Dekkjastærð og þyngd í ferðum

Ég er sammála PS’inu hjá Viðari, að stóri Patról og 70, 80 og 100 Cruserar á 38" eiga litla samleið með milliþungum bílum á 38" í þungu færi.
EN…
þeir eru ekki fyrirfram útilokaðir þegar ferðirnar eru kynntar og auglýst eftir þátttakendum eins og menn á léttum bílum á minni dekkjum en 38" eru.

Það er þar sem hnífurinn stendur í kúnni.

Ég er ekki að segja að þessir bílar séu lélegir eða drífi lítið, ég veit að þetta eru mjög öflugir og eigulegir bílar og oft mikill akkur í að hafa þá með í ferð.
En þegar færið þyngist eru þeir fyrstir (af 38" bílunum) til að komast í vandræði, FYRR en margir léttari bílar á minni dekkjum.

Þess vegna finnst mér að allar almennar ferðir sem skipulagðar eru í nafni klúbbsins eigi að standa sem flestum opnar, og því eigi að notast við "norðan" töfluna (eða Útivistar töfluna) því þar eru bílarnir flokkaðir eftir þyngd OG dekkjastærð.
Hver flokkur inniheldur því bíla með svipaða drifgetu í þungu færi.
Þegar einhver flokkur, einn eða fleiri eru útilokaðir er verið að setja skilyrði um lágmarks drifgetu bíla í ferðinni.
Mér finnst það nær lagi en dekkjastærð óháð þyngd.

En eins og alltaf kemur fram eru það á endanum skipuleggjendur ferðarinnar og þátttakendur sem ákveða hverjir eru gjaldgengir og hverjir ekki

Ferðakveðja
Siggi_F

Það sem ég á við með að smærri dekki ferðist saman, ætti að eiga við, líka um ferðir á vegum klúbbsins. Raunhæfast er að raða saman bílum í svipaðri þyngd og dekkjastærð. Viðmiðunartafla Útivistar er ágæt en þeir sem hafa kvartað mest yfir henni eru Patról eigendur en þar er krafa um 44" í erfiðum ferðum. Annars virkar hún ágætlega en þó höfum við rekið okkur á að það hentar ekki alltaf öllum að vera í blönduðum jeppahópi.

P.s. þetta veit ég þar sem ég ásamt fleirum lásum hana yfir og gerðum athugasemdir áður en hún varð notuð til viðmiðunar fyrir ferðir Jeppadeildar Útivistar.

Ég í raun tek undir það að ekki eigi að útiloka smærri dekki og léttari bíla, það á bara ekki setja þá í hóp með bílum sem geta farið hraðar yfir!

kv,

Viðar

Hef ferðast víða um fjöll frá því upp-úr 1960 með alskonar mismunandi bílum og fólki, fólk á hraðskreiðum bílum sem keyrir hægt og fólk á hægfara bílum sem keyrir hraðar, líka með fólki sem heldur hópinn óháð getu bílstjóra eða bíls, eihvernvegin líkar mér betur að ferðast með fólki sem stendur saman og heldur hópinn.

salutations
Jon

Það er eitthvað svipuð tafla til á vefnum hjá Útivist undir jeppadeildinni. Veit ekki hvort það er sú sama og þú sást, en allavega nothæf til viðmiðunar.
Skúli H.

Heyr heyr Jón.

Auðvitað getur verið gaman að fara hratt og fljótt yfir, en einhvernvegin þá eru þær skemmtilegri í minningunni "erfiðu" ferðirnar þar sem reyndi á vináttu, þrautseigju og þolinmæði.

Það er hægt að deila fram og til baka um hvað sé betra og best, en fer þetta nú ekki oft eftir færð? Eru menn nú ekki líka almennt á því að þumalputtareglan sé þyngd/dekkjastærð=flot ? ? ?

Veit ekki með ykkur en undirrituðum þykir t.d. áberandi meira flot og betra drif á gamla Patrol en nýja, sérstaklega þegar færið tekur að þyngjast.

Veit ekki hvað það er en þegar maður spyr menn um þyngd bíla þá er oft eins og þeir fari undan í flæmingi og komi sér undan því að svara . . . . .

Ég hef yfirleitt farið með bílana mína (og annarra ef ég hef haft tækifæri til á vigt til að svala þessari forvitni minni.

Ef frá eru taldir Ladann fyrsti Jeppinn og besta value-ið 9500kr, var svo ryðguð að hún hefði eflaust sýnt – á vigtini og Súkkan sem eru náttúrulega svo léttir að það tók því ekki að setja þá á vigt. . . þá eru þetta mínar mælingar.

Patrol SE+ ´01 = 2810 kg.
(38" ,3.0l, bein sk.,ökum.ca 80kg. og fullur af olíu)

Patrol SE+ ´98 = 2665 kg.
(38" V8 6,5l GMC, bein sk., varad. ökum.ca 80kg. og 90l af olíu)

Patrol 2,8l ´90 = 2520 kg.
(38" ,2,8l, bein sk.,toppgrind og box, verkfæri ofl. í kassa ca. 30kg., skófla, járnkall, 7 sæti, ökum.ca 80kg., aukatankur og ca 70l af olíu)

sami Patrol 2,8l ´90 = 2090 kg.
(á 38" en mínus: bílstjóri,öll sæti nema framsæti,allt á toppi og í skotti, STÓR framstuðari, kastarar og olíulaus.)

Já það kom mér svo sannarlega á óvart hvað munaði miklu á þyngd bílsins þegar búið var að taka úr honum allt þetta "smá" drasl. Heil 430 kg.

En er þetta ekki einmitt málið? Maður gerir sér ekki grein fyrir því hvað margt smátt gerir . . . þungt. Svona bíll, sem vegur aðeins rétt rúm 2T á 38" strípaður, er farinn að nálgast 3T tilbúinn í ferð, með öllu "smádótinu" 150l af olíu, farangri og farþegum!

Gaman væri að sjá fleiri tölur.

Góðan vetur
Kv.
Jói.

P.s. er jákvæður fyrir blandaðri ferð þeirra sem vilja jeppast lausir við stress og finnst gaman að leika sér með spotta og skóflur (enda víst kominn á kafbát . . . . . )

Minn bíll sem er Nissan Scout GM var 2220 kg í sérskoðun á 44" með 7 sæti og 50 ltr af olíu. Í fyrra þegar ég fór á landsfundinn vigtaði ég bílinn, þegar við lögðum af stað og reyndist hann vera 2880 kg með 230 ltr af olíu, tveir þungir kallar verkfæri, varahlutir og nesti. Heiðar

Sælir félagar,
eru til einhverjar mælingar á flatarmáli sem úrhleypt 38" dekk ( t.d. í 4 psi eða svo) þekur miðað við misbreiðar felgur, t.d. 12-14-16" breiðar? Hefur felgubreiddin áhrif á flotið?
Ingi.

Sælir…
Mér langði til að segja í sambandi með standard í ákveðnar ferðir að ég til dæmis er á double cab lendgdum á 38" Mudder og svo er mágur minn á ex-cab á 36" Parnelli Jones og í sambandi með hlutfallið þá á hans bíll sennilega að fljóta meira en minn því að parnelliinn er breiðari en mudderinn úrhleyptur og svo spilar þyngdin inní og það segir sig sjálft að lengdur d/c sé töluvert þyngri en ex-cab þetta er eitt sem mér finnst töluvert asnalegt við þessa standarda…
En hvað finnst ykkur?????

Kv: Davíð R-2856