This topic contains 5 replies, has 1 voice, and was last updated by 
-
Topic
-
Jæja nú er svoleiðis komið fyrir mér skólapiltinum að ég er í svokölluðum próflestri. Og eins og sumir þekkja þá vill blessað heilabúið fara á flug um hinar ýmsustu víðlendur sem einhverra hluta vegna tengjast námsefninu hreint ekki neitt. Og einhvern veginn fór ég í hættulega djúpar pælingar varðandi hvernig ég ætti nú að fara að því, að koma dempurunum fyrir undir jeppakrílinu. Og mér datt í hug, að ef ég léti þá halla inn að miðju frá hásingunni þá gæti hann orðið minna svagur í beygjum, án þess að takmarka skælingu, sem meir að segja yrði meiri þar sem demparinn þarf ekki að hreyfast eins mikið þegar hann er á ská. Og bíllinn yrði sennilega mýkri í venjulegum akstri, sem ekki veitir af þar sem ég verð með Rancho 5000 pyntingartól sem dempara (voru ódýrir…fæ mér einhverja mýkri kannski seinna)
Fyrir þá sem ekki skilja hvað ég er að fara er þetta pælingin
svo fann ég þetta
Og nú þætti ég vænt um, að mér fróðari menn kæmu með sín álit á þessu og segðu mér annaðhvort að þetta sé algjört bull og ég eigi að snúa mér aftur að lærdómnum… eða þá eitthvað annað
kv. Kiddi
-
Replies
-
Sæll.
Ég er kanski ekki sá fróðasti um að hvað er best í þessum málum. En þetta er svona í mínum bíl að aftan og hann er gríðarlega svagur í beygjum sem er ekki gott, og tel ég að ástæðan fyrir því sé sú að boddýið nær nánast að velta um þennan mið pungt og það er ekkert sem heldur við nema stífleiki gorma/púða.
Út af afstöðu demparanna þá eru þeir fínir í jafnri fjöðrun en þegar hann misfjaðrar þá verður svo lítil færsla á dempurunum að þeir virka mun minna.
Ég ætla mér samt að byrja á að setja balans stöng/ stangir í hann og sjá hvernig það verður, því fjöðrunin er nokkuð góð að öðru leiti, mjúk og frekar slaglöng(ca28cm í heild milli minsta og lengsta bil milli grindar og hásingar) er það að ég held vegna þess að dempararnir eru nánast ekki að hefta fjöðrunina neitt.
Ég er með stillanlega Koni demparaKveðja Þórður
ps. Ég vona að þetta meiki einhvern sens hjá mér:)
Þetta minkar veltidempunina. Veltidempun vantar í alla jeppa. Ég myndi ekki setja stífari ballanstöng til að reyna að laga þetta Stífari ballanstöng minkar líka veltidempun en geri bílinn kannski skárri í hægum akstri en barra verri og jafnvel stór hættulegan þegar þarf að sveigja snöggt frá óvæntum hindrunum.
Þýðir það þá að hann yrði svagari eftir allt?
Já hann verður svagari
en samt ekki þannig að hann halist meira undan stöðugum vindi, heldur gæti hann farið að vagga þegar skipt er snöggt um akgreinar og svoleiðis
Alla jafna er þetta mjög vont fyrirkomulag á dempurum, stundum sést þetta undir kerrum, en er heldur ekki að vinna sem upp/niður eða veltidempun þar, heldur halda við ónýt fjaðrahengsli.
HINS vegar, þá er réttilega farið í það hjá þer Kristinn, að hægt er að breyta virkni dempara með uppstillingu, og þá er það best gert með því að hafa þá sem næst lóðrétta að sjá ef horft er beint aftan/framan á tækið, en hallandi séð frá hlið. Þá breytist einmitt raunfærsla demparans miðað við færslu hásingar eftir því hvað demparinn hallar, annars vegar, og svo láréttri færslu hásingarinnar hins vegar, og hvernig það tvennt spilar saman. Til að kóróna allt saman, þá er hlutfallið á færslu dempara Vs. hásingu trúlega ekki jafnt alla slaglengdina…
Tricky business…
kv
Grímur
You must be logged in to reply to this topic.