This topic contains 9 replies, has 1 voice, and was last updated by 
-
Topic
-
AnonymousÉg er að spá í að setja diskabremsur að aftan á 12 botla chevy. Til þess ætla ég að nota einfaldan framdisk af Toyotu og einfalda framdælu. Þetta virðist ganga vel upp á móti Dana 44 framhásingunni, minni diskar, minni dælur. Því vill ég spyrja: hvernig hafa menn reddað handbremsunni? Musso er með frábæra lausn á þessu, en sá útbúnaður er bara svo fjandi dýr að það er útilokað að spá í það.
Ef ég færi út í það ævintýri að setja driflokur á afturhásinguna til að hafa hana flótandi, þarf ég þá ekki sérsmíðaða öxla og hvar er hægt að finna svoleiðis?
-
Replies
-
Anonymous- Umræður: 0
- Svör: 16404
Sennilega væri lang hentugast að fá þér bremsudælur úr gömlum subaru 1800, sem er með handbremsuna að framan, þar er armur út úr dælunni sem handbremsubarkarnir fara í og dælan passar fyrir einfalda diska, snjöll lausn sem oft er notuð í svona mix.
Kv. Ásgeir
P.s. ég þekki ekki aðferðina sem menn eru að nota til að hafa fljótandi hásingar, en þar vantar þig einhvern nafstút og framnaf af sama bíl, svo þarf líklega að sjóða öxlana saman til að þetta passi nú í drifið, þú þarft náttúrulega ekki að hafa driflokur, þótt það sé óneitanlega spennandi kostur ef öxulbrot á sér stað. Svo er eitthvað sem ég veit ekki alveg hvað meint er með þegar talað er um semi-floating hásingar, kannski einhver gáfaður maður geti útskýrt það??
Anonymous- Umræður: 0
- Svör: 16404
Í sjálfu sér er það sára einföld míði að setja fljótandi í afturhásingu. Það er nóg að slétta endana á hásingunni og sjóða flangs á endana sem legustúturinn getur boltast á og svo er bara að raða nöfunum saman. Stæðsta vandamálið er að fá öxla sem passa.
Það er langbest að nota Subarudælur í svona mix, ég á til eitt sett af dælum sem fást fyrir lítið.
Kv Ævar.
sími: 892-7094
En á dana 44 framhásingu, hvernig er réttast að koma diskabremsum á slíka hásingu og halda jafnframt mixi í lágmarki?
Hjölli
Góðan daginn,
það er nú örugglega hægt að leysa þetta á fleiri en einn veg, ég útbjó diskabremsur úr Ford Lincoln, það er sama systemið og Suburau nema örlítið öflugra. Svo er hægt að fá Universal barka af öllum gerðum í Bílanaust í handbremsuna.
Kveðja Hjörtur og JAKINN.
Það vill svo til að ég setti diskabremsur að aftan undir willys cj7 og notaði Hi-lux diska og reyndar öxla líka, drifið var 12 bolta GM. Dælurnar voru framdælur úr Subaru.
Frambremsurnar hjá mér voru að mig minnir úr Blazer, frekar en Wagooner. Í stuttu máli var þetta setup BARA vont! Subaru dælurnar voru einfaldlega alltof litlar og gáfu of lítið bremsuátak á afturhjólin miðað við frambremsurnar. Umrætt tæki var aðeins 660Kg á afturöxulinn og á 38" dekkjum. Ég fékk hann aldrei til að draga hjól að aftan, ekki einu sinni á malarundirlagi. Subaru dælurnar gáfu sem sagt hægjur en ekki bremsur. Handbremsan hélt þó furðanlega. Þrátt fyrir þetta fékk bíllinn fulla skoðun á bremsur og gaf nægilegt bremsuátak á valsana hjá Bifreiðaskoðun, sem mér finnst umhugsunnarefni í sjálfu sér.
Ég var með original vakúmbremsukútinn og höfuðdælu úr cj7, prófaði að skipta dælunni út fyrir aðra minni, en allt kom fyrir ekki, tækið var nánast bremsulaust að aftan.
Mitt innlegg er því, ekki nota subaru dælur eða aðrar litlar fólksbíladælur ef þú villt halda afturbremsunum.
Kv Óli
Anonymous- Umræður: 0
- Svör: 16404
Ég verð að vera ósámála síðasta ræðu manni í þessum efnum,
Ég hef aðra reynslu sögu af þessu að segja ég er með ford bronco 79 stóra týpan og ég setti undir hann að aftan subaru framdælur og ég komst að þeiri niðurstöðu í lokin á þessari smíð hjá mér að ég þurfti að skera rákir í klossana til að mínka bremsu kraftana að aftan annars læsti hann alltaf,
En hinns vegar notaði ég lödu sport framdiska og bíllin er 44" breitur og aldrei ber á bremsuskorti í greginu
Anonymous- Umræður: 0
- Svör: 16404
Góðan daginn brynthor.Það er ýmislegt sem þarf að hafa í huga þegar á að fara að breyta bremsukerfi.
Höfuðdælan þarf að vera útbúinn miðað við diska allan hringinn, því bremsur að aftan eru notaðar til að halda uppi bremspetalanum í bílum sem eru með skálar að aftan, hleðslujönunarventil þarf að vera rétt stilltur miðað við þyngd bílsins.
ATH: bremsur að aftan eiga í venjulegum fólksbíl að bremsa 20% miðað við einsdrifs bíl, en á 4wd fólsbílum er bremsun að aftan milli 30-40%.
Við hönnun eða mix á bremsubúnaði þarf að hafa í huga sverleika stimpla í dælum (hún ræðst af þyngd bílsins)og höfuðdælu sem við á.
Handbremsubúnaður í diskabremsubúnaði er tvenskonar,handbremsa er í dælunni sjálfri og skálabremsur innan í disknum(Volvo, Saab,Pajero 92 og yngri)
Raufar í bremsuklossa eru hugsaðir til að taka við óhreynindum sem fara á milli disks og klossa.
Vonandi hjálpa þessar upplýsinga eithvað.
með kveðju Ásgeir Gunnarsson
Anonymous- Umræður: 0
- Svör: 16404
Það fór eins og mig grunaði, að ekki stæði á svörum. Nú er bara að pufa sig áfram. Það er ekki það að ég sé óánægður með tromlubremsurnar, heldur er ég aðalega að spá í að gera þetta útaf því að þetta er hægt og gaman að gera þetta. Ævar, þú mátt hafa samband við mig í brynthor@centrum.is og þá getum við ath hvort við náum saman með verð á dælunum. Í sambandi við að koma diskum á framhásingu, þá er bara að finna réttu nöfin eða bara nýja hásingu með diskum. Það góða við ameríska gullið er að það kostar ekki mikið og dugar mjög vel. Maður heyrir oft að menn ætli að nóta þetta ameríska þangað til að þeir hafi efni á að kaupa japanskt. Ég ráðlegg mönnum að nota ódýra dótið og kaupa eldsneyti í staðinn og ferðast fyrir peninginn.
Kveðja, Brynjar
You must be logged in to reply to this topic.