This topic contains 28 replies, has 1 voice, and was last updated by 
-
Topic
-
sællir félagar
hvað eru menn að blanda mikið af steinolíu út í díselinn.
20 eða 30% eða kanski meira
hvað segið þið hvernig er best að gera þetta.
ég er með gamla GMC 6,2 túrbó lausaskari (semþorirekkiúturskurnummeðbílnvegnaolíuverðs)
-
Replies
-
Í gamla daga setti maður þetta 20-30% útí, og svo svona 1% af tvígengisolíu.
Í dag er þetta alger óþarfi þar sem við erum loksins farin að fá olíu sem hæfir veðráttu. Guð blessi vini okkar olíufélögin.Hversu mikið má blanda út frá sjónarmiði vélarinnar veit ég ekki. Kannski bara óþarfi að vera að blanda steinolíuna eitthvað..:)
Alls ekki blanda neitt út í olíuna fyrir nýjar vélar. Getur leitt til hárra bakreikninga…..kv
Rúnar.
ég veit um einn leigubílstjóra sem er með tvo nýlega bíla
og keyrir þá báða á 100% steinolíu þar af er annar 1. árs bens… Hver þorir að prufa ?
ég var búinn að heyra að legubílstjóra væru að keira á þessu en ekki á 100% steinolíu
MMC veistu hvernig krafurinn er að koma út hjá legubílstjóranum er þetta 20 til 30% mínkunn eða kannski meira.skari
Þessi leigubílstjóri vildi meina að krafturinn hefði ekkert minkað.. meira veit ég ekki.
Ég stórefa að einhver nýleg vél geti keyrt á 100% steinolíu. En svosem, þetta gæti kannske enst eitthvað.
Hvert er verðið á líter af steinolíu?
kkv, Úlfr
E-1851
minnir að það sé 86 kr þegar lituðdisel var á 87,4
ég þekki einn sem hefur keyrt doldið á 100% steinolíu. Þetta er Dodge Ram ca 2005 módel. Sagði enga sem litla breytingu hafa orðið á krafti né virkni á vélinni.
Hægt er að kaupa tunnu af steinolíu ætlaða til húshitunar beint frá olíufélögunum, minnir að það sé 10-20 kr ódýrari en á dælunni.
kv
Agnar
p.s. ég ætla ekkert að fullyrða um hvort þetta sé hollt fyrir vélina aftur á móti ….
veit að margir jeppar og leigubilstjorar eru að aka um a steinoliu þeir seja að bilanir hafa ekki breyts við það þeir hafa sett uti 10 litra af tvigengisoliu. svo veit eg að verðið a steinoliu a N 1 Artunshöfða er 76 kr literinn
það atti að vera 1 litri af tvigengisoliu
Krafturinn verður örlítið minni á steinolíu. Ég held að það skýrist mögulega af því að hún hafi örlítið lægri eðlismassa en dísel. Orkuinnihald per kg. er nánast það sama, líka fyrir bensín. Þess vegna eyða bensínvélar almennt aðeins meira en dísil, þ.e. þær eru nær því að vera í sömu eyðslu ef miðað er við kg, frekar en lítra.
OK, en aftur að efninu…
Mekanísk olíuverk skammta í rúmmáli, þannig að ef eðlismassinn er lægri, þá fara færri grömm af eldsneyti inn á vélina í hverjum skammti –> minna afl. Hins vegar minnka þær dísilvélar sem hafa verið stilltar á of mikið eldsneyti aðeins reykinn við þetta, og væntanlega hina skaðlegu hitamyndun sem er fylgifiskur örlætis á olíumagni….Ég er að tilraunast með að blanda 5-10% jurtaolíu við steinolíuna til að hlífa olíuverkinu. Tilraun í frysti sýndi fram á að vaxmyndun á sér ekki stað við -20°C á þess háttar blöndu þannig að frostþolið ætti að vera í lagi.
kv
GrímurPS.
Finnst ykkur ekki líka magnað að það er hægt að kaupa jurtaolíu í líters umbúðum í Bónus á lægra verði en dísil af dælu? (129 kr/líter)
Hvernig kemur út að keyra bensín vél á steinolíu þeas blanda hana við bensín. Eða jafnvel að drýgja bensínið með litaðri dísil
Sæll Óskar.
Ég prófaði steinolíuna þegar ég fór að vinna hjá ónefndu olíufélagi (’98-’99 og ’06). Starfsfélagarnir hvísluðu því að mér að það væri ekkert mál að keyra á 100% steinolíu á mínum ofur krúser með hinni rómuðu 2.4 dísel turbo.
Ég var samt ekki alveg að kaupa það svo ég gerði mér ferð (’98) í Bræðurna Ormsson, sem alla vega voru með umboð fyrir Boss olíuverk. Þar hitti ég ónefndan boss sérfræðing sem fræddi mig um það að á síðasta ári (’97) fengu þeir boss sérfræðing í heimsókn frá Þýskalandi sem fullyrti aðspurður að öll þesstíma olíuverk þyldu steinolíuna ekki síður en díselinn. Hann hafði þó séð einhverja gamla landróvera á götunum sem hann sagði að þyldu alls ekki steinolíu (af hverju fylgdi ekki sögunni).
Hann mælti þó með því að hella einum lítra af smurolíu (nb. ekki tvígengisolíu) til þess að minnka glamrið í vélinni.
Ég varð himinlifandi við þessar fréttir og fór að ráðleggingum þessa sérfræðings. Ég verð þó að segja að ég heyrði ekki nokkurn mun á vélarhljóðinu hvort ég blandaði smurolíunni útí eða ekki svo ég hætti því fljótlega.
Krúserinn var keyrður 300.000 km þegar ég fór að nota steinolíuna (nb. óblandaða) og notaði ég hann þannig næstu þrjú árin samtals 40.000 km. Eftir það fékk hann einn og einn díseltank.
Mín reynsla af steinolíunni er sú að hann missti c.a. 5-10% kraft (sem hann mátti alls ekki við blessaður) og stein hætti að reykja þó að maður stæði hann í rauða botni, sem kom ansi oft fyrir (ekki það að það væri svo sem mikið að gerast).
Þrátt fyrir þessa reynslu mína ætla ég ekkert að fullyrða hvernig aðrar vélar bregðast við steinolíunni en ég fiktaði aldrei í olíuverkinu til að endurheimta orkutapið.
Ég skal samt éta hattinn þinn ef þessi frekar slappi 6.2 ltr. mótor þinn þolir ekki 100% steinolíu. Alla vega myndi ég ekki hika við að nota hana óþynnta en í þínu tilviki mundi ég alvarlega spá í að tjúna rækilega upp í olíuverkinu:)
Kveðja
Einar Sturlu
Myndi skjóta á að það færi afar illa með bæði kertin og spíssana. Það er amk það sem ég hef heyrt að sé vandamál þegar fólk slysast til að henda olíu á bensínháka. 😛
Heyrði nú samt eina sögu af bronco sem var kominn með það háa þjöppu að hann gekk á dísel einu saman, fór samt ekkert of vel með mótorinn skyldist mér.
kkv, Úlfr
Ég held að það hafi verið tvær tegundir af olíuverki, fyrir herinn og fyrir almenning. Innvolsið í herdverkinu á víst að vera gert til að þola steinolíu og allskonar gums en hitt bara diesel.
Annars er fínt að kíkja á þessar síður ef mann vanta að vita eitthvað um GM dieselvélar:
[url=http://www.dieselplace.com/forum/index.php:1x2hoqis][b:1x2hoqis]dieselplace.com[/b:1x2hoqis][/url:1x2hoqis]
[url=http://www.thedieselpageforums.com/tdpforum/:1x2hoqis][b:1x2hoqis]thedieselpage.com[/b:1x2hoqis][/url:1x2hoqis][url=http://www.gm-diesel.com:1x2hoqis][b:1x2hoqis]gm-diesel.com[/b:1x2hoqis][/url:1x2hoqis]
Það er nú það.
Málið með steinolíu á bensínvél er akkúrat þjöppumál, en algerlega öfugt við það sem maður myndi halda. Steinolía hefur MINNA þjappþol heldur en bensín, og þar af leiðandi þarf bensínvél að hafa mjög lágt þjapphlutfall til að fara ekki að forsprengja undir álagi, einna helst á lágsnúningi.
Á einhverju bensínkrepputímabili vegna verkfalls, fyrir mína tíð, var fiktað við steinolíunotkun á bensínvélar. Til að fá þetta til að ganga vandræðalítið þurfti víst að seinka kveikju svo að þetta slyppi…Ef ég man rétt er blossamark bæði steinolíu og dísil lægra en á bensíni. Alveg ferlega pirrandi vísindi. Það er líka ansi erfitt að ímynda sér afhverju ,,rich mixture" hlífir bensínvél, á meðan hið gagnstæða gildir um dísilinn. Kannski hefur þetta eitthvað að gera með blossamarkið. Ég hef allavega ekki fengið neinn almennilegan botn í þetta, svona fræðilega séð.
Vonandi stendur það einhvern tímann til bóta
kv
Grímsi
Bensín.
Ég myndi ekki drýgja bensín með diesel. Þú átt það alltaf á hættu að það nái ekki að brenna við brunan, lekur það þá niður með stimpilhringjum og niður í olíupönnu. Þá verður smurolían hellst til þunn og smyr illa.
Diesel.
Þetta með steinolíuna er mjög áhugavert. Ég ætla mér virkilega að gera tilraunir með þetta. En hafa menn samt ekkert verið að fara í hina áttina.
Þeas þykkari eldsneyti. Flotaolíu, marine-diesel o.þ.h.
Sjálfsagt einhverjir vankanntar með parafina, en mætti alveg skoðast.
Jafnvel flotaolía / steinolía í hlutfalli 70/30.Hvað segja spekingar um þetta?
Það er líklega alveg jafn ólöglegt að keyra á steinolíu eins og að keyra á litaðri diesel olíu. Í báðum tilvikum er verið að sleppa því að borga vegaskatta sem okkur bíleigendum ber skilda til að borga, en ég veit ekki hvort nokkur viðurlög eru við því að keyra á steinolíu. Eflaust er þá stutt í þau, ef þau eru ekki til.
Góðar stundir
Og ekki kemur það til með að hægja á yfirvaldinu að leggja á þetta gjöld og reglur um sektir ef menn eru að básúna þetta á opnum spjallvefum á netinu.
ég þekki mann í usa sem notar afgangs djúpsteikingar olíu á trukk sem hann er með pínu skrítin lykt annars virðist það virka ágætlega
ætli að það þurfi ekki meiri fyrirhöfn að gera þetta hérna hún er þykkari í kuldanum
Held að það sé landrover á Akureyri sem keyri á djúpsteikingarolíu.
Held að hann sé með tvo tanka og skipti yfir á disel áður en hann drepur á, gæti líka þurft að þinna feitina með disel á veturnar eða steinolíu
You must be logged in to reply to this topic.