Efni í ál-tank

Ég myndi ekki hafa það minna en 2mm og láta tankinn hanga í "upphengjum" frekar en að sjóða á hann eyru. Það er yfirleitt veikasti punkturinn…

En bara til að vera með smá óþarfa leiðindi, er ekki sniðugara að smíða bara úr boddýstáli og nota upphengjur fyrir þetta og vera með olíu/bensín reglulega í tankinum svo hann ryðgi ekki að innan?

Samanber að orginal tankarnir eru oft úr stáli og virðist duga og duga svo lengi sem þeir eru fylltir af og til…

Svo voru líka til plasttankar hjá RS en ég veit ekkert nánari deil á verði eða öðru. En þeir voru með dælu og mælistiku innbygðu þannig að það væri örugglega fýsilegur kostur…

kkv, Úlfr
E-1851

Til að sleppa við spennutæringarvesen er heppilegt að nota bara (rafgalvað) stál. Ál og ryðfrítt eru líka hvort tveggja efni sem eru viðkvæm fyrir sprungumyndun vegna þreytu(sbr. umræðu um festingar hér að ofan).
Ef þú ert staðráðinn í að nota ál, þá hef ég lítið sem ekkert til málanna að leggja…
…eitt enn…það er ekkert að því að smíða tanka úr trefjaplasti. Það þolir olíu/bensín, tærist ekki, er fislétt, þolir víbring og högg ágætlega.
Það er hægt að smíða kassa úr spónaplötum í réttu formi, teipa hann vandlega með kassateipi, bóna yfir, trebba svo frá gagnstæðum hliðum en þynna að "parting línu". Skera svo um línuna með slípirokk, taka í sundur og kassann innanúr, trebba svo helmingana saman. Slatta vinna þannig séð og efnið er ekki gefins, en gæti skilað ágætis niðurstöðu. Svo er bara að bora göt fyrir stúta og trebba þá fasta(slípa öll yfirborð vel eða setja þrep til að þetta tolli vel).

kkv

Grímsi