Econoline

Sæll, fékk mér þetta eðaltæki í haust eftir að hafa verið á gömlum og góðum Blásara með nýrri 6,5 túrbo. Ég er agalega sáttur með tækið, mætti vera kraftmeiri en það er auðveldlega hægt að laga það. Ég allavega ætla að skemmta mér á honum eins og ég hef gert og þegar að því kemur að skipta veit ég að ég mun bara fá mér annan!! Mæli með Econoline en svo er þetta bara spurning hvað hentar fyrir hvern og einn. þetta er bara leiktæki hjá mér og ekkert annað, nóg pláss fyrir öll börnin og meira til. Góða ferð

ég er búinn að eiga svona bíl í ca. 2 mánuði núna en aldrei haft tíma til að gera hann kláran á fjöll. Því verki var hinsvegar að ljúka svo að ég fer núna á eftir eitthvað út í snjóinn.
Ef að þetta er eitthvað að virka þá ætla ég að brosa hringinn og eiga hann, ef að ég sit fastur í hverjum skaflinum á fætur öðrum þá sel ég hann.
ps. hann er á 44", loftl. f/a og viktar aðeins 3.1 tonn með 7,3L vélinni.

Ívar
663-4383

Sælir félagar

Ég var að spá hvort einhver hér hefði farið út í breytingar á 150 econoline. Og þá hvernig það hefði komið út. Ég er mikið að spá hvort maður gæti ekki flutt inn 150 bíl og breyta honum fyrir 38“. Og þá hvort það myndi duga í snjóakstur.

Kv. HP

þ.e. 150 bíll skilst mér, amk miðað v. sambærilega upphækkun.

Mér heyrist það vera misjafnt hvað Econoline eigendur segja um drifgetu í snjó og eyðslu á 150 bílnum.

Eyðslulega tala menn um að geta hangið í ca 19 í langkeyrslu með sexunni (300 cid), jafnvel niður í 16l/100km m. aðhaldi, en að sjálfsögðu bætir hún við sig í streði.
Með 351 eða nýrri 5,4 lítra vélinni þá tala menn um ca 20-21l/100 km á 35-38" dekkjum í langkeyrslu.

Geta í snjó: heyrist að menn komist allt á 44" dekkjunum, svona svipað og Patrol á 44". Hins vegar ku það vera svolítið hjakk á 38". Spurning um að skoða frekar 40" eða 42" dekk?

Sjálfur er ég með 350 bíl á 38" og passa mig á að kanna ekki eyðsluna! Tja jú á 35" dekkjum og léttmálmsfelgum þá er hann með ca 21l/100 km í langkeyrslu og mótvindi (80-90km hraði). Ég á enn eftir að prófa hann í snjó, en sumir segja mér að gera mér ekki miklar vonir, fari þó auðveldlega í spor eftir aðra. Mig langar að sjálfsögðu til að afsanna þetta, en hm, líklega er best að bíða með það þar til ég hef einhvern á þungum bíl eins og Econoline með mér til að kippa!

Annað að huga að: Skv. því sem mér skilst þá setja menn yfirleitt Dana 44 að framan undir 150 bíla. Sumir vilja meina að þessi hásing sé á mörkunum undir svona þungan bíl, og maður þurfi að passa sig svolítið í akstri, samanborið við þyngri bíla m. Dana 60 (m.a. þyngri þess vegna!).
Ef þú ferð út í þetta myndi ég athuga m. sterkari öxla í Dana 44, og sjá hvort það dugir. Sjálfsagt þekkja Ljónstaðabræður þetta vel.

Ég var í vor sjálfur á höttunum eftir ferðabíl færan á fjöll og snjó.

Ýmsir m.a. núverandi og fyrrverandi Econoline eigendur bentu á Benz sprinter sem möguleika – léttur bíll (2,2 tonn millibíllinn óbreyttur), rúmgóður, hægt að standa uppi í orginal, og fáanlegur m. ágætis vél 2,7 l 160 ha.

Skoðaði einn slíkan hjá Birni Steffenssen bifvélavirkja. Hann henti amerísku röri undir að framan, usa millikassa og fer allt, meira en hann þarf heyrist mér, á 38" Ground Hawk. Svo er hann almennilega innréttaður, m. gaseldavél og ofni, eplapæ hvenær sem er. Og eyðslan minni en f. Patrol á 38"! (eða ca 15-17l í skaki)
Kostnaðurinn v. breytinguna v. frumherjavinnu (enginn gert þetta áður) hljómaði hins vegar þannig að ódýrara væri að skella sér á Econoline breyttan – "fást næstum gefins" sagði Björn.

Ég keypti mér á endanum Econoline, en er alltaf svagur f. Benzanum. Veit einhver um einhvern annan sem hefur breytt svona bíl, og hvernig það gékk fyrir sig, kostnaður, eyðsla og þess háttar?

Kostirnir v. Sprinterinn umfram aðra á markaðinum er léttleiki, hugsanleg góð ending á drifbúnaði (lélegt lakk á hvítu bílunum), hár til lofts orginal, gott afl m.v. þyngd, eyðslugrannur (skv. Birni Stef) og þar af leiðandi bíll sem maður væri líklegur til að eiga í all nokkur ár, tímir að ferðast á um Evrópu og kannski einnig Afríku, hver veit:)

Gallar til breytinga:
Dýr að upplagi
Sprinttronic skipting þykir ekki henta í fjallaskak (veit svo sem ekki hvað menn hafa fyrir sér í því, annað en að fyrstu skiptingarnar entust ílla yfirhöfuð)
Fáum bílum hefur verið breytt, enginn tilbúinn til að gefa manni tilboð í breytingu
Amerískur millikassi og hásing nauðsynleg – ekki til orginal Benz dót (ja nema rándýrt)
Töluverð frumherjavinna ef maður gerir sjálfur

Þegar ég hugsa um það þá hafa menn nú heldur betur yfirstigið önnur eins vandamál. Það er bara verðið á bílnum orginal sem stendur í mér, hægt að keyra Econoline í all nokkur ár fyrir mismuninn á kostnaði.

Kannski ætti maður bara að fara í Gazellu, a la gamli Rússi. Hafa menn litið á þá hjá þeim í Hrauninu??

Ef menn eru að reyna að telja sér trú um að 150 bíllinn sé eitthvað léttari heldur en 350 þá er 350 bíll með V8 innan við 300 kílóum þyngri en 150 bíll með V8! Þá er ég auðvitað að tala um original bíla sem er ekki búið að breyta. 150 bíllinn þarf alveg jafn sterka hásingu og stór dekk eins og 350. Síðan er það merkilega að þessir bílar eru svipað þungir og Patrol eða Cruiser, ef þeir eru ekki með einhverjum díselvélahlunka í húddinu…

Ég á 80 modelið af econoline með 351M vél og er hann á 38".
þetta er að ég held sá besti ferðabill sem ég hef átt,hann fer alveg hrikalega mikið i snjó og hef ég dregið patrol upp og niður brekkur.
reyndar er minn 150 bill sem er alstysta gerðin og er hann með 9" ford að aftan og dana 44 að framan.
eyðslan er meira svona smiles per gallon en miles per gallon.
Og sumar útleigur er æðslegar þar sem ég get lagt bilnum og farið aftur i að sofa og þegar að útileigan er buinn þá set ég i gang og ek i burtu á meðan að allir hinir eru að pakka saman og fella tjöld og fellyhýsi.

Einn mjög sáttur.

Það er gaman að heyra að ánægjan við að eiga hótel á fjöllum er svona mikil (smiles per gallon)
Hm, reyndar er hér síðast talað um stuttann 150 bíl, þ.e. styttri bíl en eru fáanlegir síðan 1992, sjálfsagt er hann léttari en nýju bílarnir og flýtur því kannski betur á 38"?

En varðandi Mantra bílana þá skilst mér að þar sé að framan orginal Toyota Landcruiser drif og öxlar, veit ekki m. millikassa.
Málið m. Mantra bílana eða Iglhaut Benzana er að þeir eru svo hrikalega dýrir, nýjir sem notaðir. Og töluvert þarf að leggja í þá til að koma þeim á 38".
Reyndar lét hann Sævar Skaftason frk.stj. hjá Ferðaþjónustu bænda breyta svona bíl f. sig í Austurríki að mig minnir, að ég held af Iglhaut. Heyrist mér að bæði hann, og aðrir þyki þetta lipur bíll, og eyðslunettur. Hann er að vísu m. stystu gerð af Sprinter, millitýpan fyndist mér æskileg f. mig og fjölskylduna.

En nú væri gaman að heyra í einhverjum sem hefur prófa Mantra bílana sjálfa, hvað fer þetta í snjó, hvernig útbúið og hvaða verðmiða setja menn á þetta???

eru ekki smellirnir bara í lokunum?