Dísel gjald. Osvífin hækkun.

Það getur verið gott að reyna að sjá fyrir sér heildarmyndina. Sumir koma eflaust ekki svo illa út úr þessum breytingum, um það verður ekki deilt. T.d ég. Já, ég á nefnilega gamla fimmu með benzínvél sem ég nota til fjallaferða og í annan leikaraskap, hann eyðir u.þ.b 27 lítrum af benzíni á hundraðið í harða notkun, stundum aðeins minna ef ég ek langkeyrslu og er ekki þungstígur. Nú verður það þannig þegar breytingin er komin í gegn, að það verður praktískara að snatta innanbæjar á þessum tæplega þrítuga benzínhák heldur en á Fordinum, sem er með allskonar tölvum og sparbúnaði, er reyndar stærri og þyngri. Sjá menn nú heildarmyndina? Nei, alveg ábyggilega ekki. Það kemur einhver spekingur og reiknar sig út á tún, vitið þið til.
Þetta snýst um það, að vöruverð í þessu landi hækkar, það verður dýrara fyrir marga (ekki alla, takið eftir því) að skreppa á fjöll og spóka sig. Olíufélögin munu hækka olíuverð enn frekar þegar þetta er komið í gegn. Af hverju segi ég það? Vegna þess að þeir segja það kosta sig meiri peninga að dreifa olíunni í tvennu lagi. Og hver borgar það?
Þú, alveg sama hvort þú ert með eða á móti breytingum á olíugjaldi.

Og ég skal sko koma og flauta allt í spað þarna í borg óttans, nú vantar bara einhverja færa menn til þess að skipuleggja það þannig að það verði sannfærandi og virki.

Flauuuuuuuuuuuuuuuuuuuuuuuuuuuuuuuuuut
Drekinn

Sælir!

Ég er alfarið á móti þessum hugmyndum um að leggja þungaskattinn í olíulíterinn. Flutningur á vöru út á landsbyggðina á eftir að verða dýrari og sá kostnaður á eftir að leggjast fyrst og fremst á sérvöru.

En að öðru leyti er þetta nýja kerfi einstaklingsbundið hvort það hækki eða lækki aksturskostnaðurinn miðað við stærð ökutækja, akstri o.s.frv. Með þessu nýja kerfi eru menn hvattir til að eiga litla, nýlega díselbíla í staðin fyrir stærri bensínbíla. En hvernig bregðast olíufélögin við nýjum áformum.

Floti landsmanna verður kominn á díesel Polo bíla og bensín verur minna notað þá hlýtur verðið á því að hækka vegna óhagkvæmra flutninga. Verða menn þá ekki himinlifandi yfir nýja systeminu og jafvel þeir allra þrjóskustu fá sér diesel fólksbíl.

Nú vitum við að það er ekki til samkeppni á eldsneytismarkaðinum á Islandi. Meira að segja sameinuðust olæiufélögin um að hjálpa samkeppnisstofnun að vinna í málinu.

Hvernig bregðast þessi fyrirtæki við aukinni eftirspurn á Dieselolíu???? Þarna verður okrað..

Kv Isan

Þessi Fíb síða aðeins einhliða umfjöllun og tekur ekki tillits til neins nema lítilla díselfólksbíla.
og þar komum við að punktinum við erum ekkert að tala um þá hér,við erum að tala um DÍSELJEPPA.
Djöfull geta menn verið tregir hér,
hættiði bara 4×4 og gangið í fíb ef það er ykkar hjatansmál að fá þetta gjald í gegn.

þeytum lúðra

Ekki fæ ég krónu til baka af olíu sem fer á rúturnar, því þessi endurgreiðsla á bara við um sérleyfisbíla,(reyndar verða öll sérleyfi lögð niður 2005 og allur ríkisstyrktur sérleyfisakstur boðin út) en ekki hópferðabíla. Þetta er reyndar allt tómt bull og ekki nokkur leið að hægt sé að vinna eftir þeim tillögum sem koma fram í þessu frumvarpi. Þetta mun hækka þungaskatt á hópferðabíla töluvert, en verst verða jeppar sem stunda touristaakstur úti í þessu skattabulli.

Ég tek undir með Dóra (Glanna) að það skiptir varla öllu hvort Toyotan eyði 6 lítrum á hundraðið, í staðin fyrir 7.

Hlynur

Það er fullt af vel ritfæru fólki sem hefur tjáð sig um olíugjaldið á þessari síðu. En það nær ekki til eyrna þeirra sem verma stólana við Austurvöll og vilja eingöngusjá skattpeningana streyma í ríkiskassann.

Verið óhrædd við að láta þá sem eiga eð vera að vinna í umboði okkar heyra í ykkur sendið póst á þingmennina eða það sem er enn betra hringið og látið skoðun ykkar í ljós.

Mótmæla kveðja
Óli Hall.

Hringdi í ráðuneytið og þar var sagt að þetta myndi pottþétt ganga í gegn um áramótin.. Helvítis vandamál

Kv,
Jón Þór

Öll rök er varða umhverfi og þjóðhaginn eru góð og gild en eru ekki meginatriðið.
Í sjónvarpsfréttum fyrir nokkra var rætt við Geir Haarde fjármálaráðherra um málið. Þar talar hann um, í grófum dráttum, að þessar breytingar efli þjóðhaginn þarsem díselbílar eyði minna eldsneyti. Það er rétt.
Um tímasetninguna segir hann að þetta hafi staðið til lengi en að hagsmunasamtök hafi staðið í veginum.

Ég leyfi mér að álykta sem svo að barist hafi verið fyrir hagsmunum olíufélaginna eða samtök tengd þeim sem hafa atvinnu af akstri. Einnig er mögulegt að landsbyggðarfólk hafi látið sér málið varða. Þó ríða tvö síðast nefndu samtökin ekki feitum hesti gangi þetta í gegn. Vöruverð á landsbyggðinni hækkar vegna þess að atvinnubílstjórar sleppa ekki við fastan skatt.
Nei það eru olíufélögin sem hafa haft einhver tök á þessu máli. Bera fyrir sig að þessar breytingar feli í sér mikin kostnað o.s.frv. Kommon! Það að þeir munu selja minna eldsneyti skiptir meira máli en breytingarnar.

En af hverju er búið að ná lendingu um málið akkurat núna?
Getur verið að menn hafi náð sáttum einfaldlega með réttri útfærslu á díselgjaldinu? Að líterinn af dísel kosti bara litlu minna en bensínið…

Í öðrum siðmenntuðum ríkum kostar líterinn af dísel það minna en bensínið að það virkilega hvetur fólk til að aka dísel. Ekki 5-10kr. minna einsog nú er lagt upp með.

Ég held að flestir séu fylgjandi díselgjaldinu sé líterinn á sanngjörnu verði.

Þeir sem eru í forsvari fyrir samtökum sem látta sér málið varða, einsog þessu ágæta félagi, ættu að hringja sig saman og skipuleggja mótmæli. Það verður gerast þannig. Tölvupóstur sem gengur á milli myndi smala saman góðum hóp af fólki.

Mótmælum!

-Hannes Bergmann.

Hannes veltir fyrir sér hvers vegna þetta gekk í gegn núna, þó þetta hafi verið á dagskrá í 10 ár eða meir.

Ég er sammála þeirri kenningu að það hafa verið olíufélögin sem hafa staðið í veginum hingað til.
En mér finnst augljóst að það sem er að gerast núna er að ríkið hefur hreðjatak á olíufélögunum vegna samkeppnisrannsóknarinnar, og nýta sér það til að ýta þessu í gegn núna ?

Það er mín tilfinning að langflestir sem ég hef talað við eru á móti þessu gjaldi.
það er komin hræðslutónn í þá FIB menn og eru þeir að básúna í blöðum og útvarpi nánast daglega,núna í dag í mogganum.
Einu rökin sem þeir eru með er eitthvað sem þeir kalla sanngirnissjónarmið og jú þeir sjá líka í hyllingum litla díselfólksbíla.
það er aftur á móti rök sem ég held að fólk kaupi almennt ekki.

kveðja

TR

hvernig væri að stjórn 4×4 tæki upp viðræður við eða með FIB, hér á okkar vegum eru mjög margir svo mjög málefnalegir og hafa lagt fram mjög góð rök á þessar vogaskálar og á ég þá við í allar áttir, ekki bara í eina átt…þetta er mikið hagsmunamál fyrir marga og því vert að sem flestir sem hagsmuni eiga að gæta komi að þessu…
kv
Jon