This topic contains 17 replies, has 1 voice, and was last updated by 
-
Topic
-
Jæja, nú eru þeir lagðir af stað í Dreka. Það eru tveir hópar á leiðinni, annar fór af stað kl.17 og hinn kl.19. Í fyrri hóp voru 7 bílar (að mér skilst) en einn hefur snúið tilbaka sökum þungs færis. Þessi hópur er kominn u.þ.b. 15 km upp fyrir Hrossaborg og gengur hægt en einn 44″ bíll hefur affelgað þar. Seinni hópurinn var enn á þjóðvegi 1 austan Námaskarðs. Í honum eru 5 bílar og þar með talinn Björgunarmaður ársins 2005 (Benni Akureyringur fyrir þá sem sátu heima á árshátíð) en hann gleymdi nú samt húfunni góðu heima! Ég sagði honum að hann ætti að geyma hana í bílnum svo hægt væri að grípa til hennar þegar þyrfti…afsakið… EF þyrfti.
Svona var útlitið upp úr kl.21.
kv. Alma
-
Replies
-
Dekkið er komið á felguna hjá Ella og fínn gangur í ferðinni, enda Elli á Patrol og ætlar ekki að láta Benna bjarga sér. Smá spölur eftir í Herðabreiðarlindir en allt gengur þetta eins og í sögu. Reyndar þungt færi en ekki svo mikill snjór. Frostið í Mývatnssveit var 18 gráður fyrr í kvöld. Vonandi verður þetta svona í allan vetur.
jsk
Er Elli ekki með Magglock ???
Þeir eru tveir Ellarnir, Erlingur á Patrol árg. 2001 og Elías á Patrol 1996. Annar er með Magglock en hinn ekki.
var sá Ellinn sem affelgaði með magglock ?
ps: ekki vera latir að gefa skýslu. er veikur heima og öfunda ykkur smá.
Á mínu heimili er alltaf talað um Erling og Ella til að ekki verði misskilningur. Erlingur er ekki með Magglock og það affelgaðist hjá honum en Elli er hins vegar með Magglock og öll dekk föst.
Þeir komust í Dreka þegar var farið að halla undir morgun. Benni sagðist hafa rennt í hlað um 3:30 og menn síðan tínst í hús alveg til kl.5. Færið var mjög þungt og gekk ferðin hægt.
Áföll ferðarinnar hafa verið hingað til:
– Halldór á 44" LandRover beygði sectorsarm og sneri heim á leið í fylgd Stefáns á 44" LandRover. Stefán hafði áður fylgt Adam 38" Patrol niður á móts við seinni hópinn.
– Tvö dekk hafa gatast og annað eyðilagðist.
– Einn stýrisarmur brotnað.Ekkert hefur verið ákveðið um ferðir dagsins sökum þungs færis. Núna voru menn rétt að rísa úr rekkju og fá sér í svanginn.
kv.Alma
Jú, hann Erlingur, stórvinur minn, er með í þessari ferð og gengur bara ágætlega á sínum bara mjög svo smekklega Patrol (ég get alveg viðurkennt það þó ég sé Toyota manneskja).
Annars er af þeim köppum að frétta að þeir lögðu af stað að skoða Öskjuvatn en ákváðu að snúa við sökum erfiðs færis og skoða heldur Drekagilið sjálft á tveimur jafnfljótum. Veðrið er þokkalegt en reyndar mikil snjóblinda.
Benni er auðviyað í farabroti á ofur Cruser.var að tala við hann og þeir voru bara í rólegheitum að fara að grilla og fá sér bauk!
Þeir ætla suður fyrir á morgun og niður Bárðardal
kv Tryggvi
Hvað er hann Benni að bauka núna.
Þarf hann á hjálp að halda?
kv. gundur
Cruser, er það besti bíllinn?
Þetta veist þú sjálfur Cruser er lang bestur!-eins og Moggi veit og hefur marg oft sagt!!!!!!!!
tnt
Eru norðanmenn að hafa það heim eða eru þeir fastir á fjöllum? er basl eða full ferð? Við sem þurfum að sitja heima, vantar fréttir
Hópurinn sem enn var í Dreka í morgun lagði af stað um kl. 9 og er búinn að vera ansi lengi í Dyngjufjalladal. Ég heyrði í bónda mínum upp úr kl.5 og þá var færðin mjög þung, Elli Hiclone ryður í lóló fyrir hina og kúplingin í Snæfríði minni (ekki segja Benna að ég kalli hana Snæfríði… hann verður svo agalega svekktur) er orðin slöpp. Þeir áttu eftir 1,5 km í einhvern skála sem hann vissi ekki nein deili á. Þar á að æja um stund áður en haldið verður áfram til byggða, að mér skildist. Ég er farin efast um að Benni mæti í kjúllann í kvöldmatinn, hann verður þá bara að éta hann kaldann, kannski í morgunmat…
kv.
Alma
Svakaleg gleði hjá þeim greinilega. Auðvita fer Patrol fyrir, en svakalega held ég að Elli væri ánægður ef hann væri kominn með hlutfall í milligírinn. Þá væri kappinn kominn til byggða.
Góðar stundir
Ég ætla að endurtaka það sem við Skjöldur höfum áður sagt, Erlingur er ekki sama og Elli Hiclone. Elli Hiclone er með milligír og Magglock ef það hefur líka farið framhjá.
Var að tala við Ella Hiclone á Magglock (ekki Erlingur)
Eru að koma að skála F.A. í Dyngjufjalladal.
Færið að léttast þegar neðar kemur í dalinn og náðu nú um 4 km/klst. Mikill snjór sem treðst ílla.
Elli Hiclone á Magglock bað fyrir kveðju til félaganna.Kveðja Dagur
Færðin er að skána en ekki er víst að meðalhraðinn aukist verulega þar sem 44" Ford Econoline Björgunarsveitarinnar í Mývatnssveit hefur brotið framdrif og reikna þeir með að þurfa að aðstoða hann upp erfiðustu hjallana. Stefnan er sett á að koma niður hjá Grænavatni í Mývatnssveit en það er skammt frá samkomuhúsinu Skjólbrekku. Þegar ég heyrði frá Benna síðast fyrir ca. hálftíma áttu þeir u.þ.b. 40 km eftir í Mývatnssveit. Hann kvaðst sjálfur vera orðinn algjör faramaður, rekandi lestina til að hlífa kúplingunni. Kv. Alma
Var að tala við Benna og sagði hann að þeir ættu um 35 km eftir í Grænavatn og færu rólega yfir hraunið.
Færið var að skána og Fordinum gekk ágætlega í afturdrifinu og Benni orðinn alvöru fararmaður.
Kveðja Þorgeir.
Hvurslags… við sváfum yfir okkur í morgun þess vegna komum við aðeins seint heim (04)…
Benni
You must be logged in to reply to this topic.