This topic contains 10 replies, has 1 voice, and was last updated by 
-
Topic
-
Brotist var inn í gullið mitt, vínrauðan 60 Cruiser, í Gnoðavoginum í Reykjavík, líklega um helgina.
Rifnir voru úr honum 2 flip-down skjáir en festingarnar fyrir þá skemmdar, ásamt því sem skorið var á allar lagnir. Tjón um 100.000 kall.
Þá var allt hreinsað úr framrúðunni; lyklaborð, aukahátalari fyrir VHF-stöðina og standurinn fyrir GPS tækið. Í sjálfu sér lítill peningur, en skorið var á allar lagnir, líka GPS lagnirnar sem lágu lausar. Tækið var ekki í bílnum.
Þá hefur verið reynt að eiga við útvarpið, sem er rándýrt og vandað líka, en líklega hefur eitthvað orðið til þess að fíflið hefur lagt á flótta. Að minnsta kosti skyldi það eftir húslykil og skrúfjárn (alltaf gott að eiga skrúfjárn svosem).
Þrátt fyrir að vita að það væri hálf tilgangslaust kallaði ég lögregluna til og hún tók skýrslu.
Nú biðla ég til ykkar að láta orð út ganga, í þeirri von að einhver hafi séð til mannaferða um helgina í Gnoðavoginum sem gæti leitt til þess að þessi gerpi fyndust.
Ég geri mér fyllilega grein fyrir því að dótið sem var stolið úr bílnum er glatað, enda gjöreyðilagt og ekki einu sinni hæft til sölu.
Ég er hinsvegar ekki til í að láta svona aumingja komast upp með þetta, sérstaklega þar sem vinur minn lenti í því í ágúst á sama bílastæði að blæjan á bílnum hans var skorin í tætlur. Ekkert hefur heldur spurst af því.
Því bið ég ykkur um að minnast á þetta við félaga ykkar, jafnvel dreifa þessu í tölvupósti, ef þið eruð á annað borð í þeim bransanum, í þeirri veiku von að hafist upp á þessum hálfvita/-vitum.
Fréttist eitthvað, má hafa samband við Lögregluna í Reykjavík. Bílnúmerið er IS 192, og þetta gerðist við Gnoðavog 20.
…Og ekki flytja í Gnoðavoginn. Ekki ef þú átt bíl allavega.
Kv.
Einar ElíPs. Mynd af bílnum, til glöggvunar fyrir þá sem gætu hafa verið á ferðinni: https://old.f4x4.is/new/photoalbum/default.aspx?file=breytingar/4189/33642
-
Replies
-
ef að þetta [img:2gx6pzqj]http://www.f4x4.is/new/files/photoalbums/4189/28217.jpg[/img:2gx6pzqj]
virkar ekki sem þjófavörn, hvað virkar þá?
vonandi kemur þú höndum yfir kauða og gengur frá honum þannig að hann geti aldrei stolið framar
samúðarkveðja siggi
menn sem eyða 100.000 kalli í dót í bílinn ættu nú að skella sér á svona eins og 15-20 þúsund króna þjófavarnarkerfi……… works wonders you know
Það er þjófavarnarkerfi í bílnum, en vegna rafmagnsvandamála sem hafa verið að stríða mér í soldinn tíma er það ekki virkt.
Hefurðu annars einhverntíma séð einhvern kippa sér upp við hávaða í svoleiðis kerfi?
EE.
Ertu með kaskó tryggingu á bílnum????
Ég endurtek: Þetta snýst ekki um að fá tjónið bætt – þetta er glatað fé. Það gengur hinsvegar ekki að það sé eitthvað pakk að stunda það að skemma bíla að gamni sínu, og sæki hvað eftir annað í sömu bílastæðin.
Og nei – ég er ekki með kaskó á þessum bíl.
Anonymous- Umræður: 0
- Svör: 16404
Það virðist engu skifta hvort það sé þjófavörn í bílum. Það er yfirleitt á þessa vegu: I’m gonna get my tool, thats not a tool. thats a fucking brick!! Helv aumingjar sem ekkert geta. Ég skal hafa augun opin Einar.
Þetta snýst um að finna svona aumingja og limlesta þá!
Ég held að svona lið sé alveg material fyrir réttargeðdeildina á Sogni – það getur ekki verið heilbrigt að labba um og skemma, bara til að skemma.
…Eða þá að við sendum þá á GPS námskeið til að læra hvað það er sem loftnetskapall fyrir GPS gerir – og af hverju það er ekki endilega arðvænlegt að skera á hann til að stela 5cm enda.
Sæll Einar
Ég kannast við svona lagað, ég var búinn að vera í rúma 4 klukkutíma í áður yndislegum heimabæ mínum, Selfossi. Búinn að keyra frá Egilsstöðum eftir vinnu fram á nótt þegar brotist var inn í bílinn en aldrei þessu vant hafði ég læst honum en einhvernveginn komust púkarnir inn í bílinn. Því sem var stolið var GPS tæki 128 garmin vitaverðlaus en ágætt til síns brúks en engin snúra hvorki rafmagns né loftnets tekin með eða skemmd. Ég var svosum svekktur yfir því en hinsvegar þegar ég áttaði mig á að DVD spilara sem við notum til að hafa ofanaf fyrir 2 og 4 ára strákum afturí á löngum ferðum var einnig stolið með einum ágætis DVD disk með barnaefni, að ef ég hefði hitt þá sem voru að verki hefði ég lamið þá í klessu. Ekki verðmætanna vegna heldur því að þeim gagnast tækin ekki neitt snúrulausum svo að eingöngu var um skemmdarverk að ræða og það gegn drengjunum 2.
Heimilitrygging bætir svona tjón ef það sér á bílnum eftir bófana svo að ég náði engu þaðan.
Kv Izan
P.s. þeir létu veskið mitt sem lá á milli sætanna vera og líka splunkunýjann kíki sem var ólíkt verðmætari en GPS tækið, hálfvitarnir.
mín augu verða opin,
ég kannast við þetta en það var 2 sinnum farið í bíla hjá mér í sumar 1 sinni í kefl. og 1 sinni á selfossi og það fyndnasta að í annað skiptið var bíllinn læstur og stuðarar og allt innan úr honum var hreinsað úr+það var virkt þjófavarnakerfi og þeir læstu bílnum á eftir sér þessir djöflar en löggan hafði uppá gpsinu mínu en ekki rest þannig það er alltaf möguleiki
kv. Kristján
You must be logged in to reply to this topic.