Bronco II gangtruflanir

Sæll!
Ekki ætla ég mér þá dul að halda því fram að ég sé sérfræðingur í bronco (þótt ég sé sérfræðingur í stafsetningu). En hluti af því að vita eitthvað er að vita hvar sækja skal upplýsingar. Og ef ég man rétt skrifaði Leó M. Jónsson í Höfnum fróðlegan pistil í Bílinn, sem hann gaf út svo árum skipti, um gangtruflanir í broncoII. Eftir að hann hætti útgáfu Bílsins hefur hann haldið úti vefsíðu http://www.leoemm.com og þar eru bæði gamlar greinar um tæknivandamál og svo býðst hann til að svara skynsamlegum spurningum um þau sem send séu pr. tölvupóst á póstfangið leo@leoemm.com. Nú er það tillaga mín að þú sendir honum bréf og lýsir vandkvæðum þínum og færð vonandi svar innan skamms.
Kveðja; Þ

sko ég hefði talið líklegast að súrefnisskynjarinn sé eithvað að angra þig!!! Þessi skynjari að ég held nemur útblásturinn í pústinu og gefur tölvunni boð um ef og lítið eða of mikið bensín sé að injecta þannig að ef skynjarinn sé bilaður þá getur hann alltaf verið að senda boð um að of lítið bensín sé og þá er inn´spýtinginn alltaf á fullu

(lenti í þessu sama og þú bara í volkswagen transporter lýsti sér nákvæmlega eins)

vona að þetta komi að gagni!!

Ég er að vísu ekki sérfræðingur í stafsetningu en reyni engu að síður

Fyrst er að fullvissa sig um að hann fái of sterka blöndu.. kok og bensínblaut kerti geta alveg eins bent á laskað kveikjukerfi,t.d ónýtt háspennukefli sem fjarar út við að hitna. Þreifaðu á keflinu eftir að bíllinn er orðinn heitur, ef þú finnur minnsta yl frá keflinu skaltu prófa annað kefli, mig minnir að við kveikjuna sé einhver kubbur sem getur klikkað líka. Erfitt að sannreyna eitthvað í þessum málum, en allavega skaltu tékka neistann vandlega af eftir að bíllinn er orðinn heitur. Það á að vera fanta neisti á þessu sem hleypur auðveldlega 6-10 mm

Þrýstiventillinn fyrir spýtinguna hefur fests í einstaka tilfellum og valdið of háum bensínþrýsting, sem aftur þýðir og sterk blanda, það væri snjallt að mæla hver þrýstingurinn er í raun með bílinn í gangi.

Ónýtur hitaskynjari (vatnsskynjari í heddi) fyrir innspýtingu getur ruglað blönduna, t.d ef tölvan heldur að vélin sé "köld" þá gefur hann of mikið. (klassískt en afar sjaldgæft vandamál). Möguleiki að súrefnisskynjari í pústi sé óstarfhæfur líka.

Trúlega væri snjallt að láta lesa út úr græjunni með kóðalesara, það er fljótlegt og á ekki að kosta formúgu, hitt er svo annað mál að allt of sjaldan varpar það ljósi á vandamálin í gömlum ford.

Kv
Óli

Sæll!
Þakka hlý orð í minn garð. Bara vegna þess að ég var viss um að mig misminnti ekki um greinar Leós þá fór ég inn á síðuna hans og fann það sem ég leitaði að. Leiðin þangað er einhvernvegin þannig að þegar komið er inn á leoemm.com blasa við nokkrir tenglar. Þá er valinn sá sem heitir ?Gagnabankinn ,,Brotajárn"? . Þegar þangað er komið sjást 6 pakkar og þá er farið í þann sem heitir ?Brotajárn 6. hluti?. Og þegar þar er flett koma fljótlega í ljós tvær greinar um gangtruflanir í gömlum bronkó og vonandi svara þær einhverju um það sem plagar bílinn þinn.
Kveðja; Þ