Dæmi hver fyrir sig!

Ofboðslega virðast menn vera tuðgjarnir hérna! þeir sem eru að reyna að sjá einhvern slóða… segjum sem svo að þeir hafi bakkað af veginum og standi þarna 1m + bílengd frá slóðanum þá sé ég ekki að þetta landslag þarna muni vera mannsævi að ná sér. Ekki það að ég er á móti því að menn séu skammaðir fyrir að aka utan vega en ég held að kennsla og áróður séu vænlegri til árangurs heldur en skítkast sem oft á þessum vef virðist vera kastað út í loftið án þess að vera búinn að kynna sér allar hliðar málsins. er alveg sammála SkulaH um að menn séu of fljótir að dæma hérna og í framtíðinni skulum við taka á málunum eins og menn… ekki kvenmenn!

Sælir félagar.

Ég verð bara að taka upp hanskann fyrir þessa veiðimenn sem eiga þessar myndir. Ég hef stundað hreindýraveiðar í félagi við aðra meira og minna í ein 12 ár, og ég verð nú bara að segja að þetta er nú bara í góðu lagi (finnst mér)

Það er bara ekkert athugavert við það að menn sýni myndir af sinni veiði, ég veit ekki betur en margir hverjir raði löxunum sínum upp og brosi framan í myndavélina eftir vel heppnaða veiði í laxánum og ekki gera menn athugasemdir við það, þetta er ekkert öðruvísi.

Og svo er það náttúrulega utanvegaaksturinn.
Menn eiga alltaf að keyra um sitt land með virðingu, og helst ekki utanvega, en ég veit hvar þessar myndir eru teknar og ég veit líka að það er mjög grýtt og hart land þarna og hætta á að skemma gróður eru hverfandi, og ég vona að þessum mönnum hafi borið gæfa til að fara það varlega að ekki hafi neitt skemmst.

Ég veit ekki hvort þeir sem hafa verið að tjá sig um þetta hér á síðunni hafi einhverntíman reynt að bera hreindýraskrokk einhverja vegalengd, en það er mikið erfiði og oft er frekar dregið en borið, og dráttur á 100kg dýri (þó það hljómi ótrúlega)skemmir jafnvel meira en akstur á staðinn á jeppa.

Og svona í lokinn.
Það sem mér finnst alvarlegast í þessu er það hversu rýrt dýrið er, mér hefði fundist að þeir hefðu átt að reyna að ná betra dýri.

Með veiðikveðju
Austmann

Ég vil nú taka undir með þeim sem lýsa þessu sem stormi í vatnsglasi, hér er nú enginn óhemju glæpur á ferðinni og örugglega ekki verið að rífa upp né skemma land með mannvonskuna í fyrirrúmi. Það sem stakk mig þó er takmörkuð virðing fyrir bráðinni. Sem vanur skotveiðimaður þykir mér að fara eigi betur með dýrið að veiðinni lokinni en þarna er gert, en það er jú bara huglægt mat mitt (og á kannski fremur heima á öðrum spjallvefjum en hér).

Bestu kveðjur, Hjölli.

. . . . afskaplega eru menn dómharðir hér.

Auðvitað er mjög mikilvægt að passa upp á landið og gott að vita af vökulum augum félaga í 4×4.

Ekki hef ég þó nokkra trú á að þessir menn hafi eitthvað slæmt á samviskunni varðandi þessar hreindýraveiðar, a.m.k. skildu menn ekki ætla þeim annað að óathuguðu máli.

Þori ekki öðru en að taka það fram að ég hef persónulega því miður allt of lítinn áhuga á veiðum til þess að stunda þær sjálfur, þetta áhugaleysi eldist þó vonandi af manni. Þá og þegar mun ég að sjálfsögðu hengja upp veiðimyndir og hausa.

Klikk klakk, BÚMM.

Jói.

Má mann greyið ekki taka mynd af hausnum,það eru nú einhverjir sem setja hreindýrs hausa uppá vegg heima hjá sér,og þó að hann hangi á grillinu er þetta bara flott mynd.Ég vil taka undir að það eru fullt af mönnum sem keyra utan vegaslóða í stangveiði og hef ég oft séð það sjálfur( þó svo að ég stundi það ekki sjálfur að keyra utan slóða),en hvað um það vitið þið nokkuð hvort hann hafi bara ekki fengið leyfi til að aka þarna,og einnig er það þannig á torfæru keppnum að áhorfendur keyra oft utan slóða og í mosa,Röflið um það þá líka.

kv Jóhannes þ
R-3257

mér er nokkuð sama um dýrshausinn en já hvar er vegurinn

Þetta snýst um siðferði veiðimannsins. Ein af megin reglum skotveiðimanna er að taka tillit til þeirra sem eru andsnúnir slíkum veiðum og þeirra sem ekkert aumt mega sjá. Veiðimaðurinn og eftirlitsmaðurinn hefðu átt að sjá að sér í þessu efni, hvað þá ákvörðun veiðimannsins að birta mynd af þessu á Netinu. Myndbirting sem þessi er einungis neikvæð, fær jafnvel fólk sem enga skoðun hefur á skotveiðum til að snúast gegn þeim. Sjálfur stunda ég hreindýraveiðar þannig að menn mega ekki misskilja þessi skrif mín.

Kveðja,
Sigurður Bergmann

Sælir,
eru menn ekki í lagi, ef þeir eru að missa sig útaf dauðu dýri þá er kominn tími á að þið skráið ykkur í krossinn hjá Gunnari. Hann tekur vel á móti ykkur og þar eru þeir með spjall þar sem þið getið tekið þátt. Verið á móti öllu og allt á guðslegu nótunum.

En það væri allt í lagi að spyrja þessa menn hvar þeir hefðu verið. Kannski að 1 metra frá vegi. Leyfa þeim að svara fyrir sig áður en fólk gjörsamlega missir sig hérna.

Jónas

Mér finnst veiðarnar í lagi en að setja hausinn framan á bílinn finnst mér að þeir hefðu getað slept en sumum finnst þetta findið.

Alla vega ekki mér(ég ber meiri virðingu fyrir bráðinni)..

Kv. Biggi

Mér finnst [url=http://www.pbase.com/image/4104847:1qf7u6a5]þessi mynd[/url:1qf7u6a5] langflottust, en hún er náttúrlega ekki fyrir viðkvæmar sálir EÐA ÞÁ SEM VITA EKKI UM HVAÐ ÞEIR ERU AÐ TALA!
Við veiðar á Eyjabökkum, sem þarna er um að ræða, ganga veiðimenn til veiða eins og annars staðar en elta ekki uppi á bíl. Hins vegar eru dýrin að lokinni veiði gjarnan sótt á bíl á staði þangað sem erfitt er að komast, eins og [url=http://www.pbase.com/image/2414347:1qf7u6a5]þessi mynd[/url:1qf7u6a5] sýnir.

Fyrir hreindýraveiðum á Austurlandi er löng hefð. Ef náttúrverndaryfirvöldum stæði stuggur að veiðimönnum vegna umgengni þeirra við, til að mynda Eyjabakka, þá náttúruparadís sem ekki mátti sökkva í lón, þá þarf enginn að efast um að þau hefðu fyrir löngu skorist í leikinn.
bv