EB pælingar

Komdsæll Jón.
Mér datt í hug, þegar ég las greinina þína, hvort við þurfum ekki að hafa einhverskonar hagsmuna gæslu eins og mótorhjólasamtökin eru með.
Þau eru með áheirnar fulltrúa sem kostaðir eru af mótorhjólasamtökun út um alla efrópu og ég hef heirt að þeir hafi nó að gera að koma í veg fyrir allskonar vitleisur gagnvart hjólamönnum. Eins og það, að vera í vesti sem virkaði eins og loftpúði. Sprenguhleðslan ein var nó til að drepa viðkomandi. Þetta er eitt dæmi um vitleisuna og hvað þessum mönnum getur dottið í hug að reyna ,að setja reglugerðir um.
Eru ekki jeppaklúbbar í Noregi og kænski víðar sem hægt væri að hafa samvinnu við ,með svona hluti? Nú eða íslensk stjórnvöld, svo að maður nefni eithvað til að ræða um.
Svo ætla ég að biðja þá sem hafa tekið að sér ritskoðun á skrifum manna fyrirgefningar á þessu pári mínu fyr og nú og í náinni framtíð og vona að þetta pár valdi ekki varanlegu heilsutjóni hjá þeim. Því að kunnáttan er víst ekki meiri en þetta og það þótti ekki sjálf gefið að eiða tíma í langtskólanám á mínum uppvaxtar árum, það þurfti nefnilega að vinna í þá daga til að komast af. Bið ég því menn að gæta hófs í aðfinslum sýnum við menn, þvi að þeir vita ekki hvað býr að baki hverjum og einum og þeir sem minna meiga sýn í þessum efnum geta verið málefnalegir alveg eis og hinir þó að vanti réttan staf hér og þar.
Með samúðarkveðju til ykkar sjónum hriggu manna. S.B.

Ég held að það sé alveg ljóst að ákvörðun um inngöngu í ESB ræðst ekki af því hvort við fáum að keyra jeppana á stóru skónum eða ekki, þar verða aðrir hagsmunir látnir ráða. Það mun ekki heldur ráðast af tilfinningarökum ættuðum frá tímum sjálfstæðisbaráttunnar þó svo sumir stjórnmálamenn slái um sig með slíkum rökum. Það verða beinir fjárhagslegir hagsmunir, markaðs- og tollamál og hugsanlega eignarhald á fiskveiðikvótum sem verða að vega og meta. Það dugar því örugglega skammt að leggjast gegn aðild á þeim forsendum að þá verði jeppabreytingar bannaðar.

Við þurfum þessvegna að gera allt sem við getum til að það gleymist ekki ef til þess kemur að aðildarviðræður fari fram, að við viljum undanþágu fyrir breyttu jeppana. Til þess þurfum við að vera duglegir í því að "lobbíast", s.s. minna stjórnmálamenn á okkur og fá þá til að skilja okkar sjónarmið. Gleymum því ekki að jöklaakstur er vaxandi þáttur í ferðamennsku og heilmikill iðnaður orðinn í kringum þetta.

Kv – Skúli

Svíar fengu engu að síður að taka áfram í vörina og er það samt mun minni hagsmunir en felast í íslenskri jeppamennsku, raunar bara helvítis ósiður sem gjarnan hefði mátt venja þá af. Þó almennt séð hafi ég litla trú á íslenskum pólitíkusum (kannski helsti kostur aðildar að þá minnka þeirra völd) þá held ég að það væri alveg möguleiki ef okkur tekst að snúa upp á hendina á þeim, gætu þeir snúið upp á viðsemjendur. Aðildarviðræður eru bara eins og hverjar aðrar samningaviðræður og útkoman ræðst af því hversu góða samningatækni menn hafa. Og EES samningurinn á sínum tíma (allt-fyrir-ekkert samningurinn) sýndi að með þrjóskunni má fá ýmislegt fram. Aðal hættan er að íslenska samninganefndin nenni ekki að berjast fyrir okkar málum, miklu frekar en að sú barátta sé fyrirfram dauðadæmd.

Allavega ef við bara vælum og sannfærum okkur um að aðild að ESB þýði endalok breyttu jeppana, þá verður það þannig, við þurfum að berjast fyrir þessu því aðrir gera það ekki.

Kv – Skúli H.

Sælir félagar.

Þetta er sannarlega stórmál og ég tel að erfitt yrði að fá sér-íslenskar reglur um jeppa og breytingar eins og reyndar er um allar undanþágur. Það að ganga í svona bandalag þýðir nefninlega í grófum dráttum það, að allir samþykkja að láta steypa sig í sama mótið hvað reglur varðar, gegn því að fáaðverameð… sem aftur er metið sem fjárhagslegir hagsmunir s.s. lækkanir eða niðurfellingar á tollum á íslenskan varning.

Þó má ekki gleyma því að í reglum ESB er að finna heimildir til undanþágu ef um er að ræða t.d. minnihlutahópa eða sérstakar land- eða samfélagslegar aðstæður. Kannski hafa svíar bara gleymt því að vísa í undanþáguheimildirnar í tóbaksmálinu…

Ferðakveðja,

BÞV