Diff Lock í Patrol

Ef þú ert með 3.0 þá er rofinn í hásingunni ónýtur. Prófaðu að skrúfa hann úr og athuga hvort ljósið sloknar ef þú hreyfir hann.

Sæll Kalli,

læsingunni að aftan er stýrt með vacum.

1. Byrjaðu á að aftengja slöngurnar tvær sem liggja inn á drifkúluna. Ef það er loftsog í annari þeirra þegar vélin er í gangi og í hinni þegar þú setur læsinguna á þá eru lagningar að læsingunni í lagi. Eitt lítið gat á öðru rörinu getur valdið því að undirþrýstingur er ekki nægur og læsingin fer á.

2. Athugaðu vacumrofann sem er í hvalbaknum bílstjóra megin. Rofinn er auðþekkjanlegur því að honum liggur slanga sem kvíslast í tvær grennri slöngur rétt áður en þær fara inn á rofann. Í rofanum eru tveir loftventlar (vacum). Aftengdu slöngurnar (aðra í einu) sem fara frá rofanum og tengdu inn á slönguna sem liggur inn á rofann. Ef rofinn er bilaður ætti ljósið að fara. Þú gætir þurft að keyra bílinn RÓLEGA fram og aftur 10/20 metra til að losa driflæsingunna. Ég man ekki hvort það er efri eða neðri slangan sem setur læsinguna á eða af svo þú prófar þig áfram.

3. Ef læsingin er enn á þá þarf að athuga membrurofann í drifinu.

Gangi þér vel.

oskarg

Þá getur verið að sambærilegir lokar séu til í Landvélum eða Barka. Það borgar sig örugglega að gera verðsamanburð á þeim og orginal lokanum sem fæst í IH.

Þetta vacum system er hálfgert leiðinda system, næstum jafn leiðinlegt og viðkvæmt og rafmagnsdótið í Toyota….

kv.
Rúnar.