Dísilmælir

Menn eru svo samfélagslega sinnaðir í afstöðu hérna. Fyrir mér er þetta ekki spurning hvort rétt eða rangt sé að gefa mönnum afslátt fyrir að aka meira (þó n.b. það sé vissulega alþekkt í viðskiptum að meiri viðskipti gefi meiri afslátt), eða hvort réttmætt sé að menn þurfi ekki að staðgreiða skattinn ef þeir eru á dieselbíl eða hvort réttmætt sé að kerfið sé svona en ekki einhvern vegin öðruvísi.

Fyrir mér er þetta einfaldlega spurningin um að kerfið í dag býður upp á þann ágæta möguleika að borga minna fyrir hvern kílómeter eftir að 20.000 km markinu er náð og býður auk þess (og ekki síður mikilvægt) upp á að skak í þungu færi er mun hagstæðara heldur en ef skatturinn væri í olíuverðinu. Fjallaferðir í þungu færi þýða yfirleitt mikla notkun á eldsneyti á móti hlutfallslega færri eknum kílómetrum (og reyndar, enga notkun á vegakerfinu ef menn vilja spá í það). Þess vegna ætti það að vera hverjum jeppamanni sjálfsagt baráttumál að það sé sem minnst hróflað við þessu kerfi og þessum möguleika að spara með diesel haldið opnum. Þessarar skoðunar var ég einnig meðan ég var á bensínbíl og horfði löngunaraugum á félagana á dieselbílunum tanka fyrir nokkra þúsundkalla meðan það fóru tugþúsundir á tankana hjá mér. Fannst gott að vita til þess að eiga þennan valkost við næstu bílaskipti.

Hvað er sanngjarnt, réttmætt og eðlilegt er svo teygjanlegt og alltaf hægt að finna svoleiðis rök fram og til baka. Á endanum er þetta bara hagsmunir sem gilda.

Kv – Skúli

Jú það er rétt hjá þér Daníel þetta með íblöndun litarefna og það er líka að verða langt síðan að íslensk stjórnvöld fóru að velta fyrir sér þessum möguleika. Einhverra hluta vegna er þessi innheimtuaðferð ekki komin á hér þó hún sé notuð í öðrum og stærri löndum.

Ég las einverstaðar fyrir löngu að eftirlitskostnaðurinn með þessu nýja kerfi gæti orðið meiri en vanskila afskriftirnar í núverandi kerfi og því nettó ávinningurinn fyrir hið opinbera jafnvel minni en engin, þarna væri fámennið okkur fjötur um fót. Við erum jú færri en allir íbúar AArhus borgar í smáríkinu Danmörk.

Ekki veit ég hvort breytingin úr Söluskatti yfir í Virðisaukaskatt hafi skilað ríkinu tilætluðum árangri.

OE

Eins og Hlynur segir, þá er þetta mál víst komið á ís eina ferðina enn. Þungaviktarmenn stjórnarliðsins úr landsbyggðarkjördæmunum, svo sem eins og Sturla, Einar Kr, Valgerður Sv., Halldór Blö., Jón Kristj. og einhverjir fleirri þora víst ekki (af hræðslu við háttvirt atkvæðin sín) að samþykkja gjaldið vegna þeirrar hækkunar, sem það ylli á flutningskostnaði á vörum út á land. Eins og fram kemur hér að ofan, þá myndi eftirlit með notkun á litaðri/ólitaðri olíu trúlega verða ansi umfangsmikið og þykir mörgum nóg komið með kostnað við eftirlitsiðnaðinn, en efalítið myndi sá kostnaður koma út sem hærra gjald á notkunina. Eins og einhver nefndi hér ofar, þá er það líklega mesta vandamálið við olíugjald það mikla magn af dieselolíu, sem notað er á öðrum sviðum en í akstri bifreiða. Þótt sveiflur í verði á dieselolíu annarsvegar og bensíns hinsvegar á alþjóðlegum mörkuðum séu ekki nákvæmlega í takt, þá er grunnverðið á þessum tveimur olíuvörum ekki svo ólíkt að meðaltali að því fróðir menn segja manni. Það myndi því þýða að útsöluverð yrði áþekkt ef skattlagning pr. lítra væri sú sama. Hagræðið yrði því fyrst og fremst í betri orkunýtingu dieselvéla, en sá munur hefur reyndar farið hratt minnkandi hin síðari ár. Munurinn er samt það mikill, að t.d. þjóðverjar telja það þjóðhagslega hagkvæmara að hvetja til notkunar dieselvéla fremur en bensínvéla með lægri skattlagningu. Það kosti sem sagt færri lítra af dieselolíu að koma x þunga frá a til b en af bensíni. Viðhorfið er náttúrulega allt annað hjá ríkjum eins og Saudi-Arabíu og Noregi t.d. sem framleiða olíuna sjálf og því áhrifin á deficit önnur þar. Svo kemur einnig til að hlutfallið milli notkunar bíla annarsvegar og "annarrar notkunar" hinsvegar er svo gjörólíkt hér á landi í fámenninu eða í nokkru öðru landi. Ja, hérna.