This topic contains 7 replies, has 1 voice, and was last updated by 
-
Topic
-
Jæja, nú get ég ekki setið á mér lengur.
Málið er að ég var að koma frá N1, Réttarhálsi (gamla Gúmmívinnustofan), þar sem ég bað þá um að jafnvægisstilla (ballensera) framdekkin hjá mér en þau eru 41″ á 17×14 felgum.Kostnaðurinn hljóðaði uppá 9500kr !! og F4x4 afslátturinn, ja, mér sýnist hann ekki vera nema um 5% (sem er djók), þannig að þetta endaði í rúmum 9000kr.
Þetta tók ca. 15-20 mín. og reikni nú hver út tímagjaldið.Ég sagði þeim (kvartaði enn og aftur) að þetta væri nú heldur dýrt og jafnvel dýrara en gull ! Ég veit vel að heimsverð á blýi hækkað upp úr öllu á sínum tíma en það hefur lækkað aftur. Ég stunda einnig skotveiðar og þar hækkuðu haglaskotin um rúmlega 100% en jafnvægisstilling hefur líklega hækkað um 1000% !!
Þegar ég lét setja dekkin á felgurnar á sínum tima, þá kostaði jafnvægisstillingin 14000kr og önnur vinna um 10þkr. Það var í nóv 2008 (eftir kreppu). Að því gefnu má sjá að síðan þá hefur þetta hækkað um 30-40% (nenni ekki að reikna það út). Ég s.s. skil það (að hluta) að það kosti meira þegar það þarf að setja nýjar þyngingar (blý) á felgurnar.
En núna þurfti bara aðeins að bæta við nokkrum grömmum og sá ég að á annað hjólið var einu blýinu skipt út fyrir aðeins stærra en ca. 100gr. bætt á hitt hjólið.Þegar verið er að laga jafnvægisstillinguna, nú eða umfelga, þá eru yfir leitt gömlu blýin notuð aftur. Má segja að það séu kannski um 10-20% afföll þannig að mikið er endurnýtt.
Því finnst mér ekki rétt að rukka sama á sama taxta og þegar um nýja samsetningu er að ræða.
Og svo annað, það er mjög svipuð vinna að jafnvægisstilla fólksbíl og jeppa. Reyndar er meira mál með þessi „low-profile“ dekk, þar sem það þarf að vanda sig mun meir og tekur ekki minni tíma. Það er ekki hægt að rekja aukinn kostnað til vélanna, þótt þær vissulega kosti sitt.
Svo er þessi taxtaskipting þeirra ekki sanngjörn heldur.Ég er „reyndur“ úr dekkjabransanum en ég vann við þetta í 5 ár í Hljólbarðahöllinni á sínum tíma. Þar vann ég við allt frá fólksbílum og upp í millistærð sendibíla ásamt fullt af jeppum. Á sínum tíma vorum við þekktir fyrir vönduð vinnubrögð varðandi þetta og segi ég því hiklaust að ég hafi bæði þekkinguna og reynsluna í þessum málum.
Ég held að þetta sé eitthvað sem klúbburinn eigi að taka fyrir og berjast fyrir að sé lagað. Þetta er ekkert annað en peningaplokk sem á engan vegin rétt á sér !
kv.Bragi Þór Jónsson
R3862
-
Replies
-
N1 ,er ekki með neinn samning við 4×4 og við fáum engan afslátt eins og áður , til fá afslátt hjá þeim þartu fylla út eiðublað svo maður fái 15 eða 20 % og stundum meira , 5% fá allir .
KV,,,, MHN
Það er nóg að hringja í þjónustuverið hjá þeim og biðja þá um að tengja F4x4 aðildina við kennitöluna þína, óþarfi að fá eitthvað viðskiptakort eða slíkt. Þegar þú síðan átt viðskipti við þá gefur þú einfaldlega upp kennitöluna.
Það er ekki málið, heldur þetta okur á okkur bíleigendum og kannski jeppamönnum frekast.
Sælir ég er með tengt kort meira segja N1 kort með 4×4 afslátt og Ferðafélagsafslátt og fékk ekki nema 12% afslátt kvartaði og var sagt að enginn fengi meira en 12% afslátt
Var á sínum tíma uppí 30% af t,d olíum en mikið vildi ég samt að klúbburinn verslað við N1 en ekki Skeljung ég er viss um að við fengjum meiri afslátt þar ég er að fá 4kr í afslátt af dæluverði +5kr í punktum í gegn um Ferðafélagsafsláttinn.Ég hef reyndar aldrey virkjað skeljungskortið á reyndar eitt gamalt þar sem ég lími árgjaldsmiðan en hef aldrey notað það mun oekki gera hjá skeljung enda er skeljungur ekki í mínum heimabæ.
Ég verð að viðurkenna að mér finnst vissulega 9500 kall nokkuð mikið fyrir að taka undan, balance-era tvö dekk og setja undir aftur. Ég veit samt ekki hvort N1 eru eitthvað dýrar en hver annar. Ég var einmitt í N1 í dag að umfelga dekk og þeir voru talsvert ódýrari en Sólning.
Skrúfa 38" dekk undan bílnum, affelga og setja 39,5" Irok á felgurnar, líma, balance-era og setja aftur undir kostaði rúmar 14.150 kr. með F4x4 afslætti (16.080 kr án afsláttar). Sólning gaf mér upp rúmar 18 þús.kr fyrir sama pakka með F4x4 afslætti.
kv/AB
Það er ekkert svo ógurlegt verð Agnar, en ég með mína 41" fer í næsta taxta fyrir ofan, þe. sama taxta og 44" og þetta á líka við um 40" dekk sem yfirleitt eru á 12" breiðum felgum. En ég er "bara" með 14" breiðar felgur og í raun ekkert frábrugðari 38"/39,5" í meðhöndlun sem margir eru með á 14" breiðum felgum.
En verðmunurinn þarna á milli taxta virðist vera töluverður og alls ekki réttlætanlegur fyrr en þú ert kominn í 44" og yfir. Þar eru dekk mun breiðari og þyngri og á mun breiðari felgum þannig að bæði dekk og felga er stærra um sig og þyngra (fyrir utan 44"DC á álfelgum).
Mér finnst að það þurfi að beita einhverri jafnræðisreglu á þetta varðandi þessa taxta þannig að það sé eitthvert vit á bak við þá, ekki bara einhver númer.-Bragi sem er farinn að sofa :O
ps. Eftir nánari athugun, þá var verðið var ekki alveg rétt hjá mér, þar sem ég keypti líka dekkjahreinsi á 790 kr. og svo var víst 12% afsl. á dekkjavinnunni (F4x4 afsl.).
En það sem ég skrifaði um taxtana stendur!
http://www.innovativebalancing.com/BigTirechart.htm
Þið ættuð kanski að skoða eitthvað svona, hef talsverða trú á þessu.
Ég er búinn að panta svona keramik kúlur í 38" og 46" dekk er bara að bíða eftir að þetta komi til landsins. Þá verður blíið rifið af felgum og kúlurnar settar í og farið út að keyra. Hlakka mikið til að prófa þetta.Kv. Ragnar Páll.
You must be logged in to reply to this topic.