This topic contains 10 replies, has 1 voice, and was last updated by 
-
Topic
-
AnonymousJæja, nú er verið að fjalla um breyttu jeppana í DV í dag. Eins og jafnan í þeim ágæta miðli er fyrirsögnin skrautleg: ?Breyttir sídrifsjeppar eru slysagildrur?. En svo er svolítið athylisvert að skoða tölurnar sem þarna koma fram skv. nýrri tölfræðiúttekt Umferðastofu. Það sem þeir eru að skoða er fjöldi slysa á 100 milljón ekna kílómetra og greint á milli 4×4 jeppa sem skv. skilgreiningu er með aftengjanlegt framdrif og svo þeirra sem eru með sídrifsbúnað. Útkoman er sú skv. fréttinni að:
Óbreyttir 4×4 jeppar 35 slys
Breyttir 4×4 jeppar 35 slys
Óbreyttir sídrifsjeppar 29 slys
Breyttir sídrifsjeppar 37 slysÉg verða að játa að ég get ómögulega lesið það úr þessum tölum að breyttir sídrifsjeppar séu slysagildrur frekar en ökutæki almennt. Bílar og umferð eru auðvitað almennt hættulegt fyrirbærir og tekur alltof mörg mannslíf árlega og veldur alltof miklum skaða, en ég get ekki túlkað þessar tölur þannig að breyttir jeppar séu hættulegri en aðrir. Að vísu eru breyttir sídrifsjeppar með aðeins hærri tölu en breyttir eða óbreyttir 4×4 jeppar en mér finnst líklegt að sá munur sé ekki tölfræðilega marktækur og geti auðveldlega stýrst af tilviljunum. Hins vegar eru óbreyttir sídrifsjeppar með töluvert lægri tölu og eru því skv. þessu sérstaklega örugg farartæki. Sem kemur í sjálfu sér ekki á óvart, þeir eru stöðugri á vegi en aðrir bílar. En ef menn ætla að lesa út úr þessu að breyttir jeppar séu slysagildrur er hugmyndaflugið farið aðeins fram úr staðreyndunum sem tölurnar segja. Allavega ef ég er að lesa þessar tölur rétt úr fréttinni í DV
Annað sem er athyglisvert í þessari frétt er að þar er haft eftir Sigurði Helgasyni hjá Umferðaráði að aðeins viðurkennd verkstæði hafi leyfi til að breyta jeppum. Ég kýs nú að trúa því að DV hafi þarna rangt eftir Sigurði og hann sjálfur viti betur.
Kv – Skúli
-
Replies
-
DV er mesta crapblað íslandssögunnar!!! Séð og heyrt er vísindarit við hliðiná DV, en drullukastið þeirra er búið að bjarga þeim úr gjaldþrotadrullunni sem þeir voru í…
Skúli ef þú ferð niður eftir og andmælir finna þeir eitthvað dirt um þig…
Já, og ef þeir finna ekkert, búa þeir það bara til, og neita svo að leiðrétta það.
Ég legg til að það sé gert að inngönguskilyrði í 4×4 að vera -ekki- áskrifandi að DV.
Anonymous- Umræður: 0
- Svör: 16404
Já þetta er náttúrulega bara klassísk aðferð óvandarar blaðamennsku, að skella fram fullyrðingu í fyrirsögn þó lítið eða ekkert styðji hana. Ég held að það sé eiginlega fyrir neðan virðingu klúbbsins að elta ólar við svona fréttamennsku, enda ekkert sem bendir til þess að athugasemdir kæmu óbrenglaðar fram. Við látum þetta því ekkert raska sálarrónni né gefum þeim meira fóður í þennan leik.
Á hinn bóginn er vel þess virði að sjá skýrsluna sem þarna er verið að snúa útúr. Hún var held ég eitthvað til umræðu í dægurmálaútvarpi Rásar 2 í gær, en ég missti af þeirri umfjöllun. Samkvæmt því sem Sigurður Helgason segir mér eru þetta fyrstu tölur úr þessari úttekt og skýrslan sem slík ekki komin út. Það er ekki að sjá annað en þessi úttekt styðji fyrri niðurstöður um þessi mál, þ.e. að slys á breyttum jeppum séu sambærileg við aðra jeppa. Þó óbreyttir sídrifsjeppar séu þarna nokkuð lægri en aðrir veit maður ekki hvaða mörk eru á marktækni þarna. Það verður forvitnilegt að skoða niðurstöður þessarar úttektar þegar hún er fullkláruð.
Kv – Skúli
Heyr heyr herra formaður..
Skúli var þetta ekki einum of
Af mbl.is:
"Lögreglan leitar þriggja manna sem réðust inn á ritstjórnarskrifstofur DV um eittleytið í dag og unnu skemmdarverk innandyra er þeir fengu ekki samtal við ritstjóra blaðsins, en hvorugur þeirra var þá í húsinu. Tóku tveir mannanna einn blaðamanna DV hálstaki svo að á sér.
Eftir að hafa farið með brambolti innandyra óku mennirnir á brott á bifreið. Starfsmenn DV tóku niður númer hennar og reyndu að fylgjast með því hvert hún hélt. Voru mennirnir merktir vélhjólasamtökunum Fáfni og þekktu starfsmenn DV einn mannanna en hann hefur verið til umfjöllunar á síðum blaðsins.
Mennirnir kröfðust þess að fá að tala við annan ritstjóra blaðsins en brugðust ókvæða við, að sögn starfsmanna DV, er þeim var sagt að hann væri ekki viðstaddur."
Anonymous- Umræður: 0
- Svör: 16404
Ég segi bara eins og Bart Simpson: ?Ég gerði það ekki, þú getur ekki sannað neitt, það sá mig enginn gera það?
En kannski ekki hlægjandi að þessu, það eru greinilega ýmsir sem telja sig eiga eitthvað sökótt við DV. Sumir mæta og rústa staðnum, aðrir koma á körfubíl og taka myndir og enn aðrir rífast úr ræðustólnum á Alþingi og reyna að setja lög til að útrýma þeim. Ég held við ættum ekkert að vera að blanda okkur í þennan félagsskap! Menn sem afla sér svona fjölbreytilegs óvinahóps geta varla verið sakaðir um að fara í manngreinarálit, þó saka megi þá um ýmislegt.
Kv – Skúli
Þess má geta að "stóri bróðir" DV, Fréttablaðið, birti grein um sama efni fyrir helgi, unna úr sömu upplýsingum.
Þar á bæ komust menn að því að ekki væri teljandi munur á slysahættu, eftir því hvort væri búið að troða stærri dekkjum undir bílana eða ekki.
Þó var minnst á það í framhjáhlaupi að breyttir sídrifsjeppar væru með aðeins hærri slysatíðni.
Það er ágætt að hafa það í huga við lestur DV að þeir þurfa að selja blaðið sitt. Þess vegna verða þeir að kreista "safann" úr öllu sem þeir geta og nota dulítið aðrar aðferðir en algengt er til að fjalla um málin.
Hvort fólk kýs að taka mark á því sem stendur í blaðinu hlýtur að vera undir hverjum og einum komið, en ég vil að gamni taka undir með þeim sem benti á að helsti lesendahópurinn virðist vera fyrrverandi forsetaframbjóðendur, alþingismenn, handrukkarar og aðrir glæpamenn.
Kv.
Einar Elí
Þetta stimplar samt inná allt sem mannlegt eðli finnst skemmtilegt, slúður, kellingar og almennur sori og manni finnst innst við beinið svo gamana af þessu !!! heheheh
Sælir félagar.
Ég er sammála formanni vorum að sennilega hefur blm. misskilið orð Sigurðar Helgasonar um að ekki sé heimilt "nema viðurkenndum verkstæðum" að breyta jeppum. Sigurður á að vita betur, enda á sérskoðun sú sem mælt er fyrir um í lögum og varðar alla (meira) breytta bíla að vera "alvöru" skoðun og óháð því hver eða hverjir breyttu bílnum.
Í raun er það staðreynd að margar af "bestu og framsæknustu uppgötvunum og nýjungum" í jeppabreytingum eru hannaðar af kunnáttumönnum meðal jeppamanna heima í bilskúr. Þetta er þó áleitin spurning m.t.t. hagsmuna allra þeirra sem eru í umferðinni og alveg ljóst að sérskoðunin sem framkvæmd er (á að vera) í dag þarf að standa undir nafni til að núverandi fyrirkomulag sé réttlætanlegt. Mörgum finnst samt að "sérskoðunin" standi ekki undir nafni, enda sé frekar hægt að tala um "skráningarskoðun" eins og hún er framkvæmd í dag.
Hvað finns ykkur félagar?
Ferðakveðja,
BÞV
Anonymous- Umræður: 0
- Svör: 16404
Þetta er mikilvægur punktur sem BÞV nefnir hérna. Ég óttast ekki að jeppabreytingar verði bannaðar hér á landi, en sú hætta að settar verði reglur um að aðeins viðurkenndum verkstæðum verði heimilt að framkvæma breytingar er þeim mun meiri. Þessi villa í blaðinu er sjálfsagt ekki tilviljun, þó svo Umferðaráð viti örugglega hvað er rétt í því. En eins og Björn segir þá getur það haft neikvæð áhrif á þróunina og nýsköpunina í þessu ef sú leið yrði farin, auk þess sem það er bæði fjárhagslegt og jafnvel tilfinningalegt atriði fyrir marga að fá að smíða þetta sjálfur. Enda margir mjög færir í þessu þó þeir vinni ekki á viðurkenndu verkstæði. Ég hef líka heyrt menn sem reka breytingaverkstæði taka undir þessi sjónarmið okkar og held að þeir séu almennt ekkert að þrýsta á um svona reglur þó þeir myndu auðvitað hagnast af því.
Ég held að þetta sé rétt mat hjá Birni að sérskoðunun þarf að vera meira en skráningaskoðun og ef hún er meiri úttekt en hún er í dag myndi það draga úr hættunni á umræðum um reglur í þessa veru. Allavega getur það verið okkar andsvar við hugmyndum um svona reglur að benda á þann möguleika að útfæra þessa skoðun betur. Ég held að þessar hugmyndir sem tækninefndin hefur verið að setja fram á síðustu árum að það sé gerð sérstök skoðanahandbók fyrir hverja tegund geti verið leiðin. Það geta verið ýmiskonar annmarkar sem hægt er að sjá á þessari leið en það er bara verkefni til að leysa og útfæra þetta þannig að duttlungavald skoðunarmanna verði ekki of mikið heldur skýrar reglur. Þetta er mál sem þarf að ræða áður en einhver einkennileg reglugerðasmíð fer af stað. Við erum alltaf að sjá það öðru hvoru að það er grunnt á umræðu um hvað breyttir jeppar séu hættulegir og fordómarnir í þeim efnum útbreiddir þó svo tölfræðin hafi allavega hingað til verið okkur hliðholl.
Kv – Skúli
You must be logged in to reply to this topic.