This topic contains 10 replies, has 1 voice, and was last updated by 
-
Topic
-
Jæja félagar, var að spá hvort það væru einhverjir innan f4x4 sem væru til í að taka þátt í smá bulli eins og konan kallar það. Þannig er mál með vexti að ég er svo seinþroska (líka eins og konan segir) að ég get ekki hætt að leika mér og ætla að finna mér ódýrann jeppa (cyrka 15000 kall) helst með 6 eða 8 cylendrum nú eða bara gamla súkku og draga eða keyra þetta útfyrir borgarmörkin um helgar og leika mér á þessu í drullupollum og brekkum. Torfæran er eithvað sem maður getur ekki tekið þátt í vegna fjárskorts en samt er hægt að gera margt í líkingu við það með ódýrum druslu jeppum sem fljótlegt er að skuttla búri í og halda svona skemmti keppnir á milli manna í torfæruakstri og aksturshæfni nú eða bara standa druslurnar upp og niður hitt og þetta. Tek það fram að ekkert aldurstakmark er í þetta (enginn of gamall) en bílpróf verður að vera til staðar bíst ég við. Muniði bara það að maður verður ekki gamall fyrr en maður hættir að leika sér:)
-
Replies
-
Þessi fyrirspurn vekur nú upp hjá mér ansi margar spurningar. Ef ég skil þetta rétt þá ætlarðu að setja búr í einhvern gamlan jeppa sem ég les í að sé þá númerslaus, þá sennilega ótryggður líka og ætlar að draga hann á eitthvað svæði úti fyrir borgarmörkunum og djöflast á honum þar. Þá vaknar sú spurning, HVAÐA svæði er þetta sem þú hefur í huga, er þetta eitthvað einkaland sem maður getur djöflast á án afskifta annarra eða er hætta á að maður yrði kærður fyrir utanvegaakstur
og gróðurskemmdir? Held að þú verðir kannski að hugsa þetta eitthvað betur því að mér sýnist að það sem þú hefur í huga vera alveg kolólöglegt, þú kannski leiðréttir mig ef ég er ekki að lesa þetta rétt. L.
jáhh líst vel á þenan klúbb og væri helvíti gamann að koma og horfa
en ég mæli með súkku ég er nýbúinn að taka hring í einni búrlausri og ég kom uppréttur út + auðvitað þann ógurlega kraft sem hún hefur að geyma undir húddinu
Sko það sem ég var að hugsa en nennti ekki að gera að löngum pistli var það að fá leifi hjá einhvejum verktaka til að djöflast í námum og þessháttar sem ég tel lítið mál ef um félagskap er að ræða og þessar bifreiðar er ekkert mál að fá skráðar sem torfæru ökutæki og yrði þá tryggt sem slíkt og er ekki dýrt. Ekkert ólöglegt. Grifjurnar í jósepsdal sem dæmi.ég er viss um það að það er ekki mikið mál að finna svæði og grundvöll fyrir svona lagað.
Ég er til á mínum druslubíl
Þetta er ekkert mál, stofnum smá félagskap og höfum gaman um helgar. ódýrt og skemmtilegt sem hægt er að stunda allan ársins hríng í sama hvernig veðri sem er:)
Er virkilega enginn áhugi fyrir þessu?
ég bý á norðausturlandi þannig að ég get því miður ekki verið með 😛
En eg mæli með að þú athugir live2cruize og kvartmiluspjallið. Aldrei að vita nema að það se einhver þar sem er til í svona bull !
því að þú finnir annan vettvang fyrir þetta.
Ég get ekki séð að það sé annar vettvangur betri fyrir þessar vangaveltur en einmitt þessi ágæta jeppasíða okkar. Mér þykir hugmyndin mjög góð og hef ég sjálfur átt verðlausan skrjóð sem notaður var í þessum dúr. Ég væri meira en til í þetta ef ég væri í aðstöðu til þess, en sökum náms og aðstöðuleysis verður það að bíða í bili.
Freyr
Háfjallasjálfrennireiðarfélagið Hreggviður (klúbbur vaskra drengja úr Dölum og Reykhólasveit) hélt nokkuð sem kallaðist Offroad festival fyrir fáeinum árum.
Þar var safnað saman nokkrum bílum, Volvo Lapplander, gömlum Landrover (breyttum á 38"), Ford Sierra, Toyota Tercel, Subaru Justy og einhverjum Volvo fólksbíl. Það var ekkert gert við þá nema að þeir voru gerðir gangfærir og loftinntökin vatnsvarin. Til öryggis vorum við með lokaða hjálma (svona mótorhjóla, veit ekki hvað þetta heitir)
Við hittumst í malargryfju einni, skipulögðum brautir og svo var bara spítt í. Þetta var hin frábærasta skemmtun. Eini gallinn var að við á fólksbílunum misstum okkur í skemmtuninni og stútuðum þeim öllum. Færsluarmarnir á gírkassanum á Tercelnum bognuðu og festust, vatnskassinn á Sierrunni fór í frumeindir og Volvoinn hrundi í sundur stykki fyrir stikki. Lærdómur þessa dags var sá að Subaru Justy eru ótrúlega harðir bílar og drífa vel, minnir að það eina sem fór á honum var að ballansstöngin rifnaði undan.
You must be logged in to reply to this topic.