Dekkjastærð og þyngd í ferðum

Reglur þær sem Norðan- og austanmenn nota í ferðinni "101 Reykjavík" eru byggðar á þeim almennu ferðareglum sem Myndast hafa á undanförnum árum í skipulögðum ferðum á vegum klúbbsins.

Í væntanlegu riti yfir skipulagðar ferðir stendur m.a.:

Dekkjastærð miðað við þyng bíls:
——————————–
Til að skipulögð hópferð gangi vel fyrir sig er eitt af grundvallatriðum að þátttökubílarnir teljist ?vel útbúnir fjallajeppar? og standist ákveðnar lágmarkskröfur, en í því felst að bílar þurfa að vera útbúnir leiðsögutæki (GPS), talstöð og stórum dekkjum. Eftirfarandi þyngdarviðmið og viðeigandi lágmarksdekkjastærðir hafa verið notuð sem mælikvarði á hvor bíll telst eiga erindi í skipulagða hópferð eða ekki:

Þyngd jeppa Lágmarks dekkjastærð
Undir 1500 kg 35"
1500-2200 kg 36"
2200-2600 kg 38"
2600 kg 44"

Í 4ra ferða helginni er í grundvallaratriðum stuðst við ofangreindar reglur, en að sjálfsögðu er það ákvörðum undirbúningsaðila hverrar ferðar að ákvarða hveru stíft þessum reglum er fylgt.

Ef þú telur þig eiga erindi í ferð sem setur strangari skilyrði en þú getur uppfyllt á hvet ég þig eindregið til að setja þig í samband við undirbúningshóp þeirrar ferðar og athuga hvort ekki er grundvöllur til að kippa þér með!

Sælir allir

Ég hef verið að velta þessu fyrir mér eftir að ég í nokkrum ferðum hef rekist á nýja Patról, og 80 Cruser á 38" í vandræðum. Þetta kom mér nefnilega mjög á óvart þar sem ég hef alltaf borið mikla virðingu fyrir 80 Crúser og væri á slíkum ef þeir væru ekki svona dýrir, jafnvel 10 ára gamlir á yfir 2 millur!!
Þess vegna fannst mér mikið vit í reglunum fyrir "101 Reykjavík" um þyngdarflokka og dekkjastærð. Það sem ég tók sérstaklega eftir er að þeir miða við þyngd bíla TILBÚNA á fjöll.
Reikna ég þá með að áralöng reynsla þeirra sé þar samankomin um hvað gengur og hvað ekki. T.d. gera þeir undantekningu fyrir Crúser 80 og Patról á 38", en það er nokkuð ljóst að þeir eru yfir 2600 kg með búnaði og tækjum. Hversu mikið veit ég ekki.

Þess vegna datt mér í hug hvort ekki væri athugandi að fyrir til dæmis nýliðaferð eða aðra ferð þar sem saman er kominn blandaður flokkur jeppa, að fara í vigtun.
Eftir að tankar og annað hefur verið fyllt á bensínstöðinni, búnaður kominn í bílana, og halda á af stað úr bænum að koma við á vigtinni (T.d. hjá steypustöðinni) og vigta flotann eins og hann stendur.
Ekki til að koma af stað einhverjum metingi eða rembingi heldur til að sjá hversu þungar hinar ýmsu tegundir eru í raun þegar lagt er af stað. Það er nefnilega, held ég, svo misjafnt hvað menn taka með sér í ferðir og hversu þungar breytingarnar á bílunum eru að það hefur mikil áhrif á heildar þyngd bílsins.
Tala nú ekki um hvað eigendurnir gætu orðir hissa á hversu þungur þeirra bíll er í raun….
Einnig væri hægt að bera saman gengi bílanna í ferðinni og þannig fá góða mynd af áhrifum þyngdarinnar.
Þá kæmust menn kannski að því að skýringin á að tveir eins bílar drífa mis mikið liggur ekki bara í "lúnknum dræver" heldur í að annar er með 100kg þyngri bíl af einhverjum ástæðum (og að læsingar leyfa 100-300kg í viðbót?).
Þá gæti líka komið í ljós að "helíum bílarnir" <2000 kg tala nú ekki um <1600kg á "litlu" dekkjunum eru ekkert svo óskaplega miklu léttari þegar til kastanna kemur (stundum finnst manni að það hljóti að þurfa að binda þessa bíla niðu á kvöldin svo þeir fjúki ekki svo léttir eiga þeir að vera). Þessa bíla munar nefnilega miklu meira um hvert kg sem er aukalega heldur en þungu bílana.

Út frá þessu væri hægt að staðfesta töfluna,laga hana til og bæta bíltegundunum í flokkana til glöggvunar fyrir nýliða og aðra sem ekki þekkja svo mikið til.
Það væri þá hægt að nota hana til viðmiðunar við kaup á bíl eða hversu mikið þarf að breyta ákveðinni tegund til að komast í "gæðaflokk" og vera gjaldgengur í allar ferðir.

Hvað segja menn um þetta??
Kveðja
Siggi_F

http://www.talk.to/logos
Ég skoðaði tennann slóða. Þessi síða er frábært dæmi um það að það er alls ekki nauðsinlegt að eiga stóra jeppa með öllum hugsamlegum aukahlutum til að geta farið um hálendi íslands og notið. Ég held að of margir eru í metingarleik með jeppanna sína og hafi jafnvel ekki efni á að fara í ferðir?

Þetta minnir mig á ferð sem ég var í fyrir nokkrum árum og voru margir bílar á flestum stærðum af dekkjum í þessum ágæta dagstúr sem við fórum. Þetta byrjaði ágætlega enda var þetta seinnipart vetrar og færi vanalega orðið gott á þeim árstíma og fóru ýmsir bílar á 33" til 35" mikin og gerðu grín af okkur sem voru að keyra á 38" dekkjum og sögðust ekki eyða pening í svona "dekkjarugl". Eftir því sem við hækkuðum okkur fór nú heldur að þyngast færið og sá bíll sem hafði verið hvað sprækastur og vakið aðdáun mína fyrir að vera öflugur þrátt fyrir að vera bara á 35" fór að hætta að geta farið fyrir og gert för. (þetta var Cherokke með 200 hesta vél) Hann fór bara afturfyrir og fylgdi þessum 38" trukkum sem siluðust bara áfram og héldu sínu striki þrátt fyrir þyngra færi. Þetta endaði með því að hann var hættur að hafa förin sem 5 bíll og snéri við og fór í bæinn á undan okkur hinum…

Svoleiðis að sama hvað menn segja þá er bíll sem er á 35" ekki jafnoki jeppa sem eru á 38" dekkjum þótt hann sé 500kg léttari og ég er á því að sé jeppinn mjög léttur þá getur það verið stór galli í sumu færi…

Hlynur R2208

Þess má reyndar geta að nýliðaferð sem var farin á Hveravelli á sama tíma og ferðin í Setur var farin voru margir bílar á 33" til 38" dekkjum og trúlega voru flestir nýliðar á 35" dekkjum og gekk það bara ágætlega þrátt fyrir frekar þungt færi.

Hlynur R2208

menn þurfa að taka þyngdar dreifingu og lengd milli hjóla með inn í myndina ég tók ekki mark á því almenilega fyrr en ég lenti í vandræðum sjálfur á cj7 á 36" með 258 í húddinu ég var með tvo brúsa aftur í en þegar í snjóin var komið datt bíllin altaf niður að aftan og ekkert gekk að fá hann til að fljóta að aftan fyrr en ég tók annan brúsan og setti fyrir aftan bílstjóra sætið og hinn milli lappa á farþeganum og var þetta leikur einn það sem eftir var dagsins ,enda er ég að smíða léttan bíl með mikið hjólhaf þessa dagana fyrir lítið fé og littla fyrir höfn (það er ekki nóg að eiga fullt rassgat af seðlum til að komast áfram í snjó)þið verðið að fyrir gefa orðbragðið en það virðast sumir halda að það sé málið

Sæll Daggi.

Þetta er hárrétt hjá þér. Ég hef oft fylgst með þessum vandamálum sem hrjá stuttu bílana (sérstaklega þegar afturhásing hefur ekki ferið færð), þeir setjast á rassgatið eins og hundar um leið og komið er í brekkur. Ég hef líka orðið vitni af því að gamli bronkó bakkaði upp Langjökul af því að hann dreif ekki áfram… Ég er því alltaf jafnhissa þegar ég sé menn hlaða bensínbrúsum og farangri aftan á þessa bíla í stað þess að reyna að laga þyngdardreifinguna með því að setja þetta framan á þá.

Varð farþeginn þinn ekkert pissu… ég meina bensínblautur??

Ferðakveðja,

BÞV

Eitt af því sem gerir þetta sport jafn heillandi og raun ber vitni, er að það er ekki til neitt eitt svar við því hvað virkar best við allar aðstæður. Eiginleikar snævarins eru gríðarlega margbreytilegir. Stundum er lagskipting með þeim hætti að það er betra á vera á léttum bíl, stundum er virkar betur að vera á stórum dekkjum þó bíllinn sé þyngri. Um síðustu helgi horfði ég á nýlegan Patrol á 44", ítrekað detta niður og þurfa aðstoð þar sem léttari bílar fóru án vandamála.
Ég hef líka oftar en einu sinni farið upp brekkur á 35" dekkjum, sem 38" bílar komust ekki upp.

Þetta breytir þvi ekki að það sem mestu máli skiptir er að bíllinn hafi nægilegt flot, það er að segja, að snertiflötur dekkjanna sé nægilega stór til að bera þyngd bílsins.

Bílar af svipaðri þyngd og Toyota Dobule Cab, á 35" dekkjum
hafa heldur meira flot en TLC-80 á 38". Því er það að mínu viti ósanngjarnt banna léttari bílana í ferðum þar sem þyngri bílarnir eru gjaldgengir.
-Einar

Ég vil taka undir þessi skrif hans Einars Kjartanssonar og ætla að tími sé komin til að upp-færa þessa þyngdartöflu í núið.

kv

Það er margt til í því sem Viðar segir. En hann virðist
gleyma því að hér er verið að fjalla um reglur í ferðum sem
farnar eru í nafni Ferðaklúbbsins. Það er mín skoðun að
sú mismunum sem tíðkast hefur, þar sem annaðhvort er enblínt
á dekkjastæðrina, eða henni gefið óeðlilega mikið vægi
í samanburði við þyngd, í ferðum sem skipulagðar eru í nafni
klúbbsins sé óásættanleg.

Ég hef sjálfur ekki gert mér rellu út af því þó ég væri á bíl sem
ekki væri gjaldgengur í stærri ferðir á vegum klúbbsins,
heldu skipulagt sjálfur þær ferðir sem mig hefur langað að fara.

Annað sem menn virðast ekki átta sig á, ef ferðast er í samræmi við
veðurspár þegar veður er skaplegt, þá er færi á jökulum alls
ekki erfiðara en oft gerist utan jökla.