Defender ..

Defender er rétt um 2 tonn og 35 tomma dugar vel í allar sumarferðir og örugglega hægt að komast ágætlega áfram í léttum vetrarferðum. Fyrir 35 tommu er raunar nóg að setja 2 tommur undir gorma og brettakanta í stíl, allavega var það allt og sumt sem hafði verið gert við minn þegar ég fékk hann, en þá var hann á 35. Virkaði bara býsna vel, að vísu með læsingum framan og aftan. Defender er orginal nokkuð lágt gíraður, háa drifið með niðurgírun 1:1,411 og lága drifið 1:3,320 (í stað 1:1 og 1:2 eins og algengt er), og því þarftu ekki að skipta um hlutföll, bíllinn verður bara betri í almennum akstri á 35 tommu dekkjum. Ef þú ferð hins vegar í 38 tommu er um nokkuð meiri aðgerð að ræða, en þó ekki svo óskaplega miðað við marga aðra. [url=http://www.mountainfriends.com/html/breti.html:xlnxp6ly]Breytingaferlið[/url:xlnxp6ly] fyrir 38 tommu í máli og myndum hér.
Kv – Skúli

Mér finnst líklegt að þetta sé hægt Rúnar. Allavega eru menn að setja 44" undir þá með þessari 10 cm hækkun, þó þá þurfi kannski aðeins að semja við framstuðarann og boddýbita aftan við framhjólin. Veit þó ekki hvort menn losni undan því að síkka stífur og fara í stýrisbreytinguna.
Kv. – Skúli

eru brilliant bílar en kannski ekki alveg viðhaldsfríir enda breskir. Ég keypti mér svona bíl síðasta haust og var hann á 31" og lét ég hækka hann upp í vetur um 2" og setja á 35" er búinn að fara í tvær ferðir á langjökul á honum annari með litlu deildinni í nokkuð góðu færi og aðra í mjög vondu færi. Drifgetan í bílnum kom mér á óvart í báðum þessum ferðum hvað hann fór mikið. Jafnframt hef ég verið að þvælast á honum hingað og þangað og kemur hann mjög vel út. Ég myndi samt skoða hvort það sé mikið meiri breyting að setja hann á 36" fyrir utan aðra kanta. Færð ábyggilega töluvert meira flot í snjó og hlutföllin ættu ekki að vera vandamál þar sem orginal dekkin eru víst ansi nálægt 35" í hæð enda var bíllinn hjá mér alltof lággíraður á 31".

frekar en Hilux færð mun skemmtilegri ferðabíl. En enginn bíll er viðhaldsfrír hvort sem hann heitir toyota. Land Rover eða eitthvað annað. Ég hef ekki lent í neinu utan þess sem getur talist eðlilegt viðhald og eins og ég sagði kom hann á óvart í snjónum á 35".
En þeir eru langflestir ólæstir að aftan en hægt var að kaupa LSD sem aukahlut og veit ég ekki til þess að margir bílar séu með því. Land Rover vill víst meina að góð fjöðrun komi stað læsinga.
Ég mæli með því að þú skellir þér á einn svona ættir ekki að verða fyrir vonbrigðum. Ef þú vilt fræðast meira um þessa bíla geturðu alltaf kíkt á spjallborðið hjá http://www.islandrover.is.

Það er að vísu langt síðan ég átti Land Rover síðast, en þetta eru aldeilis þrælmagnaðir bílar og fjöðrunin sem kemur í þeim original er alveg frábær og sérhönnuð í torfærur. Þetta er nú að verða einn af örfáum bílum sem enn er hægt að fá með heilum ásum framan og aftan. Eins og Skúli getur um, þá er miðstöðin slöpp, en menn hafa nú fundið ráð við því, sem að vísu kosta peninga. T.d. hefði ég haldið að olíumiðstöð væri algjör nauðsyn í svona bíl ef maður ætlar að nota hann til vetrarferða. Það er ekki mjög mikið mál að sofa í bílnum ef maður lendir í þannig aðstæðum, sem er ótvíræður kostur. Annar veikleiki en miðstöðin, sem ég held væri rétt að minnast á, eru hurðirnar, sem eru ekki nógu þéttar miðað við það sem maður þekkir á svona götujeppum. Það sama má nú reyndar segja um Wrangler frá Jeep, skilst mér. En ég held að viðhald á LandRover sé ekki meira en á öðrum bílum, auðvitað fer þetta bæði eftir heppni og meðferð og hvað maður leggur á þá. En Landinn þolir hnjask og vegleysur líklega betur en margir aðrir bílar. Það fer svolítið í pirrurnar á sumu fólki hvað stýrið er utarlega í bílnum og þá ekki síður pedalarnir, en það venst mjög fljótt.

Sæll.

Byrjaðu á því að fá svona Landa lánaðan í eina dagsferð á fjöll og hugsaðu þig svo vel um. Ég fékk svona bíl á 38" lánaðan í vetur og fór einmitt inn í Þórsmörk. Ég kom allur skakkur og skældur til baka, því afstaðan á stýrinu og pedulunum við sætið er alveg út í hött. Svo er bílstjórahurðin alveg ofaní þér. Ég tel mig ekki vera stórann eða mikinn en þetta var það helsta sem ég setti fyrir mig. Annars var hann bara nokkuð sprækur og skemmtileg fjöðrun í honum. En mér fannst töluvert betra að sitja í Hilux.

Kveðja
Ásgeir

Varðandi spurningu þína þá er það rétt að þú getur sloppið með upphækkunarklossa og dekk og felgur til að fara á 35 tommu, og svo kanta ef þeir sem eru fyrir eru ekki nógu sverir (sem mér sýnist þó á myndunum). Hins vegar setur þú ekki 38 tommu undir með aðeins þessa hækkun eða allavega þarf þá að klippa hressilega. Ég mátaði dekkin undir að framan hjá mér áður en ég fór í að hækka og það var ekki mikill beygjuradíus sem það bauð upp á. Ég veit ekki til þess að þeir séu hækkaðir á boddýi.
Varðandi þægindi þá er auðvitað allt afstætt. Stórir og miklir menn eiga örugglea erfitt með að fíla sig undir stýri á Defender þó rindill eins og ég fíli þetta vel, en að því slepptu er ég engan vegin sammála því að það fari betur um mann í Hilux. Ég var áður á 4Runner og fannst mikill munur að sitja undir stýri með fætur í nokkuð réttri stöðu í stað þess að hálfliggja eins og í fólksbílstík. Á langkeyrslu fer bara nokkuð vel um mig þarna og það að hafa stýrið og pedalana svona vinstra megin, ja eiginlega finnst mér núna allir bílar hálf fáránlegir með þetta þarna lengst til hægri. Þetta semsagt venst eins og annað og maður finnur sér bara réttu stöðuna. Orginal aftursætin eru hins vegar ekki boðleg fullorðnu fólki til langs tíma, það er auðvitað staðreynd. Lipur í bæjarsnatti??? Ef ég ætti jeppa sem væri lipur í bæjarsnatti myndi ég draga þá ályktun að ég þyrfti að skipta, þetta gæti ekki verið almennilegur fjallabíll. En ég fer nú samt allra minna ferða á honum, hvort sem er í Kringluna eða niður í 101. Legg kannski ekki í hvaða stæði sem er.
Kv – Skúli

Margar góðar sögur af Landanum. Svosem að það sé skilaréttur ef það vantar orginal dældir. Einni get ég deilt með ykkur sem er sönn. Ég keypti á dögunum hjá snillingunum í BSA (hjá þeim fær maður ekki aðeins allt í Land Rover heldur fylgir iðulega gríðarlegur fróðleikur með í kaupbæti sem því miður er alltof sjaldgæft) túbu af sérstakri feiti í liðhúsin. Túban inniheldur 370 ml af feiti passlega þykkri til að tryggja góða smurningu þarna og í passlegu magni, ein túba í hvort liðhús. Á henni stendur “Formulated for all Land Rover and Range Rover models 1951-2001“. Það eru ekki allar tegundir sem bjóða upp á að sami hluturinn passi fyrir allar árgerðir á hálfrar aldar tímabili.
Ég er kannski heppinn með eintak en eini lekinn hjá mér er meðfram hurðunum að neðanverðu sem kemur þá aðeins í ljós þegar ég fer djúpt í ár. Það þýðir auðvitað bara að hann verður stöðugri í ánni, tekur strauminn ekki á sig heldur í gegnum sig.
Kv – Skúli

Af Landrover

Bretarnir segja að engin viti hvað Land Rover endist lengi því það sé bara búið að framleiða þá í 50 ár.

Einnig var því logið að mér að 2/3 af öllum Land Rover sem rúllað hafa útaf færibandinu frá upphafi séu ennþá skráðir.

má ekkert hleypa úr þeim vegna þess hve mjó þau eru eða hvað ? , þá er ekkert sniðugt að’ kaupa þau ef að maður stefnir á jeppast á þeim ekki bara keyra

eru þessir bílar með sídrif ?