This topic contains 20 replies, has 1 voice, and was last updated by 
-
Topic
-
Sælir félagar
Ég er í miðju kafi að breyta bílnum mínum og þar með talið að lengja á milli hjóla og smíða nýjan tank þar sem sá gamli passar ekki lengur í.
ég var búinn að skipta um vél og setja stærri dísel rokk í (60 krús) en notaði gömlu olíulagnirnar bara eftir sem áður. (2.4 dísel) sem mér sýnist vera c.a. 8 mm.
Nú ber svo við að eftir að ég lengdi á milli hjóla þá þurfti ég að nota bílinn aðeins, og þar sem enginn tankur var í bílnum þá setti ég brúsa framaná hann og skellti gúmmíslöngum þar ofaní og í olíuverkið.
Allt í einu er bíllinn töluvert kraftmeiri en áður! og það munar slatttta. þýðir þetta ekki bara að lagnirnar frá gamla tankinum séu alltof grannar?
spurningin mín er þessi: Skiptir máli þegar ég breikka þetta að ég fari bara í mikið breiðara? (ætla að breikka alveg úr botninum á tanki og alveg að vél)
ég var að spá í að leggja annaðhvort 12.5 (hálftommu) eða hreinlega 16 mm lagnir í þetta til að útiloka einhverja tregðu í þessu. Hvað eru menn að gera í svona málum? hafa einhverjir verið að breikka þessar lagnir hjá sér?
p.s. ef þetta virkar þá eru þetta ódýrustu hestöfl sem ég hef fundið allavega
-
Replies
-
Það er staðreynd að viðnám á soghlið getur haft mikil áhrif á þrýstinginn út frá dælu. Sama gildir um olíuverk, ég myndi samt skjóta á að lagnirnar hjá þér væru bara orðnar lélegar, það er að segja mikið um þrengingar í þeim útaf drullu, held þú þurfir ekki svona svakalegan sverleika að olíuverki. En það er kannske ekkert svo vitlaust að skella sverari lögnum, svona til öryggis. Það skaðar ekkert nema budduna allavegana. 😉
.
kkv, Úlfr
E-1851
Svo getur verið að returþrýstingur hafi áhrif líka, þ.e. hvort það er mótstaða á "slefinu" frá olíuverki. Mig minnir einhvern veginn að misþrýstingur innan olíuverksins, sem verður til fyrir tilstilli snúðdælu(fæðidælu) framarlega í verkinu, stjórni tímingu á innsprautuninni.
Svo getur verið að þetta sé hin mesta þvæla hjá mér, en það er ekki alveg víst.
Því miður hef ég ekki komið því í verk ennþá að kryfja svona Bosch-týpu-olíuverk í frumeindir, en það verður gert fyrir vísindin fyrr en seinna.
Já, ég ákvað að stökkva bara í þetta og keypti 13 mm. álrör í dag. ætla að leggja rör í og frá tanki og fram að vél. nota svo gamla 8-10 mm. rörið sem "slef" til baka í tankinn. svo bara sjáum við hvað skeður….
Anonymous- Umræður: 0
- Svör: 16404
Sæll, er ekki óráð að nota ál,er ekki betra að nota plaströr. Er það ekki betra upp á kulda að gera. Kv. Steindór.
hvað er að því að nota ál í þetta versus plast eða koparinn sem þetta er úr orginal? ég get ekki séð að það skipti neinu máli… ál kólnar ekkert meira í frosti en annað efni sem er úti í sama kulda
ekki eins og það sé hiti í tankinum eða eitthvað.tankurinn er úr áli..
eða hvað meinaru annars? geturðu útskýrt betur hvað þú átt við?
Ál þenst mun meira en stál við hitabreytingu. Slefið sem fer aftur í tank er heitt og hitar því olíuna í tanknum.
Þú mátt leggja eins stórar lagnir eins og þú vilt en þær sem eru fyrir hendi núna er feyki nógu sverar, 8mm í framrás og 6mm í bakrás. Ef það er rétt að kraftur aukist við að taka dísilinn út brúsum en ekki úr tanknum þá er aðeins tvennt sem kemur til, sían í tanknum er stífluð eða lögnin er klemmd saman einhverstaðar.
kv. vals
Takk fyrir góð svör en ég sé enn ekkert að því að nota ál, hvað er slæmt við það að það þenjist til og frá í hitabreytingum? skiptir það einhverju máli? nú verða gúmmíslöngur milli allra tengipunkta, s.s. frá röri í rörin á tankinum og frá álrörinu yfir í olíuverkið svo ekki skiptir neinu máli hvort þetta þenst til eða frá um einhverja millimetra.. eða sentimetra þessvegna.
svo eru flugvélar nú úr áli að mestu leiti og eru notaðar við aðstæður þar sem hitabreytingar eru ansi extreme… og ekki virðist það vera neitt vesen.
.
hvort sem það eru stíflaðar lagnir eða annað sem skýra þennan mun þá hlýt ég í það minnsta að græða á því að "tengja framhjá" þeim með öðrum rörum, og svo er það nú þekkt að flutningsgeta eykst í sverari lögn. annars væru menn varla að breikka púst t.d….. Í versta falli fer þetta betur með sog-dæluna í olíuverkinu, hún þarf þá aðeins að erfiða minna…ég allavega hef ekki hugmynd um hvað annað gæti valdið því að það er töluverður munur á bílnum eftir að ég tengdi olíuverkið til bráðabirgða í brúsa framaná bílnum.
.
ef menn hafa aðrar kenningar, endilega látið þær flakka hérna!
Er hann kannski sprækari sem nemur þyngdinni á fullum olíutanki?
-haffi
Ef ég væri þú, þá mundi ég sofa rólegur yfir þenslu álsins.
.
Þanstuðull álblöndu er: 0,000023
Ef bíllinn þinn er 10 metra langur, sem ég er nánast viss um að hann sé ekki (er þetta ekki LC70), og ef hitastigið úti er -100° og hitinin á olíunni er +100°, sem ég efast líka um að verði nokkurntíman, þá verður lengin þessi:
.
10m*(100°-(-100°))*0,000023=0,046m
eða 4,6cm.
.Þar sem þú leggur ekki rörið beint aftur í tank, heldur með ótal hlykkjum og einnig er þú ert með gúmmí slöngu sitthvoru megin á endanum, þá ætti þessi þennsla ekki að koma að sökum.
.
Kv. Atli E.
Settu bara rafmagns-fæðidælu annað hvort í tankinn eða á lögnina alveg upp við tankinn og þú færð pottþétt næga olíu fram að vél, mikið betri leið en að setja sverari lögn.
.
Freyr
Takk Atli Eggerts fyrir að koma með staðgóð og gild rök! það eru einmitt svona almennileg rök sem ég er að leita eftir.. var reyndar búinn að komast að því að þanstuðull áls myndi ekki skaða mig mikið
en Freyr, hvers vegna er betra að nota fæðidælu? hverju er ég bættari með það umfram að víkka aðeins lögnina? Nú er bíllinn minn t.d. gæddur þeim fágæta hæfileika að vélin er nánast óháð rafmagni, allt virkar þótt hann verði alveg steindauður rafmagnslega séð og þannig vil ég halda því áfram. Geturðu komið með betri rök heldur en "…mikið betri leið heldur en að setja sverari lögn" ??
kveðja,
lalli
það er mun betra að sedja rafmags dælu því dælan í olíuverkinu getur verið orðin slop og nær ekki að sjúa alminilega í gegnum síuna og 8mm lagnir er alveg nó.
Er þetta ekki bara eins og munurinn á að drekka kók úr venjulegu röri eða reyna að súpa það í gegnum 10 metra garðslöngu… það gefur augaleið að það er auðveldara að sjúga í gegnum það sem er styttra, sem í þessu tilfelli er brúsinn á framstuðaranum og stutt slanga inní húdd. Ef þú setur bara sverari lagnir frá tank og upp í olíuverk þá minnkar þrýstingurinn, þar sem dælan annar alltaf jafn miklu magni, sem gæti orsakað minna afl. Ef þú setur aðra dælu á lögnina þá hinsvegar eykurðu þrýstinginn á lögninni og þar af leiðandi olíumagnið sem fer að vélinni.
Hvað eru annars sverar lagnir í 60 cruiser?
Ef Bíllinn þinn er að eyða 50L. á klst. m.v. hámarks afltöku (sem gerir um 174kw eða tæp 250hp m.v. 30% nýtni vélarinnar) þá ætti um olíulögnina að vera að fara um 0,01388L á sekundu um rörið.
.
Ef rörið er 8mm að utanmáli, þá er ekki ólíklegt að það sé um 6mm að innanmáli.
Að sama skapi er 15mm rör kannski um 12mm að innanmáli.
.
Þá ætti hraðinn í 8mm rörinu að vera um 0,4912m/s
en í 15mm rörinu ekki nema 0,1228m/s.
(+ slef sem fer til kælingar)
.
0,01388dm’3/(((0,06dm’2)*pi)/4) = 4,912 dm/s eða 0,4912m/s
og
0,01388dm’3/(((0,12dm’2)*pi)/4) = 1,228 dm/s eða 0,1228m/s
.
Eins og sjá má, þá er þetta nokkur hraði og má því búast við nokkuð miklu viðnámi í rörunum þegar ísköld dísel-olía er að flaða um þau, jafn vel þó að við mundum deila þessu með 2, sem er ekki ólíkleg eyðsla á álagstíma.
.
Til hvers að hafa dælu til að dæla að dælu sem dælir að dælu, þ.a.s. ef það er hægt að sleppa við fyrstu dæluna?
eða
Til hvers að hafa (auka-fæði)dælu til að dæla að (fæði)dælu sem dælir að (eldsneytis)dælu, þ.a.s. ef það er hægt að sleppa við fyrstu (auka-fæði)dæluna?
.
Kv. Atli E.
p.s.
Spurning kannski að láta beygja annað "púströr" við hliðina á pústinu, fyrir olíuna, svona til öryggis?
Atli, ég fæ út að hraðinn í 8mm rörinu (6mm að innan) sé 49,12cm/s annar okkar er að fara kommuvillt einhversstaðar.
Annars, sammála.
hehe, rétt hjá þér Óli, gleymdi að breyta úr dm í m.
Búinn að laga…
Hvaða olíuverk er í þessum bíl?
Denso, eða hvað?Varðandi kraftleysið er auðvitað möguleiki að það hafi verið tregða í lögnum, þær klemmdar, eða eitthvað í tanknum. Stífluð sía ef hún er til staðar. (yfirleitt ekki til staðar í diesel bílum original)
Eða að fæðidælan í verkinu sé orðin slöpp. Það gæti munað hana einhverju að þurfa ekki að draga olíuna gegnum lagnirnar og lyfta henni upp úr tanknum. Fá hana í staðinn sjálfrennandi af brúsa sem er ofan á stuðaranum. Ég hef lent í traktor sem var örlítið slappur, koðnaði stundum niður undir fullu álagi, en virkaði annars eðlilega. Það reyndist vera fastur kólfur í fæðudælunni í honum sem var meinið og dælan var alveg óvirk fyrir bragðið. Hann gekk af því að tankurinn var fyrir ofan mótorinn. Smuga..
þetta er bara orginal 60 krúser olíuverkið. veit svosem ekkert meira um það.
en ágætis hugmynd að skoða fæðidæluna, hún gæti verið orðin þreytt. það eru til aðferðir til þess að mæla það..
Sæll Lalli, sjálfsagt að koma með rökin (sjálfur tek ég ekki oft mark á svörum hérna nema þau séu rökstudd…..) Ég er sammála því að það er auðveldara að sjúga upp vökva með 13mm röri en 8 mm, en hvað ef það er smá þrýstingur sem myndar rennsli upp í mann? Það er enn auðveldara og þá fer málið að snúast um hversu hratt þú kemur vökvanum niður en ekki hversu erfitt/auðvelt er að sjúga hann upp.
.
Önnur rök eru þau að vinur minn setti dælu á lögnina frá tank að verki í L200 og það fannst greinilega munur. Eitthvað voru tengingarnar óvandaðar því rafmagnið var tekið beint út úr ljósunum (man ekki hvort það var frá háa eða lága geislanum) og það fannst greinilega aflmunur þegar maður fiktaði í ljósarofanum.
.
Hvað varðar rafmagn og áreiðanleika; það versta sem myndi gerast er að dælan hættir að dæla og þú missir auka prósentin…. Ef þú vilt vera tryggður fyrir því að dælan myndi ekki tregðu þegar/ef hún klikkar er hægt að vera með framhjáhlaup framhjá henni með einstefnuloka.
.
Freyr
Tæknilega séð, ætti auka dæla fyrir aftan olíuverk ekki endilega að gera nokkurn skapaðan hlut, nema verkið sé svelt af olíu fyrir, en þá ætti ekki vottur af slefi að fara aftur í tank.
Það er framhjáhlaupsventill á olíuverkinu sem hleypir óþarfa olíumagni framhjá sér.
Ég persónulega er ekki alveg að átta mig á afhverju auka þrýstingur á fæðilögn ætti að hafa áhrif á olíuverkið, því þrýstingurinn er hvort eð er reglaður, og þar að auki er einhver 200 Bar þrýstingur ef mig misminnir ekki, frá olíuverki að spíssum.
.
Er ekki málið Lalli bara, að það er svo langt síðan tankurinn var í bílnum að þú ert farinn að gleyma hvernig þetta var!? 😛
.
kkv, Úlfr.
You must be logged in to reply to this topic.