This topic contains 3 replies, has 1 voice, and was last updated by 
-
Topic
-
Gamla þjóðleiðin mill Dalasýslu og Borgarfjarðar var einhversstaðar hér til umræðu en ég fann hana ekki þannig að ég ákvað að smella bara inn nýjum þræði.
Þessi leið er fær nánast öllum jeppum breyttum sem óbreyttum núna. Vegurinn er reyndar mjög grófur á köflum en hvergi neinar bleytur eða neitt vesen. Farið er af Ólafsvíkurvegi (54) ef farið er úr Borgarfirði og inn á veg 535 upp með Grímsá vestan við Langá. Keyrt með fram sumarhúsabyggðinni og beygt svo upp í hlíðina fyrir ofan og upp í dalinn vestan við Langá. Gott er að taka svona 4++ tíma í þessa ferð í góðu veðri og skoða sig um, enda landslagið þarna einstaklega fallegt.
Skrapp þessa leið í gær og var ekki svikin af náttúrfegurð, góðu veðri og fjölbreyttu landslagi að keyra í. Aðalatriðið er bara að fara nógu varlega í hrönglinu þar sem sum staðar þarf að beita lagni í grjótinu.
Myndir í albúmi.
-
Replies
-
Að sjálfsögðu bilaði albúmið þegar ég var að setja inn myndirnar, en það eiga eftir að koma nokkrar í viðbót.
Sæll Keli
Ég verð að leiðrétta þig með nafnið á ánni sem ekið er upp með. Hún heitir Urriðaá en ekki Grímsá. Vegurinn heitir hinsvegar Grímsstaðavegur og er eins og þú komst inná númer 535 í þjóðvegakerfinu. Dalurinn sem ekið er inn meðfram Langá heitir Grenjadalur eftir bænum sem er á hægri hönd er beygt er inn dalinn. Þaðan er ekið um Koteyrar og framhjá Innra-Koti en það eru gömul býli sem fóru í eyði fyrir mörgum árum síðan. Komið er að gangnamannaskála undir Sandfelli og ekið inn með Sandvatni. Þaðan er ekið undir Vatnshlíð og fyrir Vatnshlíðarhorn þvert yfir Kvígindisdal, á leið upp Langavatnsmúla. Þegar komið er yfir múlann er ekið um Hafradalseyrar og komið inn í Langavatnsdal. Þaðan er svo farið inn í Mjóadal áður en ekið er yfir sýslumerkin en þau eru inni í Mjóadal uþb miðjum. Því miður skortir mig staðhátarþekkingu eftir að komið er yfir í Dali en ég er nokkuð viss um að það eru einhverjir sem geta tekið við og leitt okkur niður í Dalasýslu.Með trúðakveðjum
Siggi Tæknó
Þakka fyrir að benda mér á þessar aulavillur hjá mér þarna í upphafi. En þetta er hárrétt hjá þér að sjálfsögðu.
Ég er ekki nógu kunnugur staðháttum, en þegar komið er niður í Dalina, þá er komið niður í Langadal sem gengur inn úr Hörðudal.
You must be logged in to reply to this topic.