diskalæsing í Hilux

Þetta er mjög fljótlegt, þú opnar bara aftur hleran og lyftir svo upp læsinguni í þá hæð sem pallurinn er og teygir svo út hendurnar þar til læsingin er örugglega kominn á pallinn, þá miðað við að þú sért með læsinguna í höndunum.

Því næst lokar þú hleranum og gætir þess að læsingin lendi örugglega ekki í hleranum því að þá gæti hann rispast.

Margir hnýta svona læsingar fastar við krækjurnar sem eru á pallinum svo að læsingin rúlli ekki um allann pall og skemmi hann, þegar að beygt er harkalega, alla vega gerði ég það hjá mér.

Svo þegar þú þarft næst að nota pallin til að flytja eitthvað skalt þú fara í endurvinnsluna á bílnum þínum og láta mennina sem þar vinna hafa diskalæsinguna til þess að hún sé ekki fyrir því sem rúmast skal á pallinum.

Svo er það gott húsráð að fara á næstu Olís-stöð og kaupa olíuhreinsi og úða honum yfir pallinn og sérstaklega vel þar sem diskalæsingin var og busta svo smá með bursta. Hreinsirinn má liggja á í svona ca. 5-6 mín. og eftir það er berst að skola með heitu vatni og kannski að bursta smá með.

Ég vona að þetta hjálpi eitthvað, en ef það koma upp einhverjar spurnigar þá mátt þú endilega hringja í mig í síma 848-1469

Kærar kveðjur, Luxilíus

Ég hélt að þessir bílar væru annað hvort með diskalæsingu eða rafmagni orginal. Allavega var dobblarinn þannig, veit ekki hvering 89 bíllinn var en 90 var með orginal diskalæsingu og eftir mitt ár 91 voru þeir með rafmagni. Svo aftur þegar bensín dobblarinn kom 92 voru þeir með diska.
En ég var í þeirri trú að extra cabinn væri með diska?

er ekkert fyndið við þetta og var ekki neinn brandari.

Hann sagði: "öll ráð eru vel þegin".

Var það ekki annars.

Kv. Luxilíus

Heyrðu elvarni, Heldur þú að það sé ekki ÓRÁÐ að RÁÐast á mig????

Væri ekki RÁÐ hjá þér að RÁÐast í það að ráfa inn á Haukadalsheiði með ný planaða pústgrein í annari og bjór í hinni, svo þú verðir nú ekki RÁÐviltur og reyna að RÁÐa í það hvar þú týndir nýja GPS tækinu þínu?

Nema kannski að þú RÁÐist fyrst í það að RÁÐfæra þig við besta vin þinn og þið RÁÐið í það hvort ÓRÁÐ þitt hafi nokkuð RÁÐið því að þú RAÐaðir því snyrtilega undir sætið hjá honum????? 😉

ÓRÁÐskveðjur, Luxilíus

Ágætu heiðursmenn, ef þið eruð eitthvað sárir út í hvorn annan, í öllum bænum látið það ekki bitna á fólki sem ber fram saklausar spurningar um tæknimál. Nóg um það, en mitt álit er einfaldlega það, að allar breytingar á útfærslu drifanna þurfi að vinna með réttum verkfærum og helst af fagmönnum, því það er talsverður vandi og krefst kunnáttu og þjálfunar að stilla inn drif. Slæmt verklag getur leitt af sér lélega endingu á dýrum búnaði. Hinsvegar eru skoðanir manna mjög skiptar um gagnsemi diskalæsinga. Allavega þessara sem koma original í t.d. HiLux. Ég er sjálfur búinn að prófa að vera með diskalæsingu og skipti síðar yfir í ARB-loftlæsingu (í HiLux, vel að merkja) og það verður að segjast eins og er, að samanborið við alvöru læsingu er þetta tregðudæmi (diskar) nánast gagnslaust að mínu mati. Svo er þetta, að öllum bílum er ekið á vegum meira og minna. Stundum er hált og þá þykir mörgum betra að vera í fjórhjóladrifinu. Mér finnst persónulega að þegar þessar diskalæsingar eru að virka eitthvað á annað borð, þá rýri þær verulega aksturshæfni bíla við þessar aðstæður, bæði hvað hemlun snertir og eins varðandi stjórntök á stýri. Ekki veit ég hvort fyrirspyrjandi er einhverju nær með þetta, en svona lít ég á þetta.

Ég er með svona læsingu að aftan hjá mér og loftlás að framan. Diskalás er mun betri en ekki neitt, þótt svo að þetta sjáist ekki virka mikið.

það munar samt gríðarlega um þessa smá tregðu, t.d. vagga bílar mun síður upp brekkur(þegar bílar eru alltaf að spóla á sitt hvoru dekkinu) með þennan búnað.

En um leið og þú ert kominn ofan í sprungu með eitt hjól að þá er lítið á þennann búnað að stóla.
Ég geri það stundum að setja whihtsprit á drifið og tjakka annað hjólið upp og láta bílinn "spóla" smá stund. þá hreinsast lásinn á mjög skömmum tíma og verður stamur og fínn.

Því næst er að kaupa LSD olíu (heitir stundum LSA oil) og setja á drifið. Sú olía er ætluð til að halda svona diskum stömum á meðan önnur olía smyr svona búnað og heldur honum sleypum.

Það er ekki mikið mál að setja svona búnað í. þú losar handbremsuna og bremsurörið út við hjól og losar svo 4 bolta hvoru megin til að ná öxlunum úr.
Því nærst losar þú drifskaftið og losar svo ca. 10stk. 12mm rær og þá er drifköggullinn laus.
Svo mælir þú slagið í drifinu, helst með "klukku" og skrifar það niður.

Svo losar þú mismuna drifið í kögglinum (4stk boltar)og losar svo kambinn á mismunadrifinu og setur læsta mismunadrifið í, í stadinn.
þú passar þig að allt fari svo eins saman og rétt.

Stillir svo drifið með skrítnum róm sem eru eitthvoru meigin við mism.drifið og hefur það ein og það var áður. Ég smíðaði mér verkfæri úr flatjárni og 2, 6mm boltum og borvél.
Herðir svo passlega að mism.drifslegunum, ekki of stift en samt ekki þannig að það sé slag í þeim.
Því nærst raðar þú svo öllu saman og setur olíu á og gefur í botn og spænir um allt.

Ég er reynda eiginlega alveg viss á því að þessi bíll sé með svona diskalæsingu, en þú bara prófar með whith sprit :o)

Svo segi ég bara eins og Luxilíus, þú mátt hringja ef þig vantar að vita eitthvað sem ég taldi ekki upp eða sem þig vantar að vita betur.

Það er bara eins með þetta og annað að vantvirkni og nákvæmni borgar sig.

Kv. Atli E.