dagskrá

Eins og kemur fram á forsíðunni þá er núna búið að ákveða endurnýjun á vefnum. Með því opnast möguleiki á akkúrat þessu sem þú ert að nefna, þ.e. að hver deild og hver nefnd hafi sitt svæði á vefnum og geti uppfært það. Þá er vefurinn byggður á vefumsjónakerfi sem gerir auðvelt fyrir hverja deild að setja inn sitt efni og uppfæra Sumar deildir eru með flotta vefi og geta haldið þeim úti áfram, en með þessu opnast einfaldur möguleiki á að setja inn efni á svæði deildanna. Þá er líka hægt að sjá efni frá öllum deildum inni á sama vefsvæði sem er gott.

Það má vel vera rétt hjá þér að landsamtökin miðist of mikið við að reka Reykjavíkurdeildina. Allavega mættu örugglega vera meiri tengsl. Á móti get ég að vísu bent á að það er ýmislegt sem stjórnin eða nefndir hér eru að sýsla sem snertir alla jeppamenn, óháð búsetu eða deild. VHF kerfið eitt dæmi og annað að koma okkar sjónarmiðum á framfæri í þessum slóðamálum. En við gætum örugglega gert fleira saman og Húsavíkurdeildin sýnir einmitt gott frumkvæði í því með haustfagnaðinum. Svo held ég að það væri upplagt að koma á fót einhverjum sameiginlegum túr eða uppátæki á fjöllum í vetur og einhverjar pælingar komnar í gang með það.

Kv – Skúli