Dverghamar

Hvernig birtið þið myndir hér á þræðinum???
bv

Sælir.

Það kemur mér satt best að segja á óvart að frétta af skála þarna. Hann hlýtur þá a.m.k. að dingla í lausu lofti eða verið byggður á súlum. Ef mig rekur rétt minni til þá eru Ólafsskarðshnjúkarnir snarbrattir á móti austri og vestri. Á rölti mínu um þessa hnúka hef ég aldrei hnotið um skála á þessum stað og hef nú bæði verið þarna í hvell björtu og svarta þoku ;-}. En að öllu gamni slepptu þá er eini skálinn sem ég veit um á þessu svæði skáli sem ég hef alla tíð þekkt undir nafninu Skæruliðaskálinn. Er hann rétt norðan við Ólafsskarð þegar maður gengur upp úr því. Þessi skátaskáli var í eigu einhvers skátafélags í Kópavogi ef ég man rétt. Ég sá einhverntímann e-ð blað hangandi inni í skálanum með skálareglum og einhverjum fleiri upplýsingum þar á meðal nafni e-s sem fóstraði skálann. Hann er því miður mjög illa farinn. Best er að komast úr skálanum með því að ganga upp Ólafsskarðið eða fara inn með Blákolli eftir vegslóða.
Skálinn niðri í Jósepsdal er gamall skíðaskáli Ármenninga sem lagðist af eða brann á sjöunda áratug síðustu aldar.
Fyrir sunnan Jósepsdal, uppi í Bláfjöllunum, var skáli sem var kallaður Himnaríki, var þá farið alveg inn Jósepsdalinn og gengið upp s.k. Hafragil (Gullna hliðið). Það voru að mig minni e-r skíðaáhugamenn sem byggðu hann á sínum tíma. Þessi skáli er nú rústir einar.
Þriðji skálinn sem ég veit um á þessu svæði var braggalaga og bar staðsetur handan Draugahlíða, fyrir ofan brekkuna við litlu Kaffistofuna, sunnan við vegin og þar inni í dalverpi. Það var e-r ungliðahreyfing vinstrisinnaðs ónefnds stjórnmálaafls sem átti hann.

Ég held að ég fari að mestu rétt með þessa upptalningu en ef e-r veit betur, þá eru leiðréttingar vel þegnar.

Kv.
B.

Ég skal alveg viðurkenna að ég er ekki mjög fjallafróður m.t.t. nákvæmra staðhátta. En ég held samt að ég hafi farið rétt með í þessu tilfelli. Vil þó ekki fullyrða um það.

En flækjum ekki málið strákar og verum ekki með neina stæla!: Skálinn er á sínum stað, vel og trauastlega byggður, og mér finnst hreinasta synd að hann skuli vera látinn drabbast niður. Einhvern grunaði að hann væri skátaskáli en svo virðist ekki vera sbr. [url=http://www.skatar.is/bis/listar/skalar/index.html:149nsic7]hér[/url:149nsic7].

Mér finnst að við ættum að komast að eignarhaldi hans og fá umsjón með honum. t.d. með landsbyggðardeildir í huga. Ég hef að vísu enga hugmynd um hvort áhugi er á því!!! Hvað um það – ef það skyldi vetra aftur á suðurlandi þá vildi ég dvelja þarna yfir helgi með spúsu minni!
bv

Meira bullið í ykkur strákar, skálinn er þarna og ekki orð um það meir. Hann er ekki ónýtur – ekki enn- en ég vildi gjarnan taka þátt í að gera hann upp. Sennilega hefur engin sunnlensk prumphæna áhuga á því enda of nálægt rúmminu. bv

Um Lyklafell fjallar þekkt þjóðsaga. Hún er um Ólaf nokkurn bryta í Skálholti. Upp úr sauð milli hans og ráðskonunnar á staðnum. Hún var ótúlegt skass og skaut honum svo skelk í bringu að hann lagði á blindan flótta og nam ekki staðar fyrr en við Lyklafell og kastaði þar búrlyklunum. Síðan hélt hann um Ólafsskarð upp úr Jósefsdal Ólafsskarðveg og heitir skarðið eftir honum. Steðjaði hann austur sýslur á Fjallabaksleið syðri. Við Brytalæki á Fjallabaksleið austanverðri datt hann dauður niður.

Þetta má lesa á netinu á nokkrum heimasíðum en ég tók þetta af hestar847.is

Það eru mörg ár síðan ég kom seinast í skálann og eftir það spurðist ég fyrir um hver ætti hann og fékk þau svör að þetta væri "fyrverandi" skátaskáli.

Hlynur

Sælir

Þessi skáli var byggður af Jöklarannsóknafélaginu fyir löngu síðan (man ekki hvenær), en þeir gáfu svo skátunum slálann fyrir 15-20 árum að ég held, undir æfingar. Þeir hvorki notuðu hann né héldu honum ekkert við og því er hann svona niðurníddur.

kv
Hvati

Þessi skáli hlýtur að heita Dverghamar því það er fyrrum flott skilti á honum sem að stendur DVERHAMAR.
Ef maður horfir frá kaffistofunni í átt að Jósepsdal þá sér maður brattan slóða utan í hnjúknum vinstra meginn, þegar maður kemur upp þar þá er þar þessi umtalaði skáli nokkrum metrum vestar. Ég var næstum búin að keyra á hann þegar ég kom upp brekkuna (það var þoka).
Það má geta þess að þessi skáli sést frá aðalveginum ef maður er að keyra frá Hamragils aflegeranum og í átt að Þrengsla aflegera þá ber skálinn við himinn í smá tíma.

Kv.
Bronco

Nú veit ég ekki hvort ég sé að skilja það rétt sem menn eru að segja hér, en eru menn að tala um þrjá skála?

Tveir eru merktir á 1:50.000 kortin (staðfræðikortin) sem menn hafa í NavTrekinum. Það er þessi sem er uppi í Ólafsskarðinu sem mér skilst á pilko að sé Skæruliðaskálinn, staðsetning ca 64 01.521 N og 21 32.968 W. Annar er svo u.þ.b. 1,5 km norðvestar, staðsetning væntanlega 64 01.799 N og 21 31.500 W miðað við að hann sé við endan á slóðanum sem liggur austan við Sauðadalshnjúka (virðist vera skáli á kortinu). Þetta væri þá Dverghamar þeirra MSinga. Þriðji skálinn væri svo miðað við hnitin hans Bolla um 1 km sunnar niðri í dalnum.
Kv – Skúli