Ég vil BORGA!

Sælir…

Fór niður á Ferðafélagið ídag og ætlaði að tala við Nikka í sambandi við félagsskírteinið sem ég er ekki enn búinn að fá en er samt búinn að borga.

Og það fór nú ekki betur en það að mér var tjáð að Nikki væri upptekinn og sagt að tilla mér og bíða…..jújú..ég sest niður og bíð……og bíð……og bíð……..Jújú..ég sá Nikka rölta um fram og tilbaka og sá og heyrði að hann var að tala í símann….gat ég ekki komist hjá því að heyra eitt og annað sem þar var rætt þar sem að ég sat og BEIÐ….og beið…..En þar sem að Nikki var svo upptekinn af sínu einkasímtali þá hafði ég ekki tíma til að bíða lengur þar sem að ég er bara laus á milli 12 og 13….og átti helling eftir ógert….Þetta kostaði mig það að ég tapaði afslætti uppá ca: 5,000:- sem er andskoti sárt að missa þegar maður er búinn að borga félagsgjaldið.

Vona ég innilega að mín félagsgjöld fari ekki í að greiða laun fyrir svona leiðindi.

Súr kveðja

Siggi Frikk

Æ,æ,æ…

af hverju er heimurinn svona vondur við suma menn??? Siggi Frikk. Ég man ekki betur en að við værum í meil- og símasambandi vegna þess að þú fékkst ekki félagsskírteinið þitt fyrir mörgum vikum eða mánuðum. Þá varstu líka alveg í spreng að tapa miklum peningum af því að þú fékkst ekki afslátt og sendir mér meil með stórum upphrópunum og hástöfum eins og þín var von og vísa. Þá benti ég þér á að leysa málið strax með því að fara til Nikka og sækja skírteinið. Ég sendi Nikka líka afrit af okkar samskiptum þá til að allt gæti verið klárt þegar þú kæmir.

Það kemur mér því spánskt fyrir sjónir að rekast á þennan pistil þinn hér nú, löngu síðar. Fórstu aldrei til að klára þetta mál? Auðvitað kemurðu svo bara í hádeginu þegar þú ert í mat og "átt helling eftir ógert…" Varla hefurðu þá gefið þessu langan séns eða hvað? Vonandi verður Nikulás aldrei í símanum hér eftir þegar menn koma til að hitta hann, hvorki að sinna einkasímtölum né félagsins…

Eins og ég sagði við jong, það er djöfullegt þegar hlutirnir gerast ekki eins og maður vill. Því miður er heimurinn ekki eins góður og við hefðum óskað. "Skítur gerist" eins og þeir segja í Ameríkunni. Nánast allir sem orðið hafa fyrir óþægindum vegna þessa (þeir eru sem betur fer ekki mjög margir) leysa málið fljótt og vel (jafnvel bara með einu símtali og boða komu sína) en aðrir skrifa pistla og fárast sem mest og oftast vegna þess hve heimurinn sé erfiður og ganga ekki í að leysa málin. Því miður sýnist mér að þú sért í síðari flokknum.

Ég lýsi djúpum harmi stjórnar vegna þeirra óþæginda sem þetta rugl hefur valdið þér.

Meigi heimurinn bestna…

BÞV

Es. Þú getur faxað kvittunina til Nikka og hann sendir þér í framhaldinu félagsskírteinið, þá þarftu ekki einu sinni að fara í Mörkina sjálfur…

Heyrðu Siggi, held ég eigi tvö skírteini að vísu á mínu nafni bæði, þú getur fengið annað, þau eru sérútfærð og hönnuð og þróuð af mannavöldum, búið að mynnka niður í ökuskírteinis stærð, plastað og flott, fer vel í veski við hliðina á debetkortinu.

kveðja
Jon

ps: þú getur alveg eins heitið Jón eins og Siggi ha :o)

Sæll snake.

Greiddirðu félagsgjaldið eftir greiðsluseðlinum eða millifærðirðu beint án vísunar í greiðsluseðilinn?

Mér leikur forvitni á að vita af hverju í ósköpunum þetta getur misfarist svona. En Nikulás bíður eftir að fá staðfestinguna á greiðslunni og félagsskírteinið er klárt um leið og hún liggur fyrir.

Ferðakveðja,

BÞV