Dekkjaráðleggingar

það er spurning í hvað þú notar bílinn hvaða 35" dekk þú ættir að fá þér, ertu í fjallaferðum, í snjó að hleypa úr eða er þetta malbiksbíll??

Ég nota bílinn aðallega á vegum, bæði innanbæjar og ekki síður úti á landi, en vill vera búinn á fjöll þegar færi gefst fyrir þetta lítið breyttan bíl

Ætla ekki að tjá mig um dekkjategundir en ef þú ert að spá í hvort þú eigir að láta negla þau eða ekki þá langar mig að láta gamminn aðeins geysa.

Þú segist nota bílinn á vegum útá landi. Þar er ekki saltað og myndast því aðstæður, blautur ís, þar sem það eina sem getur bjargað þér eru naglar. Einnig hjálpa þeir að sjálfsögðu í þurrum ís.

Hér innanbæjar er stundum ekki búið að salta nema helstu samgönguæðar á morgnanna. Sjálfur bý ég í Kjarrhólma, botn Fossvogs, og væri það brjálæði að vera ekki á nelgdu þar, þrenging sem er í Grænuhlíðinni ber þess reglulega merki.

Hvað varðar almennan áróður gagnvart nagladekkjum þá skal ég byrja að hlusta á hann þegar sjúkra, lögreglu og slökkulið fer af nöglum

kv
Dóri

Ég hef aldrei sett nagla undir mína jeppa, og mun ekki gera. Það hefur komið fyrir að ég hef lent í aðstæðum (blautu svelli) þar sem það hefði verið kostur að vera á nöglum en það gerist ekki oft. Það er mín skoðun, að ef menn ætla að stunda ferðalög að vetri til, þá komast menn ekki hjá því að læra að aka í hálku og að aka í samræmi við aðstæður.
Það má vel vera að notkun nagla hafi eitthver áhrif á fjölda minni háttar umferðaróhappa, en í skýrslum Rannsóknanefndar Umferðarslysa, er ekki að finna neitt sem bendir til þess að naglanotkun dragi fjölda alvarlegara slysa. Ég tel raunar líklegt að naglarnir leið til fjölgunar alvarlegra slysa, þar sem þeir veita oft falskt öryggi sem leiðir til þess að menn aka of hratt, miðað við aðstæður.
Vegna sóðaskapar og svifriks, sem leiðir af nöglunum er stutt í að það verði settar verulegar skorður við notkun þeirra. Heilsutjón af völdum svifriks er margfalt meira en af þeim umferðarslysum þar sem naglar gætu hugsanlega haft eitthvað að segja.

-Einar

gerist það að ég sé sammála eik, enn nú gæti ég slegið létt á bakið á honum og sagt kók, því þetta er eins ég hefði sagt þetta.
þær aðstæður sem naglar koma mest að notum og til góða er þegar svört ísing er á malbiki, snemma á haustinn. þá frýs niður við jörðu þó að það sé nokkra gráðu lofthiti og raki. við þessar aðstæður eru flest allir ennþá á sumardekkjum og rjúku upp til handa og fóta og setja nagladekk undir. nokkrum dögum síðar er svo komið frostveður og þá er ekkert hálkt. svo gerist það örsjaldan yfir veturinn að það kemur asahláka og þá myndast þessi blauti klaki sem er stórhættulegur, líka þeim sem eru á nöglum.
á vöruflutningabílum koma naglar ekki í staðin fyrir keðjur. við vissar aðstæður þurfa vörubílar að keðja þó þeir séu á nöglum, enda eru margir flutningabílstjórar hættir að nota nagla.
ég hef ekki notað nagla í tíu ár og það hefur ekki háð mér á nokkurn hátt. þegar ég átti fólksbíl þá var hann á loftbólutekkjum og svínvirkuðu þau, á jeppum hef ég verið með míkróskorin dekk og það svínvirkar líka.
kveðja siggias74

Ég hef aldrei átt nagladekk nema undir fyrsta bilnum minum og það var hálfan vetur, alltaf verið á ónegldum dekkjum enn stundum mikroskornum sem gerir alveg helling……… Engu að síður þá er lögregla, sjukralið, slökkvilið og björgunarsveitir á harðnelgdum dekkjum og það er ein einföld ástæða fyrir því!!!!!! þetta er það eina sem virkar við erfiðistu aðstæður og þær eru oft erfiðar nema bara kanski ekki i rvk…… svo bill sem fer aldrei útur bænum þarf ekki endilega nagla… enn um leið og það er farið að nota bilinn útá land þá er full ástæða til að hafa hann negldan.
´Sú fullyrðing um að nagladekk geti verið beinlinis hættuleg er fjarstæða…. það eru ökumenninnir sem fyrst og fremst eru hættulegir fólk sem er í lagi í heddinu keyrir í samræmi við aðstæður hvort sem er a nelgdu eða ónelgdu

Nagla, það er spurningin.
.
Hingað til hafa jepparnir mínir verið á ónegldu og þar með hlýt ég að teljast garpur mikill???? En hvað sem því líður þá hefði ég oftar en einu sinni viljað vera kelling eða gamalmenni…….
.
Freyr Þ

Sælir.

Nei strákar er ekki í lagi með ykkur ???..
Að hvetja menn til að negla ekki dekk er bara þvílíkur barnaskapur og lýsir þekkingarleysi ykkar á því hvernig aðstæður geta verið á vegum landsins við hinar verstu aðstæður sem og við verðum að sjálfsögðu að taka með í reikninginn sem og að geti brostið á fyrirvaralaust. Ég hef verið að fara á milli Ísafjarðar og Reykjavíkur að meðaltali vikulega síðastliðið eitt og hálft ár og var nú seinast að koma að vestan núna í kvöld í ofsa veðri á köflum. Í Ísafirðinum var ofsaveður og hálka og þvílíkt var rokið að ekki hefði ég boðið í það að vera á ónegldu. Á Steingrímsfjarðarheiðinni var hálka stórhríð og helvítis rok. En þar hefði kannski mát keyra á ónegldu,,,,,kannski.

eik segir: Ég hef aldrei sett nagla undir mína jeppa, og mun ekki gera. Það hefur komið fyrir að ég hef lent í aðstæðum (blautu svelli) þar sem það hefði verið kostur að vera á nöglum en það gerist ekki oft.

eik að sjálfsögðu átt þú ekki að fá að far út fyrir borgarmörkinn því ég á ekki að þurfa að eiga það á hættu að mæta svona mönnum eins og þér sem eru á vanbúnum bílum og halda að þeir séu svo klárir að þeir ráði við allar aðstæður
sem og stofna mér og minni fjölskyldu og öðrum bráðan lífsháska útaf þinni heimsku.

eik segir:
það mín skoðun, að ef menn ætla að stunda ferðalög að vetri til, þá komast menn ekki hjá því að læra að aka í hálku og að aka í samræmi við aðstæður.
Það er bara þannig eik að það er ekki hægt að læra að keyra í hálku þannig að aldrei geti neitt ókapp komið upp á en þú getur dregið úr líkunum á óhappi með að aka á vel negldu. Að aka í samræmi við aðstæður kemst enginn frá þó svo hann sé á vel negldu.

gummij segir: Ég hef oft lent í að keyra heiðar í glæru og alltaf tekist að leysa það með því að far varlega og nota vegkanta eða hreinlega með því að keyra utanvega.

gummij,,,, þú hefur kannski bara verið svo heppinn að hafa ekki mætt bíl akkúrat þegar þú misstir bílinn upp í brekkunni og eða í rokinu. Það að fara varlega dugar bara skammt þegar aðstæður eru þannig oftar en ekki eru bara engir kantar til að hanga
og þá heldur ekkert bílnum nema naglarnir.

Stundum eru aðstæður þannig að vegurinn er ein glæra og hægt er að komast út í snjó og er þá hið besta mál að aka bara snjóinn en á mörgum stöðum liggur landið bara þannig að það bíður bara ekki upp á utanvegarakstur því miður og hvað gera bændur þá, kannski í snarbrattri brekku. Ég hef allavega fengið nokkur aukaslög á stundum þó ég sé á virkilega vel negldu við þannig aðstæður.

siggias74 Þakka þér fyrir upplýsingarnar vandamálið mitt með PIAA kastarana, ætla að skoða þetta aðeins betur.

En þú segir siggias74 :
gerist það að ég sé sammála eik, enn nú gæti ég slegið létt á bakið á honum og sagt kók, því þetta er eins ég hefði sagt þetta.

————————————————————————————————————
siggias74 , þú hlítur að hafa verið með hiksta þegar þú skrifaðir þetta? Því mér finnst þú ekki geta verið meira ósammála eik.

Þú segir: Þær aðstæður sem naglar koma mest að notum og til góða er þegar svört ísing er á malbiki, snemma á haustinu. þá frýs niður við jörðu þó að það sé nokkra gráðu lofthiti og raki. Við þessar aðstæður eru flest allir ennþá á sumardekkjum og rjúku upp til handa og fóta og setja nagladekk undir. nokkrum dögum síðar er svo komið frostveður og þá er ekkert hálkt.
Þá ert þú orðin samála því að nota nagla við þessar aðstæður,,, ekki satt.?

siggias74 reyndar er þetta ekki alaveg rétt hjá þér að þetta sé bara snemma á haustin því þetta skeður á haustin,veturinn,vorið og um sumarið.
siggias74
svo gerist það örsjaldan yfir veturinn að það kemur asahláka og þá myndast þessi blauti klaki sem er stórhættulegur, líka þeim sem eru á nöglum.
Siggias74, alveg rétt hjá þér að þetta sé líka stórhættulegt þeim sem aka á negldu en þeir eiga meiri möguleika að forða sér frá litlu og eða stóru tjóni heldur en þeir sem aka á ónegldu. En hitt er ekki rétt hjá þér að asahláka komi örsjaldan heldur tugaskipta yfir árið.
Glanni segir:
Einu tilfellin í mínum huga eiga naglar rétt á sér ef að menn ætla sér að ferðast mikið á jöklum og á berum ís sem svo oft vill verða ein og Skúlu lýsir hérna að ofan,reyndar hef ég aldrei verið á nöglum og í sjálfu sér aldrei þurft á þeim að halda nema í nokkur skipti þegar bíllinn hefur runnið stjórnlaust niður berann jökulinn(hef reyndað alltaf heitið mér að setja nagla í eftir svoleiðis uppákomur)

glanni,,,,,,ég hef ekki ferðast mikið á jöklum en miðað við það sem ég hef ferðast á jöklum er það ekkert öðruvísi en það sem skeður hér á þjóðvegum landsins.
og ef þér finnst ástæða til að nota nagla á jöklum þá er ekki minni ástæða til að nota þá á þjóðvegum landsins.
———————————————————————————————————–
Þú Skúli. Notaðu bara nagla ef þér finnst þú þurfa á því að halda.
Hvort þú telst þá vera kerling,,,, við erum víst öll menn.
————————————————————————————————————
Kannski er ástæðan fyrir því að menn eru ekki með neglt bara sú að menn hreinlega tíma ekki að borga fyrir þetta öryggi. Kannski af því að öll hin flottu tækin voru svo dýr.
Því verða menn að réttlæta þetta bull.

Hjalti Reynir Ragnarsson

http://frontpage.simnet.is/hjaltir/M-V-babbu/index.htm

[url=http://frontpage.simnet.is/hjaltir/M-V-babbu/hundarnir-minir/bilar/jeppa.htm:2jo8lcoo]http://frontpage.simnet.is/hjaltir/M-V-babbu/hundarnir-minir/bilar/jeppa.htm[/url:2jo8lcoo] [url=http://frontpage.simnet.is/hjaltir/MV-babbu/hundarnir–minir/bilar/jeppa.htm:2jo8lcoo][b:2jo8lcoo]Jepp[/b:2jo8lcoo][/url:2jo8lcoo] [url=http://frontpage.simnet.is/hjaltir/M-V-babbu/hundarnir-minir/bilar/jeppa.htm:2jo8lcoo][b:2jo8lcoo]jepp[/b:2jo8lcoo][/url:2jo8lcoo]

Negld vetrardekk og málið dautt.
þó það sé aðeins til gagns örfá skipti þá getur það
skipt sköpun við erfiðar aðstæður.
Það er ekki þægileg tilfinning að byrja að slida niður jökulinn…
Ohh afhverju var ég ekki búin að negla….
ég vil frekar eiga heilan bíl, en að sleppa nöglum vegna
ryks í reykjavík..
Nú þeir sem eru ekki kellingar eins og ég,,
afhverju sýnið þið nú ekki bara fyrir alvöru hvað þið eruð ógeðsleeega klárir að keyra þúst og keyrið bara á sumardekkjunum allt árið. Það er sko kallmenska.
tala nú ekki um að keyra alltaf á hámarkshraða
á sumardekkjunum í hálkunni, sama hvernig vegurinn er.. er það ekki svakalega cool líka.
Ykkur kláru köllunum er örugglega velkomið að kíkja á alla veltu jeppana hjá tryggingafélögunum.
p.s það er hægt að fá þá á góðu verði stundum..
Reyndar fylgja ekki vetrardekk með 😉

Langar bara að koma með eitt comment.
Ég styð frekar að menn kaupi sér GÓÐ VETRARDEKK og þá míkróskera. Allavegana finnst mér fáránlegt ef menn sem keyra bara innanbæjar, þá er ég að tala um minna breytta jeppa ekki endilega stóru fjallabílana sem gera mikið af því að fara út á þjóðvegina( þar skil ég alveg nagladekkjaþörfina og ætla ekki að kommenta á hana)
EN hinsvegar…það sem ég vildi sagt hafa er eins og ágætur maður sagði:
"Maður hjólar varkárlega ef maður er ekki með hjálm en hraðar ef maður er með hann…hinsvegar verða slysin alveg jafn alvarleg!!!"
Þetta lýsir svolítið þessari umræðu og ég tel að það sé málið að vera á GÓÐUM vetrardekkjum og keyra öruggar.
Kv. Dabbinn