drifhlutföll í toyota

Hef verið að fylgjast með þessum pælingum um hlutföll í HiLux. Einhvernveginn held ég að þegar menn eru ekki með aukamillikassa (lóló) þá verði 2,4 lítra mótorinn heldur slappur við flestar aðstæður í alvöru snjó. Gamli Hiluxinn sem ég átti var hinsvegar með 2,8 vél (heitir 3L hjá Toyota) og 5,29 hentaði honum ágætlega. Það er sjónarmunur á því hvað pinion úr 5,29 er gildari en úr 5,71 og tekur betur saman við kambinn. Hinsvegar hef ég séð að lagnir bílstjórar geta alveg ent 5,71 drif yfir 100.000 km án nokkurra vandkvæða. Það er bara einfaldlega þannig að sumir brjóta alla hluti, bæði drif og annað. En tek undir það sem komið hefur fram hjá mörgum hér að framan, að það er grundvallaratriði að fá góðan fagmann til að stilla inn ný drif. Ekki að horfa í einhvern tíuþúsundkall í því efni.

Þið talið mikið um að brjóta hlutföllin í þessari umræðu. Þegar drif eru vel stillt þarf þá ekki töluverð átök á drifin, hvað eru þeir að gera vitlaust sem brjóta þau snemma? Geta driflæsingar haft slæm áhrif?

Eins og ég hef einhverntímann nefnt hérna áður, þá rakst ég á ansi merkilegt komment í leiðbeiningum með Precicion 1:5.71 hlutföllum sem ég setti undir lúxann minn fyrir löngu. Það var semsagt það, að það þarf að tilkeyra hlutföllin. Líkt og með knastása, þá slípa hlutföllin sig saman eftir að þau eru sett í og herðast við það (álagshersla), sem hefur mikið með það að gera hvernig þau endast. Mig minnir að það hafi átt að keyra undir litlu álagi í ca 500 km, skipta um olíu, og fara SVO að taka á þeim.
Varðandi framhlutföllin sérstaklega, þá grunar mig að þetta sé sjaldan gert, dótinu bara slengt í, lokurnar af þangað til í fyrsta skafli, og draslið svo bara látið HAFA ÞAÐ þangað til að sést í skála……
…og svo annað, drifhúsið sjálft er veigamikill þáttur í endingu og ekki síður styrk hlutfalla. Það er nefninlega svo að drifhúsið svignar undan hliðarkröftunum sem myndast þegar hjólin spyrna saman >> pinjóninn gengur til hliðar FRÁ kambinum >> mjög óheppilegt átak, þar sem hjólin í raun hætta að passa saman(allavega á þann hátt sem þau hafa slípað sig saman). Einhvern tímann rakst ég á merkilega grein í Four Wheeler þar sem þessu var lýst, og jafnframt því að V6-Toy væri með eina auka styrktar-ribbu á afturdrifhúsinu, sel það ekki dýrar en ég keypti það…(allir út að gá….!!)
Allavega, það er mikilvægt að MUNA AÐ SKIPTA UM OLÍU EFTIR 500 – 700 km.

Tannhjólakveðja
Grímur, R-3167

Tók eftir því þegar ég var að færa hlutföll á milli gömlu druslunnar ’85, og þeirrar nýju ’95, að kögglarnir á nýja bílnum voru töluvert massaðri og þyngri en á þeim gamla. Veit svo sem ekkert um aðrar breytingar á milli þeirra (legur og stuff). Aftuhásingin á þeim nýja er einnig umtalsvert sverari en á þeim gamla.

Báðir bílarnir voru 2.4 diesel.

kv
Rúnar.

Ég hef átt bæði 5,29 og 5,71 38" toyotur (bensin)og mér finnst 5,71 MIKLU skemtilegra driff í snjó og annar staðar ég lenti ekki í neinum hraða vandræðum á 5,71 drifinu ég hef brotið eitt drif í hvorum bílnum enn átti 5,71 bílinn mikið lengur allt brotnar þetta ef þessu er misboðið láttu bara einhvern fagmann stilla drifinu inn fyrir þig mikið af þessum drifum sem brotna eru illa stillt inn og slitna ekki jafnt yfir tennurnar. Ef ég fæ mér 38" toyotu aftur þá verður hún með 5,71.