Diesel í kulda ?

Sælir
Í dag er Skeljungur með tvennskonar diesel olíu, sumar og vetrar týpu. Nú er vetrarolían komin á tankana hjá þeim kallast sú olía 18-24 sem þýðir að hún þolir 20° C að lágmarki og yfirleitt eitthvað meira. En til þess að olían þoli þennan kulda þarf að vera búið að eyða öllum raka úr eldsneytistanknum með rakaeyði. Það er gert með því að blanda efni sem heitir Diesel kondensfjerner í hlutföllunum 0,2 ltr á móti 50 ltr af eldsneyti. Þetta þarf að gerast í hitastigi yfir 0°C og tekur þetta 2-3 tanka að virka. Í framhaldi af þessu er nauðsynlegt að nota rakaeyðinn að staðaldri yfir vetrarmánuðina og einnig er gott að gera þetta öðru hverju til að fyrirbyggja rakamyndun. Einnig er hægt að blanda steinolíu í dieselinn og er formúlan sú að við hver 10% af steinolíu hækkar frostþolið um 2°C. Að hámarki má nota 30% af steinolíu. Mælt er með því að blanda tvígengisolíu út í eldsneytið þegar að steinolía er notuð, til að hlífa eldsneytisverkinu.
Diesel kondensfjerner fæst á bensínstöðvum Skeljungs.
Kveðja
Svenni

hversu mikið á þá að setja af tvígengisolíu með steinolíunni?

Hérna í gamla daga trúði ég því statt og stöðugt eins og kannski fleiri að ekki mætti setja dropa af bensíni á dieselinn. En reyndin er nú sú að vítt og breitt amk. suður í evrópu blanda menn bensíni út í dieselolíuna til að vaxið í olíunni stífli ekki síur. Minnir mig að ég hafi heyrt um allt að 30% bensín. Skv. þessu ættu menn ekki að vera smeikir um að bjarga sér með bensíníblöndun í frostum.
Ég held að það sé alltaf hollt, en sérlega með steinolíu- eða bensíníblöndun, að lauma svona kvart til hálfum lítra af outboard tvígengisolíu í tankinn, held að hún brenni einna hreinast.
Svo eru eða voru amk. líka til sérleg efni á bensínstöðvum til að hindra vaxmyndun í olíunni í kuldum.
Annars fæst nú bara fæst eitt tengt bílum á bensínstöðvum núorðið!!!

Svo legg ég til að það hætti að rigna,

Ingi