Dæmi hver fyrir sig!

Er sammála þér að það er óþarfi að vera að flagga svona myndum hér. Mér finnst þetta vera algjör vanvirðing við dýrið. Finnst að þessar myndir mættu hverfa héðan af þessarí síðu.

Peve

alveg samála þetta er VIÐBJÓSLEGT!!!!!

fjallakveðja

Thorsten Henn

Og hvar er vegurinn sem þessir herramenn fóru?
Þ

Sælir
Ég er nú ekkert ægilega móðgaður af þessu, enda er dýrið löngu dautt.
Svo veit ég ekki hvort það ætti að banna hreindýraveiðar yfirleitt til að sýna þeim virðingu??? Nei segi svona.
Þetta er bara fyndið.

Kveðja
Izeman

Ég fór nú að skoða myndirnar betur og leyst ekki alveg eins vel á mosagróið landið og engin sjáanlegur vegur/slóði… Ekki sniðugt.

Kveðja
Izeman

Eiga ekki félagar í ferðaklúbbnum að sýna náttúrunni virðingu og valda ekki spjöllum á henni? Á heimasíðunni stendur að eitt af meginmarkmiðum klúbbsins sé "að stuðla að góðri umgengni um landið og verndun þess með jákvæðu fordæmi og umræðu um náttúruvernd." Varla getur þetta flokkast undir það! Sammála, þessar myndir eiga ekki erindi á síðuna. Kv. Gaggi

Ég samgleðst öllum sem fara í góða ferð í öllum löglegum erindagjörðum, við verðum að ganga út frá því að þessi veiðiferð sé þannig. Veiðar eru hluti af ferðamennsku og útivist. Eigum við ekki að vera svolítið umburðarlynd og viðurkenna að breyttir jeppar og ferðalög snúast ekki bara um krapa- og drullu, auk þess höldum við því fram sjálf að breiðu dekkin marki ekkert í þurrt land og mela.
Flott veiðiferð, flottar myndir og gott innleg í umræðu um okkar villta og fallega land, þið komist áfram, sjáumst í Smáralind.

Það kemur nú skýrt og greinilega fram að við hreindýraveiðar má ekki aka að veiðistaðnum, né elta dýrin á hverskyns vélknúnu farartæki. Að aka utanvegar á bíl að þeim stað þar sem dýrið er skotið er eins ólöglegt og það gerist. Síðan er það nú þannig að við hreindýraveiðar verður að hafa leiðsögumann með í för, sem jafnframt er eftirlitsmaður og því finnst mér þetta allt fremur undarlegt í og við þessa mynd.
Það að menn setji svona lagað svo á netið segir nú eflaust meira en þúsund orð um hugarfar þeirra gagnvart lögum og reglum sem eiga að vernda náttúruna.

Kveðja, Andri

Mér finnst menn vera frekar viðkvæmir hérna. Hreindýraveiðar eru rétt eins og aðrar veiðar ein tegund útivistar og ekkert að því. Veiðimennska er auðvitað ekki fyrir alla og sumum finnst ógeðslegt að skjóta dýr, en meðan við kjósum að borða kjöt er það ekkert siðferðislega verra að skjóta það í náttúrulegu umhverfi eða drepa það í sláturhúsi. Staðreyndin er að menn komist ekki nær náttúrunni en með skotveiðum.

Bíllinn stendur að vísu þarna á mosagrónu landi og mosaþekja sem rofnar verður viðkvæmari fyrir frekari rofi og gróðureyðingu. Þess vegna þarf að gæta að sér, jafnvel þó dekkin séu stór. Á þessari mynd sést ekki hvort þetta sé við hliðina á slóðanum og bíllinn verið færður útaf slóðanum til að teppa ekki aðra umferð eða hvað. Mér finnst allavega heldur fljótt að fordæma mennina sem umhverfisböðla, jafnvel þó hreindýrshaus sé festur á spilið!

Kv – Skúli