D110 Mitsubishi Front Air Locker

Þetta eru það svo sannarlega..

Því ég veit að ég elska mína framlæsingu og finnst það grundvallarmannréttindi að geta sett slíka í bílinn sinn.

Kveðja Fastur

þú færð ARB lás í 8" toyotu hjá http://www.allprooffroad.com á $649 sem eru aðeins 30.500 íslenskar krónur og það kostar varla 85 þús kall að koma þessu heim.

Það er mjög algengt, hér á netinu, að menn mæli með sérinnflutningi á vörum af því að það sé svo dýrt hér heima.
Það er ekki nóg að segja að þetta kosti bara 48.000-ísl og svo sé bara smá flutningskostnaður. Þetta er ekki alveg svona einfalt. Það bætast við tollar, vörugjöld, VSK, flutningur innanlands og flutningur yfir hafið og að auki er þetta líka altaf einhver fyrirhöfn fyrir hvern og einn.
Ég spyr ykkur sem hugsið alltaf svona er það einlægur vilji ykkar að það séu ekki starfandi fyrirtæki sem eru að þjónusta okkur jeppamenn hér heima?
Eða eiga þau kannski bara að vera til svo að hægt sé að skoða vöruna og panta hana síðan sjálfur erlendis frá?
Fyrirtæki eins og Arctic Trucks, Bílabúð Benna, Fjallasport og fl. eru okkur jeppamönnum í 4×4 mjög hliðholl. Alltaf að styrkja okkur á einn eða anna hátt.
Þessi hugsana gangur beinist aðalega að þeim sem styrkja klúbbinn okkar hvað mest og gerum okkur grein fyrir því að það er fólk á bak við þessi fyrirtæki bara eins og þú og ég.
Ef allir hugsa svona þá endar það með þvi að við verslum bara allir í gegnum tölvuna okkar og þegar þarf að vesenast í sambandi við ábyrgðir á hlutum þá verðum við bara að gera svo vel og standa í því sjálfir. Hvað gera menn t.d. ef upp koma gallar eða vantar einhverja hluti í pakkana.
Það er vist öryggi í því að versla við þessi fyrirtæki sem starfa á þessum markaði ekki sýst í þeim tilfellum þegar eitthvað kemur upp á.
En öll samkeppni og aðhald er af hinu góða og er sjálfsagt að fylgjast með hvað hlutir eru að kosta erlendis og benda mönnum á ef eitthvað óeðlilegt er í gangi í sambandi við verðlagningu hjá verslunum.
En það þarf að vera sanngirni og það þarf að taka allt með í reikninginn.
Þjónusta kostar líka.

Kveðja
Halldór
A-111

Það vill svolítið loða við okkur Íslendinga þessi gamli kaupfélagsandi þar sem hagkvæmnin ræður ekki hvar menn versla heldur allskonar önnur sjónarmið. Víða úti á landi er rekinn áróður fyrir því að versla í heimabyggð til að styrkja verslunina þar (jafnvel þó verðmunurinn geri meira en dekka kostnað við að skreppa í næsta kaupstað) og raunar nákvæmlega sama sjónarmið sem Halldór er að setja fram.

Við höfum þessa tvö möguleika, versla við söluaðilana hérna heima og þá líklega borga eitthvað meira, eða panta hlutina á lægra verði gegnum netið með þeim ókostum og þeirri áhættu sem því fylgir. Þetta eigum við bara að meta kalt út frá eigin skinni án þess að láta einhverja hollustu við söluaðilana ráða, hversu hliðhollir okkur sem þeir kunna að vera. Ef verðmunurinn er það mikill að okkur finnst hann réttlæta umstangið og áhættuna sem fylgir því að kaupa þetta í gegnum netið, þá gerum við það. Ef það verður mikið um það að menn fari þá leið dregur verulega úr sölu hjá fyrirtækjunum hérna heima og þá er annað hvort fyrir þau að lækka verðið þannig að þau verði samkeppnishæf eða að komast að þeirri niðurstöðu að það sé ekki rekstrargrundvöllur fyrir þessari starfsemi með samkeppnishæfu verði og loka sjoppunni. Þessi fyrirtæki er öll að reka fína þjónustu og veruleg þægindi að geta skroppið upp á Höfða eða inn á Nýbýlaveg eftir því sem mann vantar, en ef það er að kosta okkur meira en við erum tilbúin til að borga er engin ástæða til þrjóskast við það.

Ég er samt ekkert viss um að verðmunurinn sé það mikill þegar upp er staðið að almennt taki því að kaupa hlutina beint. Það þarf allavega að reikna það dæmi alveg til enda og sitja svo uppi með töluvert drjúgan plús á endanum, ég þarf allavega að sjá fram á nokkuð góðan gróða til að standa í þessu. Gæti verið forvitnilegt að sjá raunhæf dæmi um það frá þeim sem hafa gert þetta. En sjálfsagt að halda þeim Lofti, Benna og Reyni á tánnum þannig að þeir geri örugglega allt til að hafa vöru á góðu verði fyrir okkur.

Kv – Skúli H.

Hef aðgang að fólki sem starfar við innflutning og bað það að fletta upp á hverskonar gjöld væru af innflutningi á talstöðvum. Þau fullyrtu að á þeim væru engin gjöld, en hinsvegar þyrfti leyfi (leyfisflokkur LPS) Fjarskiptastofnunar um hvort tækin uppfylltu CE – reglur og svo framvegis. Eina sem er greitt í tollinum er 24,5% VSK. Þau sögðu mér hinsvegar, að innflytjendur rafmagns- og rafeindatækja hér legðu á s.n. ábyrgðargjald vegna þeirra viðtæku ábyrgðar sem söluaðilar slíkra tækja hér þyrftu að sæta skv. lögum. Þetta gjald er hinsvegar ansi frjálslegt, satt aðs egja hefur hver innflytjandi frjálst val um hvernig hann reiknar það. Hugmyndin er sumsé sú, að þetta gjald myndi sjóð hjá innflytjandanum sem standi undir kostnaði við ábyrgð á gölluðum vörum. Reglur erlendra framleiðenda gagnvart dealers varðandi claims eru yfirleitt miklum mun þrengri en þær kvaðir, sem íslensk lög leggja innflytjendum á herðar. Hvort þetta nægir til að skýra muninn get ég ekki svarað, en þetta var mér sagt af fólki, sem er að vinna í þessu alla daga.
kv.

Veit einhver hvernig þetta mál stendur, í öllum bæklingum frá ARB síðan Okt 2003 er sagt að þessi læsing komi á markað seint á árinu 2003

kv GG
#3039