This topic contains 9 replies, has 1 voice, and was last updated by 
-
Topic
-
Mér leikur hugur á að vita hvort þið vitið um tilraunir með að nota Sorpugas eða svipaðar gastegundir til að knýja díselfákana.
Mér finnst hugmyndin um að láta óbreytta díselvél draga inn á sig hæfilega sterka blöndu af eldfimu gasi og nota það sem orkugjafa á móti díselolíunni vera mjög spennandi.
Díselverkið hefur þá fyrst og fremst það hlutverk að kveikja í gasblöndunni, en ef gasið klárast þá er allt til taks að halda ferðinni áfram á díselolíunni einni saman.Því miður hef ég ekki fundið upplýsingar eða frásagnir af svona breytingar á dæmigerðum jeppavélum, aðaláherslan virðist vera á dráttarbíla og risatrukkana. Hafið þið séð eða lesið um einhverja sem hafa gert svona breytingar á litlum díselvélum með jákvæðum árangri ?
Ágúst
-
Replies
-
Ég sé ekki hvers vegna þetta ætti ekki að virka til þess að draga úr eldsneytiskostnaði. Þetta myndi draga eitthvað úr afli, yrði því ekki notað þegar þörf er á fullu afil, því vélin fær minna súrefni inn á sig.
Er nokku annað að gera en prófa, tengja kút inn á loftinntakið og tengja við inngjöfina þannig að lokað væri fyrir gasið í lausagangi og undir fullri inngjöf?
Ég sé ekki að þetta geti skemmt neitt, ef maður gefur of mikið gas þá kæmi bara svartur reykur, eins og þegar of mikið er skrúfa upp á olíuverkinu.
-Einar
Það væri örugglega spennandi að gera þessa tilraun. Láttu samt einhvern annan leggja bílinn sinn til og fylgstu með úr fjarlægð.
Hvert skyldi vera þjappþol blöndunnar sem í strokknum er? Nú myndast mikill hiti á þjappslaginu. Metan, eða Sorpugas, er nothæft í staðinn fyrir bensín. Af því leiðir að það hlýtur að vera næstum jafn eldfimt og bensín. Mundi það ekki bara byrja að brenna þegar stimpillinn væri kominn hálfa leið upp? Og afleiðingum af því þarf ekki að lýsa.
Ég held að spennan við þessa tilraun væri ekki fólgin í því að finna út vinnsluna í bílnum með búnaðinn tengdan heldur í því hvort, og þá hversu mikið, vélin brotnar þegar skrúfað væri frá gasinu.
Og þó. Kannski virkar þetta eins og própaninnspýting. En kannski ekki. Vogun vinnur, vogun tapar.
Kanin er mikið að gera þetta við stóru dísel pickupana.
Frekar einfalt system, en þú getur aldrei keyrt á 100% metani (compressed natural gas uppá ensku) fæstir fara yfir 70/30 hlutföll metan/dísel.
.
hérna er eitt svona kitt:
http://www.performancedieselinc.com/com … algas.html
.
En einsog alltaf með þetta metan dót þá er það helvítis kúturinn sem hleypir verðinu svo upp að sparnaðurinn sem slíkur fer fyrir lítið.
.
Svo á þetta nú að hjálpa í afl deildinni, þeas við að bæta smá metani við þá brennur dísillinn betur, svo bæta menn bara við túrbínuna ef það vantar eitthvað loft 😉
.
Ég var í sambandi við fyrirtæki úti í haust uppá svona kitt (http://www.delucafuelproducts.com/) og sagði kauði mér að komplett kit á I-6 mótor væri um $1500 fyrir utan kút þá.
.
Er einhver hérna heima sem getur smíðað kút fyrir 250 bar?.
afhverju ekki að láta bílinn framleiða metan eins og gundur er búin að framkvæma
Er hann þá að nota metan sem myndast af ferðaklósetti? hehe…
Ég sé ekki hvað í bílnum framleiðir metan, auk þess held ég að það geti engan veginn borgað sig að láta bílinn framleiða metan til að brenna á… Ef það kæmi útí +… Þá held ég að einhver hafi fundið upp eilífðarvélina…
.
Gallinn við Metan er helst kúturinn. En það hlítur nú að vera hægt að smíða kút sem þolir 250b, hef ekki mikla trú á öðru.
Kostnaðarsamt já, en vandinn er líka að um leið og fólk fer að brenna metani í einhverju magni þá hækka bara olíufélögin verðmiðann…
Við sáum nú eina fáránlegustu hækkun allra tíma þegar metanið hækkaði útaf því að þeir byggðu "svo flotta þjónustustöð" fyrir metanbílana…
.
Það væri samt gaman að smíða metanbíl. =)
kkv, Úlfr
Reyndar smíðuðu þeir víst gaslögn frá álfsnesi og í þessa metan stöð, enda sjáið þið ekki neina kúta lengur þarna fyrir utan. Peningarnir hafa væntanlega farið í þær framkvæmdir.
.
og finnst mér hart að væla þegar "líterinn" er á 85 kall 😛
.
En jú það er spurning hvað stóribróðir gerir líka ef þetta fer að verða vinsælt.
Á fimmtudag í síðustu viku var sérblaði um nýja orkugafa dreift með Morgunblaðinu. Í blaðinu segir m.a. frá tilraunum sem hafnar eru á dísilvélum, þar sem notast er við blöndu af 90% metani (eins og Sorpa framleiðir) á móti 10 prósentum af dísilolíu.
Verður ekki framtíðarlausnin að tengja slöngu við bílsætin og hafa meðferðis nægar birgðir af rúgbrauði og öðru orkuríku fæði.
Þegar erfiðar brekkur nálgast má kveikja á sætishiturum til að peppa aðeins gasframleiðsluna.Kv.
Wolf
Ég hef nú ekki fylgst með þessum málum undanfarin tvö ár eða svo, en tilfellið er það, að ég var meðlimur í lokaverkefnishóp hjá Tækniháskóla Íslands sem vann frumhönnun að þessari gaslögn og hagkvæmni hennar. Samkvæmt niðurstöðum okkar á þeim tíma var ekki nokkur spurning um að það borgaði sig að setja flutninginn í lögn til langs tíma. Síðan þá hafa margar forsendur breyst og hitt og þetta lagst til eins og hönnunarkostnaður, frávik frá upprunalegri hönnun o.s.frv. Þess vegna þykir mér ekkert skrýtið að verðið hafi hækkað. Þó að það komi auðvitað við budduna hjá hverjum og einum, þá skulum við líka hugsa til þess að hér er um umhverfisvænan orkugjafa að ræða(það er 20x betra að brenna þessu gasi en að sleppa því upp úr haugunum, enda er skylda að brenna gasinu) og þetta er jafnframt innlendur orkugjafi….ekki slæmt á þessum síðustu og verstu tímum.
Ég er ekkert frá því að ég bæti tilraun með þetta við það sem ég hef verið að bralla með Galloper-fjósið mitt
kv
Grímur
You must be logged in to reply to this topic.