This topic contains 14 replies, has 1 voice, and was last updated by 
-
Topic
-
AnonymousBúið þið yfir hugmynd að góðri dagsferð?
Meiningin er að fara nk. laugardag með nokkra félaga í dagstúr. Ég ætlaði mér að fara sk. Tindfjallahring en hef horfið frá því í ljósi gegndarlausrar úrkomu undanfarið.
Ennfremur var ég með í huga ferð eftir slóða upp frá Úthlíð og samnefndu hrauni og inn á línuveg en óttast að þar sé til að byrja með allt í aur og drullu. Hef engan áhuga á slíku ferðalagi.
Þá er spurningin hvort heppilegast sé, í ljósi veðurfars, að fara Bláskógaheiðina inn á Haukadalsheiðarlínuveg og síðan annað hvort til Geysis og fá sér kaffi þar eða fara niður Miðdalsfjallið til Laugavatns. Hefur eitthvert ykkar farið þessa leið nýlega?
Ennfremur langar mig að vita hvort þið þekkið til leiðarinnar, sem liggur upp frá Laxárdal norðan Stóranúps í Hrunamannahreppi og upp á Skáldbúðaheiði þaðan sem aka má með slóða upp á háheiðina og síðan annað hvort til Gullfoss eða í suður til Þjórsárdals?
Leiðin sem farin verður takmarkast við það að í för geta orðið óbreyttir jeppar, sumir allþungir, svo sem Patrol. Úrslitum munsvo ráða veðrir á laugardagsmorguninn.
Góðar ábendingar eru vel þegnar.
bv
-
Replies
-
Ég vill benda á að Skáldabúðaheiði er í Gnúpverjahreppi og þessi slóði sem þú ert að tala um liggur að skála sem heitir Hallarmúli þangað er góður vegur, en þegar þar er komið tekur við ein sú mesta vegleysa sem ég hef kynnst stórgrýti og úrrennsli sá slóði liggur að gatnamótum við ísahrygg þaðan er hægt að komast í þjórsárdal það er mjög vararsamt vað á Fossá! Einnig í skála Suðurlansdeildar Sultarfit. Einnig er hægt að fara í Helgaskála sem er á Hrunamanna afrétti en til að fara þangað þarf að fara yfir Stóru Laxá sem getur verið erfið. Ég persónulega myndi ekki fara þetta á óbreyttum bíl og allrasíst í svona umhleypingum þetta er trúlega eintóm drulla og viðbjóður.
Kveðja Sigurgeir
Ég veit ekki alveg hvaða leið Bóndinn er að tala um. Er hann að reyna að halda mönnum frá hálendinu eða er hann þessi týpa sem upplifir allt tífalt meira en aðrir. Að mínu mati er þetta Subaru færi nánast. Og er ég þá ekki að gera lítið úr Toyotu Tercel, hún færi þetta sennilega líka. Ég hef marg oft farið þessa leið og veit ekki alveg hvar hún ætti að vera drullusvað. Þetta er mest glerhart grjót. Að vísu eru árnar alltaf þannig að fara verður þær með varúð, en að þetta séu einhverjar sérstakar hættusprænur hef ég ekki orðið var við. Ef menn hafa einhverja reynslu af jeppa akstri og ferðalögum þá er þetta bara þægileg dagsferð með kaffi stoppi í einhverjum af þessum fínu skálum sem eru á leiðinni. T.D 4X4 skálanum í Sultarfitum.
Kveðja
Pétur
Svona í tengslum við þetta.
Hefur einhver skellt sér á Eyjafjallajökul og Mýrdalsjökul nýlega?
Er hann sprunginn?
Er ekki bara klaki þeas enginn snjór?
Við félagarnir erum að fara í mörkina og langar að taka smá rúnnt þarna upp eftir..
Kveðja Fastur
Anonymous- Umræður: 0
- Svör: 16404
Þakka þér fyrir þetta Sigurgeir og fyrirgefðu hrepparuglinginn! Ég hef ekki farið þessa leið og hef því ekki hugmynd um aðstæður. En menn hafa greinilega misjafna skoðun á því hvað telst ófæra og hvað ekki.
Vegna þess að í för verða óbreyttir bílar vil ég að þetta gangi snurðulaust, vil síður fara yfir ár þar sem hætta er á að menn reki bílinn uppundir og svo framvegis. þetta er m.a. ferð fyrir óvana.
Fleiri ábendingar eru vel þegnar en óska eftir að menn haldi sig við efnið. Umræða um jöklaferðir mættu fara fram annars staðar.
kv,
BV
þrusastu bara með liðið upp í kerlingafjöll eftir Kjalvegi
jú kannski smá drulla en árnar ættu ekki að vera vandamál
ég get lofað þér því að fólkið sem er óvant og er á lítið breyttum bílum vonast nú alltaf eftir smá ófærð og verður nú
bara fyrir vonbryggðum ef aldrei er sett í 4×4.
gangi ykkur vel hvert sem förinni er heitiðkveðja Lúther
Anonymous- Umræður: 0
- Svör: 16404
Það er auðvitað alveg satt að það verður alltaf að vera einhverjar uppákomur – annars er bara leiðinlegt!
En í Kerlingafjöll til þess eins að snúa við, æi nei!
Gaman að kíkja á Laka og laka gíga.
Kannski rúntur í lengra lagi en mjög skemmtilegur.
Með ám og smá svona stemmingu en ekki von á mikilli drullu eða grjóti sem eyðileggur dekk.
Einnig væri líka hægt að fara í Landmannalaugar og síðan að Fjallabaki.
Muna bara að láta bílana með loftinntakið við vinstra framljósið fara mjög rólega í ár. Flestar af þessum ám er hægt að fara eiginlega á þurru ef fær einstaklingur velur vaðið.
Kveðja Fastur
ps. Byðst velvirðingar á fyrri pósti í þessum þræði. Hann átti ekki heima hérna.
Sælir,
ef mig minnir rétt þá er fínírís lýsing á Gnúpverjaleiðinni frá Geysi og yfir að Þjórsárdal í Jeppahandbókinni. Þar eru ágætar lýsingar á vöðunum. Ég fór þessa leið snemma í sumar og þá var leiðin að fyrstu ánni fín (búið að laga úrrennsli oþh.) en eftir ánna var dálítið um að þyrfti að fara varlega við úrrennsli og á einum stað fara út fyrir veginn. En þetta var bara ágætis bíltúr og ekkert mál á Súkku á 33".
Kv, Valdi
sæll Valdi
segmér er eithvað sem er vandamál fyrir Hjúkku á 33"?
(úpps þar fór ég útfyrir efnið sorrý!!)
en örugglega fín leið sem þú lýsir en er þetta ekki bara
klst skreppur eftir að malbikinu sleppir?
Nei það er ekki margt …
En smá leiðrétting:
Bókin heitir Hálendishandbókin en ekki Jeppahandbókin.
Fyrir þá sem hafa aðgang að þessari frábæru bók þá er leiðinni lýst á bls 85 undir "Gullfoss – Háifoss".
Hér er hægt að sjá það sem mér fannst mestu máli skipta í leiðarlýsingunni: http://www.jeppar.is/pdf/Bls88.pdf
(Þetta er óbreyttur Landcruiser á myndunum)Okkur minnir að það hafi tekið okkur milli 3 og 4 tíma að dúllast þetta (Þá meina ég alveg frá Gullfossi og niður í Þjórsárdal). Við tókum okkur góðan tíma í að spá í vöðin og lesa lýsingarnar í bókinni. Við vorum einbíla og langaði ekki að festast útí á uppá miðri heiði.
Mig langar að benda fólki sem ferðast þessa leið að koma við og skoða Háafoss og Granna sem eru við afleggjara sem er til hægri þegar er nánast alveg komið niður af heiðinni Þjórsármegin. Mig minnir að það sé merkt. Ógleymanleg sjón, sérstaklega fyrir fólk sem kannski ferðast ekki mikið.
Kveðja, Valdi
Það er hægt að fara upp í Kerlingafjöll eftir Kili og svo niður með Leppistungum, niður í Svínárnes og koma til baka hinumegin við Gullfoss, fínn hringur og nokkrar litlar sprænur á leiðinni.
kv
Hvati
Þrusu leið, þræl skemmtileg, en ég mæli ekki með henni núna. Leiðin er eiginlega of viðkvæm í svona frost-þýðu drullutíð eins og núna. Um leið og frystir aðeins þá ætti hún að vera fín.
Rúnar.
Anonymous- Umræður: 0
- Svör: 16404
Sælir strákar.
Við verðum að hafa í huga að nú er dagurinn með stysta móti og því nauðsynlegt að miða dagsferðina við það auk bleytutíðar.Mér lýst vel á Skálbúðaheiðina og líklega þaðan til Þjórsárdals. Laxárvöðin í hina áttina eru nokkuð grýtt og e.t.v. talsvert í þeim núna, en Fossáin sléttari þó að jafnmikið geti verið í henni eins og hinni. Þessa leið ætla ég hins vegar geyma til betri tíma.
Í fyrramálið ætla ég hins vegar kanna aðstæður í leiðinni uppúr Bláskógaheiði, um Skjaldbreiðarhraun og innað Hlöðufelli og þaðan til Laugarvatn. Fyrir örstuttan dag eins og núna er þetta líklega góður túr.
Takk fyrir ábendingar og símtöl.
BV
Anonymous- Umræður: 0
- Svör: 16404
Langaði að segja ykkur að ég fór í gær, til að kann aðstæður, til Þingvalla, þaðan upp Bláskógaheiði inn á Skjaldbreiðarhraun og eftir línuveginum að slóðamótunum til Laugarvatns. Þaðan um Hlöðufell að vestanverðu inn á [url=http://www.pbase.com/image/8815348:2gmgvs0o]Rótasand[/url:2gmgvs0o]. Þar skaðaði ég upptök Brúarár og Brúarárskörð, stórkostleg undur. Þaðan upp Miðdalsfjallið og til Laugarvatns.
Lagði af stað 9.45 í úrhellisrigningu í Reykjavík, þurrt var á Þingvöllum og rigndi ekki fyrr en í Kömbunum á leið til Reykjavíkur.
Leiðin er (eða var það í gær) nánast þurr og engin drulla. Það er ekki fyrr en á Miðdalsfjalli (í 650 m) að mjög blautur snjór er í leiðinni og eitt haft á leiðinni upp, þar sem runnið hefur úr slóðinni. Ekki stórvægilegt og líklega fært öllum jeppum. Ef ekki er auðvelt og fljótlegt að grípa til nálægra steina og setja í.
Þetta er ágæt leið um þetta leyti þar sem dagsbirtu gætir skamman tíma.
BV
You must be logged in to reply to this topic.