Dráttartóg

Ég hef verslað við Ísfell sem lengst út í Hafnarfirði og er ágætis búð (svona fyrir utan staðsetninguna…). Þar er hægt að fá allar lengdir og sverleika af spottum með mismunandi teygju og splæstar lykjur á endana ef maður vill.
Ég man ekki alveg specurnar á þeim sem ég keypti en hann er mjög passlegur finnst mér, u.þ.b. 18m og kostaði 9.000kr og er þægilegur í meðförum og ekki slitnað ennþá. Slitþolið þarf auðvitað að vera í stíl við þyngd bílsins.
Gamalt efni af vefnum [url=http://www.f4x4.is/new/forum/?file=bilarogbreytingar/1098:dbxw65xg]HÉR[/url:dbxw65xg].

Strákar, eruð þið með mynd af svona lásum?
Mér er illa við lása en er samt að spá í að fá mér einn.
Kv.
Dúkkan

Rétt hjá Dolla að það er rétt að nota þá lása sem eru brotaþols prófaðir. En ef menn eru með nægjanlega sterkan lás er þetta sterkari búnaður en margur dráttarkrókurinn og hættan kannski oft mest af því að krókurinn gefi sig. Ef það gerist er auðvitað ekkert óskaplega sniðugt að vera með þungt járnstykki fast í spottanum en aðalmálið auðvita að huga að styrkleika alla leið inn að grind.
Sjálfur er ég með að framan tvö þokkalega sterk augu, orginal af gömlum Landrover, boltuð með stuðarafestingunum í grindina með fjórum boltum og nota svo svona D-lás eða Hörpulás til að festa spottan við (þá sjaldan að það þarf að festa í Breska heimsveldið að framan). Með þessum búnaði hef ég ekki áhyggjur af þessu. Það er betra að vera með splæstan enda og nota svona lás heldur en að hnýta spottann, því slitþol spotta getur rýrnað um allt að 60% í hnút á móti 10-35% í splæsingu.
[url=http://www.mountainfriends.com/html/spottaspeki.html:1skgwv90][b:1skgwv90]Heimild[/b:1skgwv90][/url:1skgwv90]
Kv – Skúli

Mikið er ég ánægður og sáttur við þetta sem kemur frá honum Lárusi Rafni. Ef menn gera þetta nákvæmlega eins og hann gerir ráð fyrir, þá er þetta gríðarlega mikið öryggi. Ég held að allir með nokkra reynslu af slarki og festum hafi séð hverskonar slys geta hlotist af þegar eitthvað gefur sig við drátt á föstum bílum. Ég hef fyrir mína parta haft mestu ótrú á öllu járnadóti í spottum, en viðurkenni hinsvegar kosti þess að hafa lás af þeirri gerð sem Lárus Rafn mælir með. Það verður heldur aldrei nógsamlega undirstrikað hvað það getur verið gagnlegt að henda einhverju ofan á tógið sem dregið er með, t.d. hönk af öðru tógi. Allavega þarf að gæta þess að þetta "eitthvað" tolli þar sem því er ætlað að vera en detti ekki af þegar verst gegnir. "Thumbs up for Lárus Rafn" hann á allt gott skilið fyrir góða lausn.

Ég held að besta útfærsla á öryggislínu sé að eftir að það er búið að stinga henni í gegnum spottann ef það sé gert,sé einnig að bensla hana með vissu millibili með grönnu snæri en samt ekki marga vafninga.
Þó svo að þessir lásar séu brotaþols prófaðir þá geta alltaf komið gallaðir lásar,en þá er það oftast
þannig að smá hola myndast inní lásnum sem ekki sést að utan og virkar eins og hola inní osti ( galli í steypu ) …..
Við mikið átak og jafnvel mjög lítið geta þessir lásar brotnað og valdið miklu tjónu á bílum og fólki,ef ekki dauða.
Þannig að öryggislínan sem Lárus hefur verið með og er að hanna er held ég nauðsynleg ef þessir lásar eru notaðir.
Ég hef orðið fyrir því að svona lás brotnaði er ég var að segja spilmanni til útá sjó,og straukst hann í hjálm sem var á kollinum á mér og kom svo aðeins í hendina á mér,þannig að vissulega er nauðsyn að fara varlega þegar þeir eru í notkun.

Kv-Dolli