This topic contains 4 replies, has 1 voice, and was last updated by 
-
Topic
-
Komið þið sælir,
ég er með Hilux 2007 og er að spá í því hvað ég eigi að gera varðandi pallinn á honum, ég nenni nú ekki að hafa hann opinn til lengdar. Hvað mynduð þið mæla með að gera fá sér palldúk og nota mismuninn á verði í loftlæsingu að aftan, fá sér pallok eða pallhús. Allar ábendingar og reynslusögur vel þegnar.
kv.
Sigurjón
-
Replies
-
Sæll Sigurjón. Við þessari spurningu er ekkert einfalt svar til. Það mótast nefnilega fyrst og fremst af því til hvers þú notar skúffuna á bílnum. Eitt er þó ljóst, að opin skúffa þýðir meiri eldsneytiseyðslu, einkum og sér í lagi í langkeyrslum. Á þeim skúffubílum, sem ég hef átt, hef ég prófað þetta allt. Dúkurinn hefur svo sem ýmsa kosti, en á veturna vildi snjórinn stöku sinnum verða ansi þungur yfir nóttina og slíta festingar og augu á honum. Ef snjórinn þiðnaði og fraus á honum var fjandinn laus. Svo var hann náttúrulega ekki nógu þéttur og þurfti að hafa það í huga þegar maður setti farangur í skúffuna. Palllok eru snyrtileg og leysa m.a. vindmótstöðumálið, en á móti kemur að þau takmarka ansi mikið notagildi skúffunnar til flutnings á fyrirferðarmiklum stykkjum. Það er gera húsin að einhverju marki reyndar líka. Á bílnum sem ég á núna, er ég með farangurskassa úr áli milli hjólkassanna og hann er alveg þéttur og nýtist ágætlega fyrir þann farangur, sem maður þarf að hafa með sér ef setið er í aftursætinu. Aftur á móti dregur kassinn alls ekki nóg úr vindmótstöðu og því situr maður uppi með eyðsluna t.d. í miklum mótvindi. Þetta liggur raunar allt í augum uppi, en þarna tíni ég til þau atriði, sem komið hafa upp hjá mér. Vona að þetta komi samt að einhverju gagni.
Ég er með sérsmíðað pallok á pallinum hjá mér og myndi fara sömu leið væri ég að endurnýja. Lokið er ca 15 cm hátt og er það algjört lykilatriði til að skottið nýtist sem skildi (væri alveg handónýtt væri það slétt við pallinn). Ofaná lokinu er ég svo með heimasmíðaða skíðaboga með reiðhjólafestinum, ásamt drullultjakknum, skóflunni, álkallinum og stiga sleðanum. Helstu kostir þessa loks eru að allt drasl í skottinu er mjög aðgengilegt, líka það sem er fremst í skottinu, mun aðgengilegra en með húsi. Í ferðum fyllir maður yfirleitt skottið alveg upp í lok, eða hluta þess (er með þetta hólfað í 5 hólf) og þarf því ekkert að hafa áhyggjur af að binda hluti niður hvað sem á gengur. Ef ekki reynist nægjanlegt pláss í skottinu þá eru fatatöskurnar sem við notum svona alvöru vatnsheldar töskur og strappa ég þær bara niður ofaná lokið. Ofaná lokið er líka snilld að henda stóru svörtu ruslapokunum sem stundum elta mann
Ég hef náð þessu þokkalega vel ryk og vatnsheldu (mun rykheldara en þau plasthús sem ég hef séð hingað til). Lenti í svolitlu brasi með þetta fyrst, slagaði allt og vatn lak ofanaf lokinu inn í skottið þegar lokið var opnað. Eftir að hafa einangrað lokið að innanverður og bætt við öndun framan á lokið hætti það að slaga. Eftir betri frágang á falsinu á pallinum hætti að leka inn við opnum. Eina klúðrið sem útaf stendur er að ég setti þéttikanntinn á lokið sjálft í staðin fyrir að setja hann á pallinn sem veldur því að það á það til að frjósa fast, MJÖG fast.
Mæli með þessu.
nb. er með 95 árgerð sem er með töluvert minni pall en þú.
kv
Rúnar.
Anonymous- Umræður: 0
- Svör: 16404
Komið þið sælir,
þakka kærlega fyrir góð og greinargóð svör. Það væri gaman ef þið ættuð myndir af þessum útbúnaði hjá ykkur svona til að gefa manni hugmyndir. guinness@simnet.is
En ég er alveg sammála því að pallokin sem eru í slétt við skjólborðin takmarka töluvert hvað maður getur flutt. En þó sýnist mér nú að pallurinn sé dýpri á þessum en á gamla boddíunu.
En þetta á eftir að vera smá hausverkur áður en maður tekur ákvörðun. En það er bara gaman af því.
kv
Sigurjón
Las fyrir löngu á vefnum hjá okkur snildaraðferð til að gera pallhús rykþétt. En það var að setja miðstöðvarmótor í stýrishúsið og tengja pallinn með barka og búa þannig til yfirþrýsting í pallhúsinu og gera þannig rykþéttara.
Kv. SHM
You must be logged in to reply to this topic.