri kveðju
Jónas G

Sælir.
Ég verð að commenta á þessa umræðu. Sorglegt að umræða sem byrjar á jafn leiðilegum atburði og hörmulegu slysi skuli fara út eitthvert þref um gps punkt í stað þess að einbeita sér að alvöru málsins og menn einbeiti sér að alvarleika málsins sem er ekkert lítill. Hræðilegt og óska ég öllum þeim sem að þessu koma og vita velfarnaðar og bata. Hins vegar er ég sammála Jónasi sem commentaði hér aðeins á undan að ótímabærar upplýsingar um staðsetningu og ástand eiga ekki heima á internetinu og dæma sig sjálfar en í hita leiksins kannski eru þær hugsaðar þarfar….. en guð, ekki tel ég þær þarfar svona um leið, en það er bara mitt og endurspeglar ekki mat þjóðarinnar.. 😉
Góða helgi ágætu félagar og vona ég að þráður um mál eins og þetta slys verði ekki að þrefasvæði, nógu víða eru þau.

kv. Hjalti Steinþórsson
hjalti.st@simnet.is

Langar að votta aðstandendum samúð mína

KV

Kristján Jóhannesson

mér barst þær fréttiir frá þriðja aðilla að þau hafi bjargast en greinilega var farið með rangt mál ég votta alla mína samúð þarna hafa greinilega átt sér hörmulegir atburðir og get ég ekki ýmindað mér það álag sem björgunarmenn hafa þurft að leggja á sig það er gott að vita af þessum ofurhugum sem eru tilbúnnir að leggja líf og limi í sjálfboðastarfi undir fyrir ókunnuga fjallaflakkara.
ég vona að við getum lært eitthvað af þessum atburð, ég reyni að vera jákvæður og hugsa til þess að fréttin hefði getað verið verri, ég vona líka að þessi sári atburður geri það að verkum að ég verði varkárari í ferðalögum mínum um náttúru íslands og að ég sé meira meðvitaður um þær hættur sem eru til staðar en ég viðurkenn að það er ósjaldan þar sem að maður er svo heillaður af fallegri fjallasýn eða sólarlags að ég hef oftar en einusinni sett mig í aðstæður sem hætta stafar að bara til að ná flottri mynd.
kanski verður þessi atburður í minningu okkar sem eitt af mörgum þrepum sem við stígum í átt að meiri þroska í ferðamennsku og umgengni um náttúru okkar
ég óska öllum ferðalöngum velfarnaðar í sínum ferðum og en og aftur votta ég aðstandum og þeim voru viðstaddirinnilega samúð mína
Kv Gunnar

Leiðinlegt að þessi umræða skildi leiðast út í þvaður út af GPS punkti. Trúnaðarupplýsingar eða ekki, það var fullt af fólki sem stefndi á jökulinn í gær og mér finnst nauðsinlegt að koma upplýsingum um svona mikkla hættu á framfæri sem allra fyrst. Við meigum ekki tínast í reglugerðum og pappakössum… við verðum að vera mannleg líka. Meira um þetta hef ég ekki að segja.

Ég vil votta aðstandendum innilegrar samúðar.

Við erum því miður minnt á það öðruhverju frekar harkalega að ferðalög á jöklum eru hættuleg.

Kær kveðja
Óskar Andri

Ég sendi þeim sem eiga um sárt að binda mínar innilegustu samúðarkveðjur
Kær kveðja Jón G Snæland