This topic contains 10 replies, has 1 voice, and was last updated by 
-
Topic
-
Nú liggja fyrir drög að nýjum náttúruverndarlögum og þar er allt á hinn allra versta veg fyrir okkur eins og við var að búast. Þar er kveðið á um að gefið skuli út eitt ríkiskort og að allir slóðar skulu vera þar – annars ertu utanvega.. Þetta var vitað að kæmi.
Síðan er það sem að mér finnst mikklu verra er að í þessum drögum er Umhverfisstofnun og ráðherra gefið óheft vald til að banna akstur vélknúinna farartækja (jeppa, sleða, snjóbíla o.s.frv.) á snjó ef hætta telst á umhverfisspjöllum eða ÓNÆÐI FYRIR AÐRA !!
Þetta verður til þess að strax og hlánar lítilega þá verður akstur á snjó og jöklum bannaður þar sem að þetta lið telur klárt að þá sé svo mikil hætta á náttúruspjöllum. Þetta þýðir einfaldlega að það verður bannað að aka á snjó allt árið um kring. Enda verður þetta unnið á nákvæmlega sömu faglegu nótunum og þegar vegagerðin lokar vegum á vorin eftir klukkunni.
Þetta er ekkert annað en dulbúin aðferð til að banna vetrarakstur á snjó.Svo er þetta með ónæði fyrir aðra ekkert annað en hreinn og klár brandari – á þá að banna akstur á vatnajökli þegar gönguskíðamenn byrja að fara þar um ? Eða á að banna akstur á snjó um svæði þar sem göngufólk fer um – hvað vakir fyrir fólki ? Þarna ætlar liðið að geta bannað akstur allstaðar þar sem að hugsanlega getur sést til gangandi eða skíðandi manna….
Alveg er mér andskotans sama um alla þessa slóða sem menn eru búnir að vera að böglast við að halda opnum – enda eru það að megninu til túristar sem keyra þá. En mér finnst gjörsamlega út úr korti ef það á að eyðileggja jeppa- og vélsleðasportið með banni á snjóakstri á stórum svæðum.
-
Replies
-
Góðan daginn,
hvernig væri að mótmæla þessu einhvern veginn, HA ??
Ef að margir tæku sig saman og legðu bílum sínum einhversstaðar þar sem að þeir væru mikið fyrir t.d leggja þeim þvert og stoppa alla umferð, þar til að við yrðum dregnir í burtu ??
Einnig mætti aka rólega eins og við gerðum hér um árið ??
Nú eða leggja bílum fyrir innkeyrslu ráðherra og einnig loka götu ráðherra svo ekki geti komið að leigubíll ??
Eins mætti sturta nokkrum hlössum af skarna hér og þar um bæinn eða á bílastæði (einkastæði) nokkurra ráðherra ??
Allavega finnst mér að eitthvað verði að gera!!!!!!!!
Kveðja Hjörtur og [url=http://www.jakinn.is/:2nydsdxa]JAKINN[/url:2nydsdxa]
Altaf sama Drullan í pittinum. Ef fólk kemst í þá aðstöðu að geta stjórnað öðrum missa menn vitið með það sama, GRRRRRRRRRRRRRRR.
Já svona er að kjósa yfir sig harðlínu kommunista og umhverfis terroista, en það gerðu menn í sýðustu kosningum og töldu sig vera að bjarga þjóðarskútunni
Hæ Benni Þórir og Þorgeir 😉 gaman að sjá ykkur aftur 😉 mér finnst lítið gert í klúbbnum í því að stemma stigum við þeirri náttúrufasistapólitík sem virðist vera uppi á pallborðinu hjá ráðamönnum okkar síðkastið. Svo er spurning hvort að göngufasistarnir gangi ekki upp í því að ná sínu fram meðan allir almennir landsmenn eru ekki að spá í hvort það sé til ícesave yfir höfuð;) við eigum eftir að vera hér eftir þennann vetur þó að það sé vissulega orðið takmarkað hversu mikið "hinn týpíski Íslendingur" komi til með að geta ferðast um landið sitt eftir síðustu aðgerðir þessarar velþekktu "endurreisnarstjórnar 😉 he he "Það liggur við að þessi gamli og góði 4X4 klúbbur eigi eftir að verða í framboði í næstu kosningum
og ég mæli með því að við gerum eitthvað í því það er eitthvað í anda frumkvöðlanna að berjast af hverju ekki að gera það með því að mæta þeim face to face á Alþingi með því að vernda landið fyrir þá sem nota það og elska
kv Gísli Þór Íslandssisti 😉
Sælir allir, Já við verðum að fara mótmæla þessum yfirgangi og skattlagningu á okkur og aðra bifreiðaeigendur. Mér líst vel á tillögu Gísla að mæta á pallana á alþingi þegar náttúruverndarlögin verða tekin fyrir og láta í okkur heyra og einnig á það að fara í "slow driveing" mótmæli eins og hér um árið. Þetta eru hvort sem er ekkert nema bullarar þarna niðurfrá.
Kv. Magnús G.
Já fjölmennum á pallana, lýst vel á þeð :o) Þessir anskotar mega ekki hóna meira út á okkur rassgatið….
Ég tek heilshugar undir margaf því sem sagt er hér að framan, en er ekki endilega viss um að markmiðið með þessum drögum að náttúruverndarlögum sé að hafa alræðisvald um hlutina í framtíðinni eins og mætti halda. Þessi drög eru unnin af fjölmörgum aðilum sem örugglega hafa mismunandi sjónarmið og þegar þeirra sameiginleg vinna kemur fram í heilstæðu umhverfi, getur sjálfsagt margt stangast á og verið furðulegt í heildarsamhenginu.
Ég held að í stað þess að undirbúa strax mótmæli með stöðvun á umferð, heftingu á ferðafrelsi ráðherra eða sturta skarna vítt og breitt um bæinn, þá sé farsælla að byrja á því fara yfir þessi drög að nýju náttúruverndarlögum og senda okkar athugasemdir og óskir um breytingar og fylgja þeim síðan eftir. Ef og til þess kemur að ekki verður á okkur hlustað, má alveg skoða aðrar og alvarlegri aðgerðir.
Þessi fullyrðing „mér finnst lítið gert í klúbbnum í því að stemma stigum við þeirri náttúrufasistapólitík sem virðist vera uppi á pallborðinu hjá ráðamönnum okkar síðkastið.“ er ekki alveg sanngjörn og langar mig að nefna útgáfu á blaðinu Ferðafrelsi í júni, afhendingu 5000 undirskrifta gegn lokunum á leiðum í Vatnajökulsþjóðgarði, táknræna jarðarför á Kistuöldu með 1000 manns, nýlega grein í Fréttablaðinu frá níu félagasamtökum og aðilum í ferðaþjónustu til stjórnar Vatnajökulsþjóðgarðs, stofnun landsamtakanna Ferðafrelsi 1. desember og vinnu við gerð sjónvarpsmyndar um skynsamlega náttúruvernd sem sýnd verður í sjónvarpi eftir áramót sem dæmi um verkefni á síðustu sex mánuðum. Það er líklega langt síðan jafnmikið hefur verið í gangi frá Ferðaklúbbnum 4×4 og öðrum hagsmunaaðilum í þessum hagsmunamálum.
Við þurfum að byggja upp samstarfsgrundvöll við stjórnvöld og setja okkur og aðra hagsmunaaðila á borðið sem samstarfsaðila sem ekki er hægt að ganga fram hjá í þessum málaflokkum. Það er mjög víða verið að að þrengja að okkar ferðaumhverfi og setja höft á okkar ferðafrelsi. Við erum með í gangi stækkun Þjórsárvera í gangi, óundirskifaða reglugerð um Vatnajökulsþjógarð, tillögu að breyttum nátttúruverndarlögum, skipulagsmál vegslóða í 24 sveitarfélögum og margt fleira. Það nýjasta sem komið er inn í umræðuna er Geopark "þjóðgarðar" þar sem landeigendur sameinast í útfærslu landssvæða og er til dæmis í gangi varðandi Dyrfjöll.
Vegna okkar baráttu undanfarna mánuði eru stjónvöld að átta sig á því að þeir sem hafa sameinast í Landssamtökunum Ferðafrelsi eru og ætla að vera öflugur talsmaður almennings um að standa gegn þessum höftum og að ekki verði gengið fram hjá okkur um samráð og samvinnu.
Mig langar að hvetja alla áhugasama um að taka þátt í baráttunni framundan innan landsamtakanna Ferðafrelsi til að senda tölvupóst á ferdafrelsi@gmail.com með nafni, síma, tölvupósti og upplýsingum um sínar skoðanir á hvaða málefni brenni mest á.
Guðmundur G. Kristinsson
Formaður landsamtakanna Ferðafrelsi og í Litlunefnd 4×4, Ferðafrelsinefnd 4×4 og nefnd Samút um Vatnajökulsþjóðgarð.
Sælir félagar og aðrir. Mér sýnist svona við yfirlestur þessarar umræðu að það starf sem verið er að vinna í sambandi við þessi ferðafrelsismál öllsömul séu ekkert endilega að skila sér til ferðaklúbbsfélaga. Kannski kominn tími til að klúbburinn íhugi að ráða fjölmiðlafulltrúa sem sér um að koma hlutunum á framfæri. Ég sjálfur veit að það er verið að vinna mikið í þessum málum á bak við tjöldin, þetta er svona þetta týpíska diplómatakjaftæði, hvort það er svo endilega rétt eða rangt að hafa þann háttinn á er ég ekki dómbær á enda ekki góður í að höndla þessa óáþreifanlegu hluti. En ég get fullyrt að menn eru að gera sitt besta í þessum málum og fórna til þess bæði helling af sínum eigin tíma og fjármunum. Og það er alveg víst að kraftar þeirra sem mest gagnrýna væru örugglega vel þegnir í þessari baráttu. Hvort þeir eru svo endilega tilbúnir eða hæfir til að leggja lið sitt til málanna, annað en að gagnrýna er svo annað mál. Og ekki missklja mig, gagnrýni er nauðsynleg en hún verður að vera réttmæt og uppbyggileg, ekki bara niðurrif. Í framtíðinni kemst svo Wikileaks gamli í einhver leyniskjöl varðandi þessi mál og birtir þau
Kv. Logi Már.
Á stjórnarfundi landsamtakanna Ferðafrelsi í kvöld 20. desember var ákveðið að vera með opinn fund mánudaginn 27. desember kl. 20:00 í húsnæði Ferðaklúbbsins 4×4 um drög að breytingum á náttúruverndarlögum. Skila þarf athugasemdum um drögin í síðasta lagi 7. janúar til umhverfisráðherra. Allir áhugasamir aðilar um þetta málefni eru velkomnir á fundinn. Fundarstjóri verður Guðmundur G. Kristinsson.
Má til með að taka undir með Guðmundi hér að framan um að það er ekki alveg sanngjarnt að segja að klúbburinn sé lítið að gera til að sporna við bannstefnunni og segir raunar upptalningin hans allt um það. Held að menn ættu að lesa pistilinn hans Guðmundar af athygli því margt satt og rétt kemur þar fram. Til viðbótar veit ég að forsvarsmenn klúbbsins hafa verið að funda með ráðamönnum út og suður sem skiptir líka verulegu máli því oft snýst þetta um að fá fólk til að skilja einfalda hluti. Þegar málstaðurinn er sterkur er það oft besta leiðin, útskýra hlutina eins og þeir eru fyrir þeim sem ráða og koma fram sem ábyrgir ferðamenn. Það getur verið erfitt að meta árangurinn þegar menn standa í botnlausri varnarbaráttu, en það má t.d. benda á að umhverfisráðherra er ekki ennþá búin að samþykkja verndaráætlun Vatnajökulsþjóðgarðs þannig að það er eitthvað að vefjast fyrir henni þar, eitthvað sem hún treysti sér ekki til að leggja blessun yfir að óathuguðu máli. Ég held að vinna bak við tjöldin og þá sérstaklega forsvarsmanna 4×4 hafi þar stór áhrif, þó kannski sé ómögulegt að segja um hvað verði lokaútkoman þar. Í raun og veru er staðan í dag þannig að engar takmarkanir hafa ennþá verið samþykktar þó svo tillögur og drög hafi komið fram um slíkt. Orusturnar eru því ekki tapaðar ennþá og þó svo ég sé ekki svo bjartsýnn að ætla að engar orustur muni tapast er ég sannfærður um að starf klúbbsins í þessum málum mun þegar upp er staðið draga úr skaðanum. En meðan staðan er þannig held ég að það að draga fram skítadreifarana gerði meiri skaða en gagn.
Varðandi drögin að náttúruverndarlögunum þá er þetta mjög varhugavert ákvæði sem hér er bent á um vald ráðherra til að banna akstur á snjó. Mikilvægt að ná fram breytingum á því. Hitt ákvæðið um skilgreinda slóða kemur ekki á óvart, enda það búið að liggja fyrir í mörg ár að sú leið verði farin og þá er bara að einbeita sér að því að tryggja að slóðar sem skipta máli verði inni á þessu korti. Það eru líka mikil vonbrigði að í þessum drögum er ekkert reynt að árétta almannarétt, þe. rétt almennings til að ferðast um óræktað land. Þó svo slíkt ákvæði sé í náttúruverndarlögunum virðast landeigendur komast upp með að loka leiðum í trássi við lögin. Þarna hefði þurft að hnykkja ennfrekar á rétti almennings.
Kv – Skúli
You must be logged in to reply to this topic.