Diesel íblöndunarefni

Samkvæmt upplýsingum frá Olíufélögunum á þessi ólía sem seld er á veturnar að þola -21°, ef frostið er meira þá er ágætt að bæta aðeins steinolíu við ca. 2-4 líta í 100 lítra. Ég gerði þetta í nokkur ár hér áður fyrr en bætti engu öðru við, ég gat ekki séð að spíssarnir biðu skaða af því.

kv. vals.

Ég hafði samband við starfsmann Atlatnsolíu og leitaði eftir svörum við gæðum olíunar hvað varðar frostþol. Það stóð ekki svörum og eftir að hafa rætt þetta í símann sendi viðkomandi mér ?Product Specification? frá Statoil. Þetta eru niðurstöður úr sýnatöku úr farminum sem þeir sendu til Íslands. Það er, í meigin dráttum, um tvær tegundir af diselolíu að ræða sem þeir senda til Íslands en það er sumar olía og svo vetrar olía.

Það sem skiptir okkur aðalmáli eru tveir þættir sem eru:

Cold Filter Plugging Point = þ.e. við hvaða °C fer sýjan að stíflast
Cloud Point = Við hvaða °C hættir uppgufun olíunar

Sumarolía hefur:

Cold Filter Plugging Point = -16 °C
Cloud Point = -7 °C

Vetrarolía hefur:

Cold Filter Plugging Point = -24 °C
Cloud Point = -15 °C

Ef olían á skúrinn er sumarolía er eðlilegt að bæta í hana Steinolíu en fyrir okkur sem eru að ferðast á veturnar og notum vetrarolíuna er ekki mikil þörf fyrir
steinolíublöndun nema hitastígið fari verulega niður fyrir -20°C þá er gott að hafa fáeina lítra af steinolíu á skottinu en 80/20 hlutfall er allt of mikið.

Vona að þetta komi að einhverjum notum.

kv. vals.

Grein frá Svein Valtý Sveinssyni sem var í Setrinu í nóvember 2002 birt orðrétt:
————————————————-
Skeljungur hefur um þessar mundir tvenns konar diesel olíu, sumar og vetrar olíu. Á haustin byrjar innflutningur á vetrardiesel sem kallast 15/24. Þessa tölur segja okkur að móðumark olíunnar er -15 °C og að stíflumark olíunar er -24 °C. Það fer svo eftir útfærslu eldsneytiskerfisins hve frostþolið er mikið, það getur verið frá -20 °C til -25 °C, og jafnvel meira. Það sem skiptir máli í þessu er t.d. staðsetning hráolíusíu og hvort hún er upphituð ofl. En til þess að olían þoli þennan kulda þarf að vera búið að eyða öllum raka úr eldsneytistankinum með rakaeyði. Það er gert með því að blanda efni sem heitir "Diesel kondensfjerner" í hlutföllunum 0,2 ltr á móti 50 ltr af eldsneyti. Bestur árangur næst ef þetta er gert í yfir 0°C hita og tekur það 2-3 áfyllingar að eyða rakanum. Í framhaldi af þessu er nauðsynlegt að nota rakaeyðinn að staðaldri yfir vetrarmánuðina og einnig er gott að gera þetta öðru hverju á öðrum árstímum til að fyrirbyggja rakamyndun. Diesel kondensfjerner fæst á öllum Shell stöðvum. Einnig er hægt að blanda steinolíu í dieselinn og er formúlan sú að við hver 10% af steinolíu eykst frostþolið um 2 °C. Ekki er mælt með því að hlutfallið fari yfir 40% af steinolíu. Mælt er með því að blanda tvígengisolíu út í dieselinn þegar steinolía er notuð, til að hlífa eldsneytisverkinu. Blöndunarhlutfall steinolíu og dieselolíu:
Steinolía í %__Tvígengisolía í %__ Ca frostþol í °C
20%_________0,25%__________ -20 til -27 °C
30%_________0,25%__________ -22 til -29 °C
40%_________0,5%___________ -24 til -31 °C
50%_________0,75%__________ -26 til -33 °C
Bensín hins vegar hefur frostþol allt niður í -50 til -60 °C. En til þess að bensínið haldi sínu frostþoli þarf, alveg eins og með dieselinn, að hreinsa allan raka úr tankinum. Þetta er gert með Ísvara sem fæst einnig á öllum Shell stöðvum.
Frá Skeljungi,
Sveinn Valtýr Sveinsson
—————————————————-