Datsun mótorar ?

Sæll.
Ég var að skoða þessi jeppa-mál og á endanum verslaði ég bíl, LC80. En það er eitt að einhverjar bilanir séu í áskrift en annað hve mikið bílarnir eru í raun mikið eknir sem hefur mjög mikið að segja. Ég var að leita að 80 LandCruiser og ég prófaði alla bíla sem ég gat til að fá einhvern samanburð og ráðlegg ég þér að gera það sama. Mikið af LC 80 og Patrol 2,8 eru gamlir þýskarar og ég get fullyrt að sumir þessara bíla sem ég prufaði voru eknir 600+ þúsund þótt "aðeins" 300 hafi staðið á mælinum. Þeir bílar voru orðnir ótrúlega lasnir. Það er mikið af rusli til sölu og menn sem eiga marga þessara bíla halda því statt og stöðugt fram að þetta séu algerir gullmolar sem þeir eru með og setja það sama upp fyrir gamalt innfl notað og bíl sem hefur verið hérna alla tíð og hefur sína sögu skráða hjá umboði og km stöðu frá upphafi. En allir bílar hafa sínar veiku hliðar og best er að fara mjög varlega þegar bíll er valinn, hedd. legur eða gírkassar geta farið í öllum bílum og þrátt fyrir að lítið sé talað um bilanir í ákveðnum teg ss rover, LC90 og jafnvel 80. Skoða bara vel áður en þú kaupir og prufaðu nógu marga svo þú fáir góða hugmynd um það hvernig bíllinn á í raun að hegða sér ss fjöðrun, stýri, skifting, vélarhljóð ofl. svo þegar þú ert kominn með bílinn þá rífðu allt útúr honum og ryðverðu, þurrkaðu og þrífðu, það er góð fjárfesting þegar maður er með gamlan bíl sem þarf að endast lengi hvort sem hann heitir Toyota eða Nissan.