This topic contains 7 replies, has 1 voice, and was last updated by 
-
Topic
-
Sælir félagar, ég var í smávandræðum með hálf vindlaust varadekk á tjaldvagninum í Nýjadal um verslunarmannahelgina, en hugsaði mér gott til glóðarinnar þegar mjög nýlegur Patrol renndi í hlað að hann væri með loftdælu. Maðurinn var hinn elskulegasti og vildi allt fyrir mig gera, reif allt dótið út úr bílnum til að finna loftslönguna sem hann var að fara að brúka í fyrsta skipti. En þegar til kom virkaði dælan ekki. Þegar ég fór að ath málið betur rak mig í rogastans af undrun og hneykslan, hvar haldið þið að þetta margrómaða og þekkta breytingaverkstæði sem seldi manninum 35″ breytingu hafi sett litla rafmagsloftdælu sem er hugsuð til að vera inni í bíl… Fremst inn í stuðarann, þar sem hún var margsinnis búin að fara á bólakaf í vatn og drullu og allt var loðrandi í spansgrænu og vibba.
Nú hef ég aldrei látið breyta bíl á verkstæði, en eru þetta vinnubrögðin? Það var afskaplega þægilegt að koma henni þarna fyrir og rukka sakleysingja sem ekki hafa mikið vit á þessu um stóra peninga fyrir trúlega.
Eru breytingaverkstæðin að stunda svona fíflagang í fleiru?
kveðja, Guðni
-
Replies
-
Ég tek eftir því að þú spyrð hvort að þetta séu vinnubrögðin (breytingaverkstæðanna þá væntanlega) og þú spyrð einnig hvort að breytingaverkstæðin séu að stunda svona fíflagang í fleiru?
Þessar spurningar fela í sér alhæfingu, þú ert að setja öll breytingaverkstæði undir sama hatt með spurningum af þessu tagi. Ég tel það ekki heppilegt þar sem ég veit fyrir víst að breytingaverkstæði eru eðli máls samkvæmt misjöfn rétt eins og menn eru margir sem þeim stjórna og á þeim vinna.
Umræða um vinnubrögð og þjónustu fyrirtækja er sjálfsögð og í raun nauðsynleg til að tryggja að eðlileg samkeppni fái þrifist. Það er eðlilegt að jeppamenn ræði sín á milli og opinskátt um þjónustu fyrirtækja og bendi á vankanta séu þeir fyrir hendi. Í því samhengi hefur takmarkað gildi að setja þau undir sama hatt – og því spyr ég;
Hvaða fyrirtæki breytti þessum Patrol?
*upphaflegum pósti breytt*
ég gef mér að ég viti hvaða verkstæði stundar þetta þar sem félagi minn er með glænýjann pickup á 35" og hann er einmitt með smá rellu loftdæu og er hún einmitt í stuðarasvuntunni þar sem smá op er og mun hún lenda í öllu snjó vatni og drullu. Svona vinnubrögð skil ég ekki
Kv Davíð Karl meðrunnersemklikkarekki
Af hvaða ástæðu tilgreinir þú ekki um hvaða verkstæði er að ræða Davíð?
það er munur á spurningu og alhæfingu. Ég var einfaldlega að velta þeirri spurningu upp, hvort menn sem hafa látið breyta bílunum sínum á breytingaverkstæðum hafi svipaða sögu að seigja.
kveðja, Guðni
Ég vill ekki vera að alhæfa að umrætt breytingaverkstæði stundi þetta þar sem ég einungis veit um eitt slíkt tilfelli og finnst mér því fyrir bestu að ég nefni hvorki eiganda, bíltegund eða breytingarverkstæði/umboð. Ég vill ekki tala illa um þetta né þá heldur staðhæfa að þetta sé afleit staðsetning þrátt fyrir að ég hafi mínar efasemdir hehe
Kv Davíð Snjóræningi
Ég sá einmitt þennan sama frágang á loftdælu á nýjum bíl hjá félaga mínum.
Ég benti honum á að þetta myndi gefa sig fljótlega ef dælan yrði þarna – en þó fullyrti breytingaaðilinn að þetta væri í góðu lagi. Og viti menn – Um helgina dó dælan 4 mánaða gömul.
Að sjálfsögðu gera allir mistök og það á án efa við um breytingaverkstæðin eins og aðra. En það er þó engin ástæða til að benda ekki á vankanta þegar þeir koma upp. Öðru vísi lærum við ekki að gera hlutina betur.
Mér þykir þó vænt um að menn séu ekki að nefna hér nöfn eða vera með fullyrðingar – slíkt á ekki heima hér. En hins vegar eiga þeir sem lenda í þessu eða sjá svona frágang að benda mönnum á að gera þetta betur – og breytingaverkstæðið sem um ræðir hlýtur að bæta þetta tjón þeirra sem í lentu.
Benni
Sælir félagar.
Á þessum litla spjallþræði hefur þegar komið fram að breytingaverkstæði (eitt eða fleiri) ástunda óviðunandi frágang á lofdælum sem gerir að verkum að þær verða fljótlega ónothæfar með tilheyrandi óþægindum og útgjöldum fyrir eigendur bílanna.Hér hefur einnig komið fram að einhver breytingaraðili fullyrði að þetta sé í fínu lagi, þó að reynslan sýni að því er alls ekki þannig farið.
Hér á þessari vefsíðu hafa menn gert í því að nefna það ef þeir hafa fengið góða þjónustu hjá fyrirtækjum og verið ósparir við að dreifa þeim upplýsingum til annarra félaga. Það er auðvitað sjálfsagður hlutur og er gagnlegt fyrir aðra félaga. Það er vonandi hafið yfir allan vafa að þetta virkar í báðar áttir, ef menn fá óviðunandi þjónustu eða gallaða vöru ber að sama skapi að greina frá því á sama hátt, það veitir fyrirtækjunum aðhald og er til hagsbóta fyrir jeppamenn.
Sú hugmynd að þessi vettvangur sé ekki til þess að "nefna nöfn eða vera með fullyrðingar" passar fremur illa við ofangreindar skoðanir mínar. Ég átta mig ekki alveg á því hvaða tilgangi er verið að þjóna með því.
4×4 klúbburinn er hagsmunafélag jeppamanna, en ekki breytingafyrirtækja og verslana, eða þannig hef ég skilið málið.
Kv Óli.
You must be logged in to reply to this topic.