dómsmál

Ég held að menn ættu að kynna sér málið á domstolar.is.

Ég las yfir dóminn.

Það er greinilegt að HSSK braut af sér þegar kakan var afhent þessum manni.

Þrátt fyrir það kemur það mér svolítið einkennilega fyrir sjónir að fullyrt sé að þrenging í skothólki sé örugglega "galla" að kenna þó að það sé líka tekið fram í dómnum að maðurinn hafi lagt hendina yfir hólkana á meðan hann skar flipana af kassanum.

Þar sé ég ekki betur en að skýringin á þrengingunni sé komin ljóslifandi. Veit ekki hvort að framleiðandi, söluaðili eða innflytjandi geti verið ábyrgur fyrir því….

Það var ekki seinna vænna að söluðailar væru gerðir ábyrgir fyriir eitthverju af þeim fjölmöru slysum sem hlotist hafa að þessari fjáröflunaraðferð. Það er tímabært að björgunarsveitirnar finni sér aðra leið til að afla peninga.

-Einar

Ég get nú ekki séð hvernig björgunarsveitir eigi að afla jafn mikils fjár eins og gert er með flugeldasölu og eigi að finna sér aðrar leiðir til þess. Ég held að flest öllar fjáröflunaraðferðir séu nú þegar í gangi.

Það væri kannski bara réttast að fella niður þetta sjálfboðaliðastarf og koma þessu yfir á ríkið og stofna heimavarnarlið, t.d eins og Danir eru með. Þá þarf ekki að vera að draga menn fyrir dómstóla vegna mistaka sem verða við fjáröflun og þannig hægt að sækja rekstarpeninga í ríkissjóð. Það sannaði sig nú bara síðast í dag hversu mikilvægt það er að eiga öflugar björgunarsveitir sem hafa roð og ráð til að þjálfa sinn mannskap og versla búnað….

Það væri nú spennandi fyrir ferðalanga þessa lands að vera með björgunarsveitirnar óvirkar jafn marga daga og landhelgisgæsluþyrlurnar hafa verið það sem af er ári…..

Daginn.

Ég trúi því ekki að þú, Einar sért þeirrar skoðunnar að björgunarsveitir landsins ættu að tapa sinni einu tekjulind sem einhverju skilar að viti og þú haldir því fram að stjórnendur þessara tuga sveita um allt land hafi ekki leitað leiða til að afla fjár með öðrum hætti. Ef svo er þá máttu, mín vegna, finna þér stórann flugeld, troða honum þangað sem þér finnst þægilegast og kveikja svo í.

Að fjallamaður skuli láta svona út úr sér, edrú!!!

Mér finnst reyndar að sveitirnar ættu, eins og þær hafa unnið að síðastliðin ár að leggja kapp í að fara eftir öllum lögum í sambandi við sölu á slíkum gripum. Við erum að kaupa þessar vörur af slysavarnarfélagi og ættum því að bera virðingu fyrir hvað þetta er hættulegur varningur.

Ég vona að þessi sveit sé tryggð gegn svona rugludöllum eða geti sótt málið áfram til framleiðenda vörunnar svo að þeir verði ekki fyrir fjárhagslegum skaða af þessu. Nóg er samt að þurfa að ganga í gegnum dómsferli fyrir og í sjálfboðavinnu.

Kv Izan

Núna er maður feginn að það kostar amk fimm ára nám að verða lögfræðingur

Þetta er spurning, sjálfur er ég ánægður með að skátarnir noti flugeldasölu til að fjármagna sig. Þessir aðilar hafa lagt mikið af mörkum til að selja mjög örugga flugelda sem eru því sem næst idiot proof. Það er mikið til af sprengiglöðum Íslendingum og held ég því að mörg okkur þætti leiðinlegt ef við myndum ekki fá að skjóta upp okkar flugeld til að vera með í suck partíinu til að lýsa upp borgina á nýju ári. Ég er ekki sammála því að skátarnir eigi að bera ábyrgð á þessu, því fólk verður að gera sér grein fyrir því að þegar það verslar flugelda er það í raun að versla sér sprengiefni. Þetta er viss áhætta sem þú gengst fyrir um leið og þú kvittar á vísanótuna í sjoppunni og lappar út með tugi kílo af púðri/sprengiefni. Ég held að allir heilbrigðir einstaklingar með vott af common sense geri sér grein fyrir þessari áhættu, slysin hafa sýnt okkur þetta í gegnum tíðina. Ef þú gerir þér ekki grein fyrir þessari áhættu þá áttu ekkert með það að versla þér flugelda og fellur því miður í hópinn með Forest Gump of félögum. Því miður er Ísland að verða soldið Americanized og við göngum út frá því að við þurfum varla að bera ábyrgð á sjálfum okkur s.b.r. það er McDonalds að kenna ef við brennum okkur á kaffinu þar. Við höfum öll val og verðum oft að gangast við ýmiskonar áhættu annað er bara ekki hægt það vill bara klikka að pæla í afleiðingunum sem fylgir valinu. s.b.r. Held ég t.d. að Tuborg Arnalds hafi gert sér grein áhættunni en kannski ekki afleiðingunum. Hann tók samt sénsinn og er ekki við neinn annan að sakast, nema ÁTVR auðvitað. Það að tala um gallað sprengiefni sem sprakk….

Daginn.

Mér hefur alltaf þótt það svolítið skrítið að í hvert sinn sem sem eitthvað gerist, koma fram menn eins og eik og vilja banna allt sem er hugsanlega hættulegt. Hann yrði líklega fyrstur til að leggja það til að Jeep Cherokee yrði bannaður ef hann fengi svoleiðis bíl í andlitið. Ég held það væri lítið gaman að vera til ef það væri bannað að ganga á Hvannadalshnjúk af því þú gætir lent í snjóflóði, eða bannað að aka í Setrið af því þú gætir keyrt fram af hengju, bannað að fá sér bjór af því þér gæti dottið í hug að fara að keyra og keyrt á ljósastaur, bannað að ausa úr viskubrunnum sínum á f4x4 af því að eik gæti vitað betur og svo fram vegis.

Ég held að stæstur hluti slysa vegna flugelda sé vegna rangrar meðhöndlunar og sama gildir í umferðinni, þar verða flest slysin vegna rangrar meðhöndlunar ökutækja.

Kv. Smári.

Var virkur félagi í hjálparsveit í þá tíð sem ég bjó á landinu og tók auðvitað fullan þátt í flugeldasölunni.

Gríðarlega mikil vinna og ólaunuð auðvitað en mestan part skemmtileg.

Litlir krakkar að komandi inn og velja með hjálp mömmu og pabbi stjörnuljós og smáblys.

Hinir og þessir að koma inn með bros á vör og þakkandi fyrir þjónustu sveitanna. Smelltu kannski 5þús kalli á borðið og vildu bara fá eitthvað sniðugt fyrir það.

Og svo voru það þeir sem var minnst gaman að eiga við.

Endlaust kvabb á þeim, “Dúddi frændi var nú í skátunum í gamla daga, geturu ekki reddað okkur einhverju stærra og hættulegra til að skjóta upp“!

Kannski svipað og að vinna í apóteki seljandi ljómandi gott Magnil og Panódíl og kúninn röflandi um hvort þeir geti ekki fengið smá Morfín undir borðið.

Undantekningalaust sagði ég nei og það átti að vera reglan, en þarna hljómar eins og eitthvað hafi klikkað.

Það er gaman af flugeldnunum. Hjálparsveitirnar hafa gert mikið átak í að vera með örugga og vel merkta vöru, leiðbeina um notkun og gefa hlíðargleraugu með hverri sölu.

Það breytir því hins vegar ekki að þetta er hættulegur varningur ef ekki er rétt með farið.

Ég hef fulla samúð með viðkomandi sem slasaðist í þessu slysi, en rétt hefði verið staðið að hefði það ekki orðið.

Í leiðbeiningunum með minnstu fjölskyldupökkunum og auðvitað öllu stærra segir ekki bogra yfir flugeldnum þegar þeir eru settir upp og haldið eldfærum fjarri, svo einfallt er það.

Flugeldasalan er einfalldlega langbesta fjáröflunin fyrir hjálparsveitirnar. Kostar gríðarlega sjálboðavinnu en gefur vel af sér. Og ef rétt er með farið er þetta fín skemmtan og tilþess að gera hættulítil.

Þeir sem styðja ríksvæðingu hjálparsveitanna ættu að líta á Landhelgisgæsluna.

Hvað eftir annað kemst hún ekki í útköll af því að búnað vantar, er bilaður eða í viðgerð.

Hver hefur nokkurn tímann heyrt um að hjálparsveitirnar, sem enga ríkisstyriki fá hafi ekki komist af stað af því að búnað vantaði eða væri í ólagi?

Það er heldur ekki rétt að Ísland sé eini staðurinn í heiminum sem selur flugelda til almennings.

Þar sem ég er búsettur í Bandríkjunum er hægt að kaupa flugelda allstóra flugelda, þar með taldar [url=http://www.gorilla-fireworks.com/shell%20mortar.html:e2pnl01z][b:e2pnl01z] tívolíbombur [/b:e2pnl01z][/url:e2pnl01z]af dansandi apa í sirkúsbúningi!