diesel velar

3L Toyota.

Vissulega á oft við í jeppabreytingum að því stærra því betra en að vera með bíl kringum 2 tonn og setja í hann einhverja svakalega dísel sleggju væri synd. Auðvitað yrði hann skemmtilegur í akstri en það þarf líka að horfa á kílóin.

Freyr

Svo má bjóða þessum 3B mótorum alveg slatta af túrbó, olíukældir stimplar og hvaðeina.

Já ég get ekki verið annað en sammála seinasta ræðumanni. Mér finnst það gjörsamlega fyrir neðan allar hellur að menn skuli láta sér detta slíkan verknað í hug; að menga léttan og skemmtilegan jeppa með níðþungri rellu úr einhverri guðsvolaðri skurðgröfu eða einhverri álíka vinnuvél.
Ég játa það samt sem áður að ég er nú svosum ekki með öflugasta mótor veraldar, en hann skilar þessum bíl svona nokkuð skítsæmilega áfram. En alls ekki meira en það. Þessi mótor er einhver 120 hestöfl svona hérumbil, og 300 NM, og það á skuggalega lágum snúning, hann vinnur því ekki ósvipað og díselmótor með turbo og intercooler sem er búið að skrúfa vel uppí. Er það ekki annars þessi lágsnúningsvinnsla sem grútarkallarnir dásama svona í tíma og ótíma? Ég verð nú bara að segja það, að mér hundleiðist þetta bölvaða tog, þar sem það eru svo gott sem engin hestöfl líka. Jújú það má svosum finna einhverja kosti á öllu. En eini kosturinn sem ég sé við þetta blessaða tog er sá að ég get sleppt því að skipta um gír stöku sinnum. En er það ekki annars það sem sjálfskiptingar eru hugsaðar fyrir?
Ég get svo svarið það, að þessi bill minn hann gjörsamlega hatar brekkur. Hann einhvern veginn fæst ekki til að drullast upp minnstu brekku. Hvers vegna? Jú það sem vantar eru HESTÖFLIN. Það er bara enginn sannur Willys eða Wrangler án hestafla, og ef hestöflin eru ekki til staðar, þá er það bara vandamál og vandamál eru jú til þess að leysa. Og ég er með eitt svona vandamál út í skúr hjá mér, hestaflalausan Wrangler. Og þar sem ég treysti ekki orginal drifbúnaðinum fyrir alvöru afli þá ákvað ég að byrja á þeim endanum að skipta því öllu út fyrst áður en ég fer að hola öllum hrossunum úr Skagafirðinum þarna niður í húddið.
Öðru vísi verð ég bara aldrei sáttur með þennan bíl. Ég er búinn að fá mig alveg fullsaddan á því að leggjast í þunglyndiskast í hvert skipti sem ég sé brekku framundan. Ég vil hafa minn jeppa í kringum 1600 kíló, með fjárann allan af hestöflum, og að sjálfsögðu sjálfskiptan. Og það mun koma að því, fyrr mun ég ekki sætta mig við það að fá fljúgandi gítara í hnakkann í öllum djöfuls hossingnum í þessu stutta kvikindi, og allt þetta skrambans vindgnauð og rigninguna sem því fylgir.
Þess vegna bara get ég ekki skilið hvers vegna menn langar að smíða 2 tonna bíl, sem heldur ekki veðri, fer ekki vel með mann, og er ekki einu sinni sprækur! Sér í lagi þegar dísellítrinn kostar meira en bensínlíterinn, og það er alls ekki víst að maður muni nota minna eldsneyti þar sem díselrellan er nú þyngri svo maður tali nú ekki um hvað fyrirtækið að útvega hana og hola henni niður kostar. En það er svosum bara mín skoðun, mönnum er auðvitað frjálst að vera ósammála mér eins og mér er frjálst að vera ósammála öðrum. Þannig er það nú bara og ég vona að enginn hafi fengið fyrir hjartað sökum þessara skrifa.

kv. Kiddi

Leyfiði greyið manninum að gera það sem hann vill hann var og er bara að afla sér upplýsinga.

Kv Hjalti á lowprofile toyýta

Jimundur minn, maður fer bara að verða hræddur að tala um dísel mótora hérna :S

ekki willys og lágadrif það bara passar ekki!!!
Bensínkveðja jeepcj7

eg á til sölu spræka sparneytna og togmikla 318cu.tbi dodge vel með rafkerfi og tölvu fyrir lítið fé 😉

Eg trui þvi ekki ad madurimm ætli ad setja diselvel i wilisinsynn hann særir stolt wrangler eiganda ein
stoltur wrangler eigandi.
Kv Maggi Willis

Líst mjög vel á þetta hjá þér. Gerði þetta sjálfur við gamla cj7 willys sem ég ferðaðist mikið á og eftir að ég var búinn að prufa 3 stk vélar og algjörlega búinn að gefast upp á bensín eyðslu fékk ég þessa snilldar hugmynd. Keypti ég mér 2,8 Nissan Larel mótor sem var ekinn um 500 þus og setti Túrbínu úr einhverjum Ford traktor frá álverinu og viti menn willisinn sprautaðist svo ótrúlega áfram með þessu og var helmingi ef ekki meira ódýrari í rekstri. Svo var ég kominn með Treiter kassa, 20 millikassa, scout hásingar með 5:38 hlutföll, 38" Dekk, hann vann allavega það vel að maður var oft að brjóta eitthvað. Eitt skiptið uppí Setri kringum 1992 þá brotnaði í einni brekku afturdrifið, báðir fram öxlarnir við krossana og snerist uppá öxulinn útur millikassanum, já þetta gat þessi haugkeyrði grútarbrennari. Má bæta við að einn góður ferðafélagi minn sem var líka á willys varð svo hrifinn að hann setti 5,7 Disel í sinn, sem voru nú reyndar hálfgerðir gallagripir hvað varðar með hedd. já síðan hefur ekkert annað komið til mála en Dísel í ferða bílinn:o)